Ermiyaas 7:32 - NABUWWA KEE MALIKWA

³² Tonna'mmay a arac migaaqah Toofet madeqsitaay, Hinnom Golo madeqsita. Takkay immay Masgaadâ-Golo deqsitele. Tah intam yoo YALLA. Macaay inteenik, ummatta asguuduk sugeloonuuh, raysa elle yaaguqen arac tokkel wayya haanam fanah, Toofet bagul aaguqelon.

Ermiyaas 7:32 Referans Kwoze

Ermiyaas 19:11

Sarrak keenik intamaa, ‹YALLAY Nabaamak Nabahiyya siinik iyyamaa, A mara kee a magaala tama buuti elle yiddigille innal aggileyyo. Yiddigille buuti wadir bicsaanam mabictaay; tonnah kaadu ta mari sarrah sinam akah akke waan innah keenik abeyyom keenih waris. Rabe mara elle yaaguqen arac wayya heenih Toofet bagul aaguqelon.

Ermiyaas 19:6

Tonna'mmay a arac migaaqah Toofet madeqsitaay Hinnom Golo madeqsita. Takkay immay, Masgaadâ-Golo deqsitele. Too ayroora gitat tan.

2 Malikwa 23:10

Hinnom deqsitta goloh addal, yalla axcuk yaqbuden duyyeh qibaadah heen aracay Toofet deqsita foyya keenik abe. Toh keenik akah abem, too aracal duma Molok deqsitaamih sadgatah isinni xaylo girat qidak sugen. Toh elle abe waana'gidih, too arac foyya keenik abe.

Ermiyaas 19:13

Yarusalaam magaalah qarwaay, malikwâ qarwa kee magaalal enna 'ya marih qarwa, nadaysa akah takke innah abeyyo. Too qarwah amol, yaqbuden cutuukah qaydarus ruubak sugen. Mango qaynatih duyyey yaqbudeenihiyyah amol, qibaadah qinabak bicsen kamri caxak sugen. Tonna leemiik too qarwa inkih nadaysa akah takke'nnah absiiseyyom keenih waris› » yok iyye.

Ermiyaas 7:31

Isinni xaylok say-urru kee lab-urru sadgatah amol akak carrisaana'gidih, Hinnom Golo deqsitta goloh addal, Toofet deqsita arac bicsen. Aham anu amrisem hinna; yi afqado kaadu inkinnah oggoltam hinna.

Ermiyaas 19:2

Ken lih gacca 'xicay Galqi deqsitta afaak, Hinnom Golo deqsita arac fanah gexa» yok iyye. «Tokke gufta waqdi intaamahaa,

Ermiyaas 31:40

Away baruuga kee guddaafa edde qidan golo kee, Kidroon buyyik daga le kabu raqta booxak xabba haanamaay, Faaris-Afa deqsita aracak ayrô-mawqa le qaxat raqqa 'ta baaxo inkih, yoh caben baaxoy taahirik tani akkele. Too magaala tahak wadir mataddigilaay mabaata» 'yaanam iyye.

Yacedkel 6:4

Sadgat elle aban arooca finqa abeyyo. Qaydarus elle haan duyyeeya bututtukka axcele. Too duyyek foocal sugu waa mari, aqbuduk sugen xeet kee cooxuk bicsen duyyeh foocal, ken qidelon.