Ermiyaas 8:19 - NABUWWA KEE MALIKWA

¹⁹ Inkih tan baaxol inni marak weeqa aabbek, ankacca haay! ‹YALLI Siyoonul mayana'nnaa?› iyyan. ‹Siyon malik Siyoonul mayana'nnaa?› 'yaanam axcih ken aabbe. Ken malikiy YALLA kinni tohuk iyyaamah; ‹Hebeltoh im xiqe sinni duyyeeyay sinam aqbudih tubleenihiyya taqbudeenim bahten. Tohuk gexxaamah yot naqabu culussen› 'yaanam axcih kaa aabbe.

Ermiyaas 8:19 Referans Kwoze

Yasaqya 39:3

Sarrak nabi-Yasaqya Malik-Ciskiyyaahu fan yemeeteeh, kaak iyyemii, «Too mari akak yemeetem ankeey, kok iyyeenim macaay?» kaak iyye. Ciskiyyaahu iyyemii, «A mari yi fan akak yemeetem, xer baaxoy Baabelon deqsittahiyya» iyye.

Yasaqya 13:5

Inkih yan baad baysaana'gidih, YALLA kee, isi bagcarra gabat le qaskar baad edde yaadiye xer baaxok yamaaten.

Qobadya 1:17

«Takkay immay Yarusalaamal tan Siyon qaleh amol sugu waa mara cattiimele. Too arac taahirik yan arac akkele. Yaqkuubuk rade mari isi baaxoy ikoytah luk sugehiyya geele.

Ayyuqel 2:32

YALLAH seecinnaanih num waddiimele. YALLI akah iyye'nnah, «Yarusalaamal sugu waa marak tu takkem asillimele. Anu dooreh akah seece mari cattiimele» iyye.

Ermiyaas 31:6

Qibaadâ-Qari dacrisa mari Efrayim qaleelah amook deero abeleeh, ‹Annah nel amey; YALLAY ni Dageltah yani naqbude'gidih, Siyon qale fan nee beya› 'yaanam axcuk, sinaamah deero edde aboonu waan wakti amaatele» 'yaanam iyye.

Ermiyaas 14:19

Ummatta Yallak inteemih, «YALLAW, Yuudâ-mara inkitanuuk cinah cintee? Siyon-mara tinqibeh edde cabtee? Akak ure wayna biyaakah nee akah biyaktam macaay? Amaan geennom nekkele'mmay, woo amaan mageytiminna. Biyaakak urennom nekkele'mmay, inkinnah akak cunxinna umaane nee tibbixe.

Yasaqya 52:1

Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Ermiyaas 9:16

Duma ken kee ken kaxxa abbobti able wayteeh aabbe wayte baaxoy oson kaadu ahaydumah aabbe weeniih able weenihiyya fanah ken ruubeyyo. Tokkel aaxige waan marih addal ken fixiixiseyyo. Saabo cabba haanam fanah, ken seltu wayta qaskar keenit ruubeyyo» iyye.

Ermiyaas 2:5

YALLI siinik iyyam ah teetik, oobbeya. Sin kaxxa abbobti yot geyteemiy makot akah gexak sugeeni macaay? Maca keenil baahe? Gabak bicsen duyye yaqbudeenim taamah haysiten. Tu xiqe-sinni-duyyeh qibaadat gaceeniih tu xiqe-sinni-mara isinni aben.

Ermiyaas 7:19

Nummah umam elle baahaanam, isinni nabsi'kkal, yoo hinna. Tahamat wacarriyelon» yok iyye.

Ermiyaas 8:20

Ummatta weeqat tan. ‹Daro edde orbisan wakti gaba kaleeh karma gexxeh immay nanu luk nen biyaakak uxih mawaddiiminnino› 'yaanam iyyan.

Ermiyaas 14:9

Sahda catam elle tigibdiye num nel tekke. Carbi addal boola le qaskariitay sahda catu duude waa nel tekke. YALLAW, ne'lih tanim naaxigeh, nanu ku mara kinninok, darre net macabin» iyyen.

Ermiyaas 27:10

Oson siinil yaceenim diraabaay; ken yab toobbeenik, tonnal sin elle aaxige waan baaxo seewah sin beelon. Ken yaabal maylahitina. Ken yab toobbeenik, baaxok akah tawqen innah siinik abeyyooh, finqitetton.

Ermiyaas 32:30

Israayil kee Yuudâ-marih abto, yoo ruffu hayte saaku mali. Ken taama fiiruk geerah bagi-cararow yol tekkeh tan. Tahat yabtam yoo YALLA.

Yacedkel 48:35

Inkih tan magaalah gaso affara tattabak xexxaarah sagla alfih mitri akkele. Ta magaalah migaq tahak wadir ‹YALLI-akkel-yani› deqsitele» 'yaanam iyye Yalli.

Miika 4:9

Yarusalaam maraw, kaxxa weeqah macah weqtan? Lacawat tan barrah innah macah iihissan? Malik aalle waytaanamah maay weqtan? Sin fayisak suge mari siinik rabeemih annah gactaanah?

Xafanya 3:15

Aysa siinil tan digaala YALLI siinik kalla hee; naqboytit siinik kalla hee. YALLI sin amoyta kinni; Israayil ummat waklisa. Ahaysa akak cunxittaanam matan; sin fanat maraqta.

Zakariyya 2:9

Gaba keenil qideyyooh; keenih taamitak sugte ken naqoosa ken buubele. Toh keenit takku wayta saaku, YALLAY Nabaamak Nabahiyya yoo ruubem aaxigetton.