Ermiyaas 8:16 - NABUWWA KEE MALIKWA

¹⁶ Neh qeebih yamaate mari Daan deqsitta magaala gufeh yan. Ken faaris abah yan xongolo nel radda. Oson edde yanin faaris abah yan xongoloh, inkih tan baaxo axaxittah tan. A mari akah yamaatem, ni baaxo kee tet addal enna 'tam baysa'gidiiy ni magaala kee tet addal yan mara sela'gidi» 'yaanam iyyan.

Ermiyaas 8:16 Referans Kwoze

Makaabon 18:29

Magaalak migaaqah Daana iyyen. Daan ken kaxxa abbah migaaqaay Yaqkuubuk baxak ten.

Makaabon 5:22

Tohuk lakal faariisa xoxobak temeete. Woo faariisah ibitteek radda xongolo kakkaqô xaw telle.

Cabakkuk 3:10

Qaleeli koo yuble waqdi, kok cunxiteeh, axaxiteh. Qaraanak kaxxa rob radeh; baaxol sugga 'tem duufut bee. Baaxok guba tan lee muxxe; weeqi kaxxa haffo baahe.

Naacum 3:2

Faaris edde yaaguren keetalih faxiqtu aabbeh an. Gaariira gexxa way xawta xaw aabbeh an. Faaris aba xoxob aabbeh an.

Ermiyaas 47:3

Faarisiy yardehiyyak ibi xongolo antaabbele. Faaris-gaariiray xoxobak tamaatek radda xongolo aabbelon. Gaariirah ibih xongolo sinaamal radele. Abbobti xaylo makassaay, baxi abbak, ‹Yi abbaw yoo cat› iyyaamah, abba abeh yan wariggah gurmuddi'nnah soolak raaqele.

Ermiyaas 10:25

Abta bagcarra koo aqbude waah koo cine maral gacis. Too mari neey ku mara kinnihiyya qideeh nee sele mara kinnon; baaxo nek abur aben» 'yaanam exce.

Ermiyaas 6:23

Too mari gayse kee gaysê-xaylooy macaxwa gabat lon. Racmatta kee xuwaawak tu le mara hinnon. Faariisat gexan waqdi, baddi haffoh xongolo lon. Yarusalaamey, kot qeebi abaana'gidih roorut gacca 'yeenih yamaaten» 'yaanam iyye.

Ermiyaas 4:24

Qaleela wagga hee waqdi, qaleeli kaadu dillibitah uble. Koomaami kabuk kabul koramkorah uble.

Makaabon 20:1

Tah yoobbe mari, Israayil mari elle eneyya 'ya ikkek, Gilqad rasul elle suge marih agantah, num maraaqinnay, inkih yakkeenimik Mixfa deqsita aracal YALLIH foocal gaaboowen.

Ermiyaas 3:24

Duyyey naqbudehiyya qaybik sah neh xiqtam mali. Too qibaaday abnehiyyah sabbatah, ni kaxxa abbobti nagrah neh cabte midir nek yembexeh. Ninni xaylo wayneh. Ni kaxxa abbobti dumî-dabaanaak akah taqabba 'tem inkih wayneh.

Ermiyaas 5:17

Buqrek orbissen daro kee buxal liton maaqo sella siinik heelon. Xaylo siinik qidelon. Illi kee wadar kee laa siinik qidelon. Qinab xaylo xala coox kee sublâ-coox siinik argiggiqelon. Kaxxam amo elle meqiton magaalooliy gaso maroh edde tani silaacat bayselon» 'yaanam siinik iyya.

Ermiyaas 30:5

YALLI iyyemii, «Meysih aban weeqih xongolo yol radda. Amaan weeh, cunxita mari aba weeqih anay aabbe.

Ermiyaas 30:16

«Takkay immay ahak wadir sin baatit suge mari inkih bayeleeh, sin seewah bee mari inkih seewah gexele. Sin wararak suge mara warareloonuuh; sin buubak suge marat buuba akkele.

Ermiyaas 50:42

Tikyah macaxu kee gaysê-baxa loonuuh; racmatta kee xuwaawah loonum malon. Faarisit gacca 'yeenih gexan way, haffo baaha badih xaw lon. Baabelon maraw, siinit qeebi abaana'gidih, roorul gacca 'yeenih yamaaten.

Ermiyaas 51:29

YALLI Baabelon rasuh loowe bala teetil oobisu waa saaku baaxo angayyeleeh, dillibitele. Baabelon abur akkeleeh; dabaaqah num teetil magaca.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.