Ermiyaas 8:6 - NABUWWA KEE MALIKWA

⁶ Intaanam siinik aabbeh immay, nummat mayabtan. Abe umaaneh nadaamita num siinit mayan. «Labhay, umaaneh baahem macaay?» iyyeh essera num siinit mayan. Kulli num siinik qeebi booxa fan xoxbisan farasih innal isi faxa gitat xoxoba.

Ermiyaas 8:6 Referans Kwoze

Yacedkel 18:28

Abak sugem umaamaay dambi kinnim yismiteh, edde suge uma taamat raaqe kaa tekkek, marabay waarele.

Malaaki 3:16

YALLIH meysi le maray kaa yaynabehiyya ahamat titta lih yaabeeh; YALLI ken yab ankaciseh, ken yab yoobbeh. Tohuk gexxaamah Yallih garil too marih migaq Yalli kassitih maktuubuk yabbixe.

Miika 7:2

Baaxô-bagul yaaminen num maraaqinna. Yallal imaan haa num mayana. Num numtin qidimih raarisa. Kulli num isi baaxoh numuh alluwwah innah admoh gexa.

Caggay 1:7

« ‹Ah siinit akah takkem kinnim cubbussaanam meqe.

Caggay 1:5

« ‹Away ah siinit akah takkem kinnim cubbussaanam meqe.

Yacedkel 22:30

Abeh an bagcarrah baaxo baysaamak dumal, magaala edde cata'gidih maroh sugte gaso xisaah woo gasoy tiddigillehiyyah garil soola num gorrise'mmay weeh.

Ermiyaas 5:1

YALLI iyyeemih: «Ugutay! Yarusalaam magaalak adda wagga haay! Dariifa kaadu isinnik wagga haay! Qadaaga elle takke arooca kaadu cubbusay! Inki numuy yeemeneenih cakkih tanim abahiyya Yarusalaam addal mageytima. Geytimma 'yek, Yarusalaam marah qafu abeyyo.

Yasaqya 59:16

Tohuk ken cata num ane waam yuble waqdi, kaal faxe-waynaan tekke. Tonna leemiik isi-qadaalatay maqar let, YALLI isi gabat ken wade.

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Ermiyaas 23:25

Qagseh, «Ama nabuwwa kinnino iyya mari edde yaaba yab aabbeeh, garci akak mayyu. ‹Aham Yalli soonol nee yuybullee› iyyan.

Yasaqya 57:17

Oson aban dambi kee bukko kee guqulul adoobitak sugeenimih sabbatah, ken inqibeh sugeeh, tonna leemiik ken digaaleeh darre keenit cabe. Keenih tu gactek, yab aabbe waa maray isinnih faxem abahiyyak sugen.

Ermiyaas 3:5

‹Yalli kulli saaku net mabagcarrita. Ahaysa nee mayanqiba› intan. Afak toh intaana'mmay, tohuh, aaminnaan taamah abittok maraaqinniton» 'yaanam siinik iyya.

Daaniyel 9:11

Israayil mari inkih gitah taniimiy atu nee tuybulleehiyya maaqileh ku xinto intam abu cineeh ku yab cineh. Nanu dambi lem kol bahne. Tonna leemiik atu ku xintoy Muusay ku naqasuh yanihiyya baahel tunkuttube abaaro nel oobisse.

Xafanya 3:7

‹Tahaysa yi mari yok meysiteleeh, anu maabina keenik axcem maabaana› 'yaanam niyal heeh suge. Takkay immay keenil baahem abaluk, yol yaduure marak masuginnoonuuy, dumaak abak sugen uma taamat qagten.