Ermiyaas 9:8 - NABUWWA KEE MALIKWA

⁸ Arraaba keenik summi le gaysê-baxih gide. Kulli waqdi diraabat yaaban. Kulli num keenik meqe qangara afak sinam lih yaabaah darrek edde radoonu waan oflo keenih bicsa.

Ermiyaas 9:8 Referans Kwoze

Ermiyaas 9:3

YALLI iyyemii, «Diraabak sah nummat mayaaban; Maqarah loonum, diraaba. Nummak yaaxigeenim malon. Yi mari umaane umaanê-lakal aban; anu ken Dagelta kinniyom yok mayaaxigan» iyye.

2 Samuwel 3:27

Abner Cebron-magaalah-culmeyna gufe waqdi, Yowab giti qaxa garayah kaa beyam cella heeh gile bagut kaak hee. Abner, duma Yowab toobokoytay Qasahel deqsita qideh sugeemih sabbatah, tonnal rabe.

Ermiyaas 9:5

Kataysa kataysa siinik ganaah, nummat num siinik mayaaba. Arraaba dirab siinik baritte; abtan dambik mataduuran. Naharsi umaaneh lakal, gersi umaane abtan. Yoo aaxige cinteenih» 'yaanam keenik iyye.

Ermiyaas 5:26

Yi marih addat uma mari yan. Ta mari oflot-kimbir-yabbixem-faxa-marih innah raarisan. Oflot yabbixeenim faxaanam sinaama'kkal, kimbir hinna.

Ermiyaas 9:4

«Tonna'mmay yaaminen toobokoyti siinit ane waamih sabbatah, kataysa kataysat siinik dacayrih gaca. Toobokoyti toobokoytat gano siinik aba; kataysa kataysa siinik camitaah deedal kaal haa.

Miika 6:12

Siinik gadda leelah yan mari tu maleela yadlume. Takkeenimiik dirab leela kinniton. Sinam duquurussan.

Ermiyaas 5:9

Tannah yan mara digaale week, maa mara digaalah an? Ken digaaleyyo. Ta marak cane gacseyyo. Tahat yabtam yoo YALLA.