Ermiyaas 7:19 - NABUWWA KEE MALIKWA

¹⁹ Nummah umam elle baahaanam, isinni nabsi'kkal, yoo hinna. Tahamat wacarriyelon» yok iyye.

Ermiyaas 7:19 Referans Kwoze

Ermiyaas 20:11

Takkay immay YALLAW, atu yo'lih taniih, qande kee cayla lem koo kinnuk, tutuc axcuk aylahu yoh gorrisa mari sarrah qaybit radele. Qaybi way ken macaba. Hebeltoh im gabal keenih mabicta. Sahda hawweene wayta qaybi ken abbixele.

Ermiyaas 9:19

Ankacca haay! Siyoonul booge tantaabbeh tan. «Bayneeh; qaybit radneh nan. Magaala cabneh genxam nek faxximta; ahaysa buxaaxi nek abur tekkeh tan» 'yaanam iyyen.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Yasaqya 45:16

Xeet kee cooxuk yaqbuden duyye bicsa mari ahat wacarriyak maacisele. Yakkeenimiik qaybit radelon.

Yasaqya 1:24

Tonna'mmay YALLAY Nabaamak Nabahiyya, Israayil doore Dageltay Mulki le kinni. Kaay Goytah yani iyyam leh, «Yi naqboytiitey, ahaysa cane siinil gacseyyooh; tahak wadir taqabi yol matakkan.

Yasaqya 1:20

Takkay immay yi yab cinteenih a umaanet gexak raqteenik, carbi siinit akkeleeh edde bayetton» iyyah yan. «Aham siinik intam yoo YALLA» iyye.

Qedra 9:7

Ni kaxxa abbobtih dabaanaay, akke, neey ku mara kinnihiyya dambi abittok way maadayinnino. Nanu abne dambik gexxaamah, neey ni malikwa kee seekak nakkeemiik, marin malikwah milkih gacneeh; nee buubeeniih, nee qideeniih, seewah casbit yabbixen marih gurral nee been. Caddi akah abe waan maray qaybit radehiyya nekkeh sugneeh, uxih too marah akah nan.

Ermiyaas 2:17

Israayil xayloy ta axxul le umaane siinit akah tekkem, yooy sin Dageltah yaniih gita sin beyak sugehiyya cabteenimih sabbata. Tamah isinnih isinnil bahten umaane.

Ermiyaas 8:19

Inkih tan baaxol inni marak weeqa aabbek, ankacca haay! ‹YALLI Siyoonul mayana'nnaa?› iyyan. ‹Siyon malik Siyoonul mayana'nnaa?› 'yaanam axcih ken aabbe. Ken malikiy YALLA kinni tohuk iyyaamah; ‹Hebeltoh im xiqe sinni duyyeeyay sinam aqbudih tubleenihiyya taqbudeenim bahten. Tohuk gexxaamah yot naqabu culussen› 'yaanam axcih kaa aabbe.

Ermiyaas 15:9

Xaylok malciin le inak malciin rabeleeh, is wariggah qawlele. Laqo bari bis teetil akkele. Sinam burutta barray kulli way niya akak baxaqta akkele. Rabak raaqu waa mara keenik carbi gadda abeyyo. Tahat yabtam yoo YALLA kinni» iyye.

Ermiyaas 22:22

Isin abten umaaneh qaybit radettoonuuh; qawrat sin abbixele. Abbobti siinik caaco caffa elle beyta'nnal beeloonuuh; carbil sin catak yen mara seewah beelon.

Ermiyaas 25:7

«YALLI, ‹Yi yab cinteeniih, duyye qibaadat gacteenimih sabbatah, yi bagcarra sin maadde; yi naqabu isinnih isinnil oobissen› 'yaanam siinik iyye» keenik iyye.

Ermiyaas 44:3

Toh akah tekkem, tokkel suge mari abak suge uma-taamah sabbata. Yot naqabu culuseeniih, xeet kee cooxuk bicsen duyyeh qibaadah sadgat abittot gacen. Too duyyey oson aqbuduk sugeenihiyya, sin kee sin kaxxa abbobtik num yubleeh yaaxige duyye hinna.

Yacedkel 16:26

Woo dalweenitih yan Masri maray cuggaaneh kok yanihiyya lih dalwa abak sugte. Dalwa abak akah sugtem, anu anqibe'gidi.

Ermiyaas 3:25

Nee kee ni kaxxa abbobti, YALLAY ni Dageltah yanihiyyah amri dumaak cinak sugne. Qunxaanek xabba haanamaay a saakuh amma 'yaanam, YALLAY ni Dageltah yanihiyyal dambi lem bahne. Abne qaybi nee yabbaxay; edde asne qaybi, sartan gurrah, xagar nek buulay› 'yaanam axcih oobbe» iyye.