Hosiqa 10:14 - NABUWWA KEE MALIKWA

¹⁴ Sin marat qeebi akkeleeh; koositih bicissen arooca foyyaase siinik lon. Malik Salman Beet-Arbel magaala carbit bayse saaku tekkem akkele. Too saaku inaani kee xaylo umâ-yabulit raben.

Hosiqa 10:14 Referans Kwoze

Hosiqa 13:16

Samaariyah mari yi yab cineemih sabbatah, digaala keenil tamaate. Xaylo keenik carbit rabele. Qunxa urri keenik xeetil tafqelon. Bagut le agabuk bagu fakelon» iyye.

Cabakkuk 1:10

Ta mari, malikwa qunxa intit yable mara kinnon. Kaxxa maray doolatat yanihiyyal qangi asalah rabaanah. Faxe gaso haanamah magaala cule ken kalaanam maxiqan. Magaalat maroh tan gasot ballaaqe massossa heenih teetil koreenih, tet abbixelon.

Naacum 3:12

Assuuriyah mari megdebitte yabbaxu waa marah, *sublay xaylo akak alayteh innah gacele. Subla xaylo caxa ligligga haan way xayuk elle radda innal, ken gabat radelon.

Naacum 3:10

Toh teetih xiqtem maliiy; ellecabol too magaalah mara seewah marin baaxo been. Tet xaylo xaal tafaqqa heenih, baaxot qiden. Teetil abbobtih suge mara silsilatat axuyya heenih beeniih, ken seewah bee mari saami caxxa keenil qide.

Qaamus 9:5

YALLAY Dagelta kinnih, Nabaamak Nabahiyya baaxol inti haa waqdi, baaxo diyaayak sutta inta. Niil weeqayti leek yamagge saaku elle koramkorsima'nnal, baaxo kabuk kabul koramkorsimta. Teetil yan mari inkih weeqa.

Qaamus 3:8

Lubak gardam yaabbe way meysite waa num mayan. YALLAY Mulki le yaabe waqdi, kaak yoobbem ummatah warse waa nabi mayan» 'yaanam iyye.

Ermiyaas 48:41

Ken magaalooli kee megdebih lon arooca inkih antixibbixele. Too saaku Mooyab mari cunxoh, lacawat tan barrah inna assaallelon.

Yasaqya 33:14

Siyon-qalel tan dambileelat kaxxa cunxo hayte. Yalla-maleela meysih axaxitte. «A giray muxuq intak iyyi yalliile? Daayiman urta girat carariyya iyyi faxa?» iyyan.

Yasaqya 17:3

Gasoosa maroh edde tan magaalooli, Israayilik bayeleh; Damaskoh-magaala amô-baxxaaqqa weele. Suuriyah marak rabak raaqe mari Israayil marak kaxxih dago mara akkelon. Taham intam yoo, YALLAY Nabaamak Nabahiyya» iyye.

2 Malikwa 18:33

Aki-baaxooxah-yallitte isi baaxo Assuuriyah-malikih-gabak maay cattee?

2 Malikwa 17:16

YALLAY ken doorehiyya keenil oobise amri cineeniih, Yallih aftok dahabak bicissa heen namma daheltih ceelo yuqbuden. Migaaqah Aseera deqsittaamay yaqbudeenihiyyah astah heenih sugen gurmudda soolisen. Tohuk kalah, cutuukâ-qibaada kee Baqal-deqsitta-duyyeh-qibaadat gacen.

Ermiyaas 13:14

Too waqdi kibuk tan buutitteh innah tittat ken bodsiiseyyo. Tittin gabat ken qidsiiseyyo. Qunxa num kaxxa numut ruubeyyooh, tittin gabat ken qidsiiseyyo. Keenih maracmataay keenih maxuwaawam keenih waris› yok iyye» iyye.

2 Malikwa 17:3

Assuuriyah-malikiy migaaqah Salmaneser deqsitahiyya Israayil-rasut qeebi abe. Sarrak Hosiqa kay gubal gace. Tohuk lakal kulli sanatal qusuur kaah acayuk yen.

Hosiqa 10:15

Beetalal yan maraw, siinit kaadu takku waytam tohu. Toh siinit akah takku waytam, isin abten kaxxa umaane. Israayil malik carbik qimbot rabele» 'yaanam iyye.

Qaamus 3:14

Israayil mari abe dambih digaalu waa saaku, Beetal-magaalal tan sadgat elle aban arooca keenik aggileyyo. Sadgat elle aban aracak affara ruknil tan gaysoosi bututtukka axceleeh; baaxot radele.

Miika 5:11

Magaalooli siinik bayseyyo. Isin naqboyti culaamak hayten koosit inkih foyya abeyyo.