Ermiyaas 7:20 - NABUWWA KEE MALIKWA

²⁰ Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Ermiyaas 7:20 Referans Kwoze

Ermiyaas 42:18

«YALLAY Nabaamak Nabah, Israayil doore Dagelta kinnihiyya iyyaamah: ‹Yi naqbi Yarusalaam maral akah oobe'nnah, uxih kaadu yi yab cinna heeh Masri gexu waa maral oobele. Woo marat tekkem net akke waytay akak iyyan mara akketton. Sinam titta abaarta waqdi, Woo marat tekkem siinit takkay akak iyyan mara akketton. Sahda bursutta mara akketton. A rasu ahak wadir matablan› siinik iyyeeh, YALLI tamah siinil gacseemi» keenik iyye.

Ermiyaas 17:27

Tonna'mmay yi yab oggoltaanam siinil taniih, sabti ayro taahirik tan ayro kinnim taaxigeenim siinil tan. Too ayro Yarusalaam magaalah afaak magaalah adda duyye merraytul culuse waytaanama. Sunkul culuse waytaanama. Takkay immay yi yab cinna hayteenih culussen sin tekkek, Yarusalaam akak culan afat gira ruubeyyo. Too gira malik qarit gexeleeh, sarra num tet mabargusa, siinik iyyah yan› keenik inxic» yok iyye.

Yasaqya 42:25

Yalli toh keenik ubulla hee waqdi, isi bagcarray girah innah sinam cararissahiyya keenil ruube. Carbi keenit aba mara keenit ruube; Too carbi girah innah ken laqlaqe'mmay, tohuh edde maradinnon. Too gira ken tokmeh immay, toh baritto keenih makkina.

Naacum 1:6

YALLIH naqabuk iyyi soolak raaqaah? Kay bagcarray girah innah urtahiyya iyyi yasseede? Kay naqbi kulli marat girah innah ura. Xeet kay foocal bokokah ballaaqe yakke.

Yacedkel 22:22

Lakqo girat akah diyayta'nnah, Yarusalaam addal diyaayettoonuuh; too saaku yi naqbi le'nna abletton› keenik inxic» iyye.

Ermiyaas 44:6

Tonna leemiik kaxxa naqbi yot heeh; too naqbi Yuudâ-magaalooli kee Yarusalaam bayseeh; ta saaku akah tablen innah, num sinniih lac sinni abuuruh raqte› keenik inxic.

Yasaqya 66:24

Qagseh, «Yamaatoonu waan saaku, yi yab cine marih raysa ablelon. Ken xagar takme xaariya, rabta xaariya hinnaay; ken takme gira mabarugta. Ken raysi ableh uma innah gacele» iyye.

2 Malikwa 22:17

«Kalah kaak intaanamahaa, ‹Toh akah abu waam, oson yoo cineeniih xeet kee cooxuk isinni gabak bicsen duyye yaqbuden. Anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

Daaniyel 9:11

Israayil mari inkih gitah taniimiy atu nee tuybulleehiyya maaqileh ku xinto intam abu cineeh ku yab cineh. Nanu dambi lem kol bahne. Tonna leemiik atu ku xintoy Muusay ku naqasuh yanihiyya baahel tunkuttube abaaro nel oobisse.

Ermiyaas 14:16

Oson toh akak iyyan mari kaadu, too qulul kee carbit ambaxele. Raysa keenik Yarusalaam magaalah gititteh xaqul qidelon. Lafa keenik yaaguqe mara mageyan. Taham kaadu, keenik kalah, ken agabu kee ken xaylot takku waytaama. Edde yanin umaanek keenih taguude digaala keenit abeyyo» 'yaanam yok iyye.

Ermiyaas 12:4

Baaxo nek qabaarah kafte. Toobokeh sugte qayso kaffa karacca 'te. Lac yembexeeh, qaraanal haada haadaytih agantah tembexeh. Toh akah tekkem, tet addal yan mari aba uma-taama. Oson kaadu ‹Yalli nanu abnam mayabla› 'yaanam afak iyyan. Ta mara hay, ma waqdi digaaletto?» 'yaanam exce.

Yasaqya 10:17

Yallay Israayil ifuh yani girah innah akkele. Israayil doore Dageltay *kudduusuk yanihiyya habug inta giray inki ayroh addat eqeb kee sibaasib cararissa akkele.

Ermiyaas 6:11

YALLAW, atu keenit akah bagcarritta'nnal, anu kaadu keenit bagcarritah an. Inni abbaxu maduuda» exce. Toh exce waqdi YALLI yok iyyeemih, «Yi naqabu beyay giti-addal yan urru kee furrayna elle gaabowte aracal cax. Baqala kee barra too bagcarrah duufut gexeleeh, idoolay bar nabahiyya kinni way akak macattinta.

Ermiyaas 6:12

Oson dabaaqah edde sugen qarwa marah raaqele; ken buqre kee ginnaaqot luk sugen agbih agantah marin mari nagrele. Ken digaaleyyooh; yi gaba ablelon. Tah intam yoo YALLA.

Ermiyaas 8:13

YALLI qagseh iyyemii, «Sahdayti tooboke daro elle gaaboysa'nnal, inni mara gaaboysam faxa. Takkay immay qinab-caxay xaylo xale wayta yekken. Sublay xalay wayteeh, ayyuufi akak kafe yekken. Tonna leemiik allak yemeete marih gabal ken heeyyo» 'yaanam iyye.

Ermiyaas 11:16

Mango ayyuufa kee meqe xaylo xalta *daytuun caxah migaaqal keenih seecak suge saaku liyoh immay, a saaku qaraanak obte kakkaqoh anay le xongolot ken carariseyyo» iyye.

Ermiyaas 17:4

A baaxoy siinih eceehiyya akah cabtan innah siinik abeyyooh, aaxige waytan baaxol sin naqboytiitih naqoosa sin abeyyo. Toh siinit akah takku waytam, isin yot ugussen naqabih giray barge waytahiyya kinni» 'yaanam siinik iyye.

Ermiyaas 18:23

YALLAW, yoo qidaana'gidih aban mala atu taaxige. Ta umaaney yot abaanam faxaanahiyya keenit macabin. Aban dambih ken digaal. Isik foocal irimbi selte caxa ken ab. Bagcarritta waqdi, keenih maracmatin» exce.

Xafanya 1:2

YALLI iyyeemih, «A baaxoh bagul enna 'tam inkih bayseyyo.

Yacedkel 7:12

Wakti amah kaana; xayyooweh. Yi digaala kulli numul tamaatu waytaamih sabbatah, xaama num edde yafriceeh, yaylamme num edde qaada uddur akke waytam taaxigeenimi.

Yacedkel 7:14

*Baantah anay radeleeh; too way kulli num bical gacele. Takkay immay yi naqbi kulli numul oobaamih sabbatah, carbih num magexa.

Xafanya 1:3

Alak Adam-baxaay alaakulleyti yenek, qaraanal haada kimbir yenek, hinnay kaadu kullum yenek, inkih bayseyyo. Makri-leela deerik afah korseyyo. Bani-adantu saabo cabsiiseyyo. Tahat yabtam yoo YALLA» iyye.

Zakariyya 7:12

Afqado keenik gibdah, xaa tekke. Oson anu ruube nabuwway yi Roocaaniyya cato leeh, yi xinto barissahiyyah yab cineeniih; tohih sabbatah ken inqibeh suge.