Ermiyaas 6:26 - NABUWWA KEE MALIKWA

²⁶ YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Ermiyaas 6:26 Referans Kwoze

Zakariyya 12:10

«Dawuduk rade mara kee Yarusalaam marat racmatta tacee roocaaniyya heeyyo. Dooqa ken absissa roocaaniyya keenit heeyyo. Yooy mudeenihiyya wagtoonu waan waqdi, inki baxa xale num woo baxih rabah rookah yassaalle'nna assaallelon. Naharsi-baxi akak rabe num kaxxa weeqah elle weeqa'nnal weeqelon.

Ermiyaas 4:8

YALLIH bagcarray kaxxam gibdihiyya Yuudah-ummatta macabtak, rookitaay *qabuddat gacaay weeqaay boogisa, keenik inxic» iyye.

Qaamus 8:10

Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.

Ermiyaas 15:8

Gubuunuh raaqe agbi mangah baddi afih qiddeytak aymaggeyyo. Oson xalen furrayna qidaana'gidih, qado loqo naqboyta keenit ruubeyyooh; inanti keenik rookitele. Cube'kal akak cunxittan umaane siinit ruubeyyo.

Ermiyaas 14:17

Kaadu qagseh iyyemii, «Keenik intaamah, ‹Yi maraw, isin uma mudumuh muddumtoonu waytaanaah, kaxxam biyaakittoonu waytaanam ableeh; tohuk gexxaamah, bar kee loqoh intik ximo yok caxittaah, kulli way siinih abah an weeqat an› keenik inxic.

Ermiyaas 13:17

Takkay immay, yoh tu gactek, kaa aynabe wayteenik, anu uqurat weeqeyyooh, kaxxa weeqah weeqeyyo. Abah an weeqak yok caxitta ximo weeqi innah oobele. Too weeqa akah abu waam, YALLIH maray seewah marin baaxo beyoonu waanahiyya kinni» iyye.

Ermiyaas 12:12

Baaxo inkitanuuk bayisu waa mara ruubeyyo. Carbi keenit abu waa mara keenit ruubeyyo. Sinam buubu waa mari, gitah bakarroytah tan fayya le aroocaak gacak, wararah keenit amaatelon. Ahaysa amaan mageyan.

Ermiyaas 9:10

Too waqdi anu exceemih, «Qaleelah rookitah an. Niqmatak ten baaxoy lacah muquk tenehiyyat gira ruuben. Too baaxoh weeqah an. Woo baaxo a saaku kafteeh sahda magexxa. Safarah woo gita gaca mari mayana. Laahi anay a saaku elle mayantaabba; kimbir kee dubaali akak yeerreh» 'yaanam exce.

Ermiyaas 8:21

Yi ummatta massaammat taniih, tohuk gexxaamah niya yok tiddigilleeh; nugbi yok rade. Keenih xarraqa yoo tibbixe.

Ermiyaas 8:19

Inkih tan baaxol inni marak weeqa aabbek, ankacca haay! ‹YALLI Siyoonul mayana'nnaa?› iyyan. ‹Siyon malik Siyoonul mayana'nnaa?› 'yaanam axcih ken aabbe. Ken malikiy YALLA kinni tohuk iyyaamah; ‹Hebeltoh im xiqe sinni duyyeeyay sinam aqbudih tubleenihiyya taqbudeenim bahten. Tohuk gexxaamah yot naqabu culussen› 'yaanam axcih kaa aabbe.

Ermiyaas 6:14

Yi marat tekkeh tan diglok, ‹Ah tu hinna sahalih taniimi› iyyan. Ane sinni nagaynak, ‹Baaxo nagaya! Umaanek tanim mali› iyyan.

Ermiyaas 4:20

Naharsi balah lakal gersi bala ciggiltah tan. Inkih yan rasi abuuruh raaqu waah yan. Sirooqa nek, nanu cube'kal nan way, foyya nek aboonu waanah yanin. Goli sara qanxixxisoonu nek waanah yanin.

Ermiyaas 4:11

YALLI Yarusalaam mara lih edde yaabu waa uddur yemeeteh. Iyyu waamah, «Laqin caacayay xagar cararisahiyya bacarih tan baaxok sin fan ruubeyyo. Yamaatu waa caacay qunxa caacayay caffa gabat beya hinna.

Yasaqya 32:11

A saaku farcaanak yan agabow, meysita! A saaku nagay yanim isik yakkale agabow, gadaamitettoonum ixiga! Sara isinnik kalay *qabuudut gaca.

Yasaqya 30:13

ama dambi, tonkommeeh bokokte gasoy maqar cabba hayteh raddam faxxahiyya siinil akkele. Isin tonnal garciik radetton.

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.

Yasaqya 22:4

Tohuk gexxaamah excemii, «Kaxxa weeqah weeqam faxak, wonnah yok gaca. Anay yoo 'xica; inni maray rabehiyyah weeqay yoo inxica. Weeqe yoo makalina» exce.

Ermiyaas 9:1

«Yi ummattay tambaxem faxxahiyyah bar kee laqoh weeqa'gidih, moyya kee intiita yok ximo akak racta raceyna takkem faxe raare.

Ermiyaas 18:22

«Anu edde rada'gidih, boodo yoh dagaanamat yaniiniih; garciik edde rada'gidih, oflo yoh heenih yaniini'mmay, oson cube'kal, buxa keenik buuba mara keenit rub. ‹Woyyow, net tekkeemow!› axcuk ken weeqis.

Yoonas 3:6

Nanawê magaalah malik aham yoobbe waqdi, elle suge dardaarinni korsih baguk uguttu 'yeh, edde suge ibak gulub maada kameesik katta 'yeh, *qabuddat gacca 'yeh gombod addat daffee.

Yasaqya 3:24

Qatri suruy ruubak elle yenen ikkel, xagar keenik abcele. Bagul luk yenen caleytih aftok, qax-umaane le akoota bagul heelon. Qax-meqe amô-xagooruy luk yeneenik, moolah raaqelon. Xagaral luk yenen qax-meqe sarih aftok, *qabuudut gacelon. Luk sugen qax-maqaaneh aftok, qax-umaaneh wacarriyelon.

Ermiyaas 30:5

YALLI iyyemii, «Meysih aban weeqih xongolo yol radda. Amaan weeh, cunxita mari aba weeqih anay aabbe.