Ermiyaas 7:23 - NABUWWA KEE MALIKWA

²³ keenik exceemih, ‹Yi yab oobbeya. Yi amri oggola. Toh abteenik, yi mara akkettoonuuh; anu sin Dagelta akkeyyo›, 'yaanam keenik exce. ‹Kullim siinil tamqe'gidih anu siinik inxicca excem aba›, 'yaanam keenik exce.

Ermiyaas 7:23 Referans Kwoze

Ermiyaas 42:6

Fannaah, faxe waynaamah, YALLAY ni Dageltah yani nek aba iyyem abenno. YALLA neh kallac; ninnih kok inne'kkal, kay yab macinna. Kay yab oggollek, kullim nel amqelem naaxigeh» kaak iyyen.

Ermiyaas 11:7

Kaadu yok iyyemii, «Sin kaxxa abbobti Masrik baahe saaku, ‹Yi yab oobbeya. Yi amri oggola›, 'yaanam fiirik geerah keenik exceh eneeh; uxih a saaku fan a marak axcem tohu.

Ermiyaas 31:33

Tamaatu wayta ayroorat Israayil mara lih haysitu waa qahdi ah kaana. Inni xinto bagut keenik haak, afqadol keenik aktubeyyo. Anu ken Dageltah aniyooh, oson kaadu yi mara akkelon.

1 Samuwel 15:22

Samuwel iyyemii, «Hay meqehik, YALLI, amri kaak oggolaanam kee, kay sadgatah saqa qidaanamak macah lafitam kot celtaa? YALLIH garil kay sadgatah gabul le maruw qidaanamak, usuk iyyem abaanaah kay yaabat maqal haanam muxxo le.

Yasaqya 3:10

Cakki bagul yan marak, «Kullim siinil amqele» inxica. Akah taamiteenim geeloonuuh, ruffu edde axcelon.

Ermiyaas 13:11

Saro xagarat sartanah elle haan gurral, anu Israayil kee Yuudâ-mara innim abeeh, innil ken xayyooseh suge. Ken akah abem, yi migaq xagak yoo yassakaxxeenih faylisaana'gidi. Takkay immay oson woo mara makkinnoonuuy, yi yaabat maqal mahaysitinnon› 'yaanam yok iyye» iyye.

Ermiyaas 22:3

YALLI, ‹Cakkik tanim abaay qadaalatat taamita› siinik iyyah yan. ‹Dulmi aba mara kee edde yakke marih fan wagita. Dulmi edde yekke numih cakki aba. Allî-baaxoh maray sin addal yanil umam mabaahina. Qayxiixa kee gubuunul umam mabaahina. Dambi-maleelak qabal macaxina.

Ermiyaas 24:7

Anu yoo edde yaaxigen kas keenih aceeyyooh, tohuk wadir isinnih yoo aaxigelon. Yi mara akkeloonuuh, anu kaadu ken Dagelta akkeyyo. Macaay inteenik, oson tikka 'yaanamaak yol aduurelon.

Ermiyaas 38:20

Too waqdi Ermiyaas kaak iyyeemih, «Ken gabal koo mahaan. Koo kallacu waak, ku maganah, YALLI amri macinin. Tonnal kullim kol amqeleeh, rooci kok cattiimele.

Xafanya 3:2

Yarusalaam magaalah mari YALLIH yab cineeh, YALLI keenik akah xiina iyye meqe manoh xiinaanam cineenih. Imaan YALLAL hoonu cineeniih; kaal cato essera mara makkinnon.

Zakariyya 6:15

YALLIH Qibaadah-Qarih xisneh allal yan mari amaateleeh, xisnet gaba assagallelon. YALLAY Nabaamak Nabahiyya sin fanah yoo ruubem too saaku aaxigetton. Tonna'mmay tah inkih takku waytam, isin YALLAY sin Dagelta kinnihiyya aba iyyem dudda luk abtoonu waytan saaku.

Zakariyya 7:7

Aham dumî-dabaanal sugte nabuwwal YALLI ruube farmo. Too waktit Yarusalaamal ummat cayit teneeh; Yarusalaam kee tet dariifal ten mandarwal mango ummat dabaaqah ten saakuk ten. Too dabaanal ummat kaadu gabbi-qaxat raqta Yuudâ-baaxo kee ayrô-culmat raqta mango koomaami le baaxol inkih ten.

Ermiyaas 22:21

Gaddaleelah sugten saaku, anu sin lih yaabeh immay, ‹Ku yab mankacisna› inteenih yoo cinteenih. Qunxaaneey takke yi yab oggolten saaku manton.

Ermiyaas 32:23

Takkay immay a baaxo guffu heenih teetil dabaaqah gaceenik wadir, ku yab kassitak maraaqinnon. Atu keenik aba intem kee keenik akah xiina inte xinto cineenih. Aba inteh ken akah amrisseemik tu aboonu cineenih. Tonna leemiik a bala keenil oobisse.