Ermiyaas 7:28 - NABUWWA KEE MALIKWA

²⁸ Ken lih yabta waqdi keenik intaamah, ‹Isin, YALLAY sin Dagelta kinni iyyam cine mara kinniton. YALLI, «Umaanek uduura», siinik iyyeh immay kay yab cine mara tekken. Sin garil numma baateh; nummat mayabtan› keenik inxic» yok iyye.

Ermiyaas 7:28 Referans Kwoze

Xafanya 3:2

Yarusalaam magaalah mari YALLIH yab cineeh, YALLI keenik akah xiina iyye meqe manoh xiinaanam cineenih. Imaan YALLAL hoonu cineeniih; kaal cato essera mara makkinnon.

Ermiyaas 32:33

Anu kulli way meqem aba keenik axcuk suge'mmay, tohuh darre yot cabak sugen. Yi yab yaabboonu cineeniih, adabih gacoonu cineenih.

Xafanya 3:7

‹Tahaysa yi mari yok meysiteleeh, anu maabina keenik axcem maabaana› 'yaanam niyal heeh suge. Takkay immay keenil baahem abaluk, yol yaduure marak masuginnoonuuy, dumaak abak sugen uma taamat qagten.

Hosiqa 4:1

Israayil ummatey, YALLI siinik iyyaah sin akah sahitam oobbeya. YALLI siinik iyyaamah, «A baaxol yan mari imaan cabeh yan. Kacni keenik yeerreh yan. Yalla kinniyom yok mayaaxigan.

Ermiyaas 6:8

Yarusalaam maraw, a saaku siinik excem, kas siinih takkay! Cinteenik, darre siinit cabeyyooh, magaala siinik abuuruy num elle ane waa abeyyo».

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Ermiyaas 5:1

YALLI iyyeemih: «Ugutay! Yarusalaam magaalak adda wagga haay! Dariifa kaadu isinnik wagga haay! Qadaaga elle takke arooca kaadu cubbusay! Inki numuy yeemeneenih cakkih tanim abahiyya Yarusalaam addal mageytima. Geytimma 'yek, Yarusalaam marah qafu abeyyo.

Ermiyaas 2:30

Duma sin mara digaaleh immay too digaalat maaduurinnon. Umaanek sin gacsam faxeh immay taduuroonu cinteenih. Sin fan ruube nabuwwal, qansaritta lubooka tekkeeniih seefit sella ken hayten.

Ermiyaas 6:17

YALLI iyyemii, «Dacayrih sinam siinit hee. Too mari, ‹*Baanta yaagaru waa mara ankacisa› siinik iyyen. Takkay immay yaaguren baantah anay aabbih maqal edde mahannitoonuuy, ‹Aleeyyah mankacisna› inten.

Ermiyaas 11:10

Ken kaxxa abbobtiy yi amri cintehiyya abak ten dambi, oson kaadu aban. Yalla akke sinni duyyey gabak bicseenihiyya yaqbuden. Israayil kee Yuudah ummat, anu duma ken kaxxa abbobti lih heeh suge qahdi yol makeenih.

Ermiyaas 17:23

Duma sin abbobtik tamah exceh suge'mmay, too mari yab yaabbeeh iyyeenim oggola marak masuginnaay, yi yab cineenih. Anu aba keenik excem moggolinnon.

Yasaqya 30:9

Macaay inteenik, oson kulli way Yalli faxe waam aban. Aamanti-sinni-xayloy YALLI keenik iyyam oggole waytahiyya kinnon.

Ermiyaas 6:28

Birti gide ikkal, yab moyyat akak cula mara hinnon. Taama akak toome mara kinnon. Elle meekitaanamal, sinam-migaq baysan.