Ermiyaas 6:19 - NABUWWA KEE MALIKWA

¹⁹ Addunyal tan ummatey, yoh oobbeya! Oson abba heenimih digaalah, a maral bala ruubeyyo. Oson baaheenimih ken digaalah an. Anu keenih ruube xinto cineeniih yi qangarah ayti yacoonu cineenih.

Ermiyaas 6:19 Referans Kwoze

Yasaqya 1:2

YALLI iyyeemih, «Sin lih yabtem, YALLAK; qaran kee baaxoy, ankacisa. Anu innih qarise urri yab yok cineh; xaylo yoo cinteh.

Ermiyaas 17:10

Takkay immay sahdayti-afqadot tanim taaxigem, yoo YALLA. Sahdayti afqado tacsubeemik magarcita. Kulli numul le qamalih innal mekla; kulli numuk abto elle tan innal kaal mekla» iyye.

Ermiyaas 8:9

Isin kasloytiitih liton mari qaybit radele. Badit ken abbixeleeh, oflot radelon. Yi qangara cineenim ablehik; amol akak yaniinim, manni'nnah yan kasaay?

Miika 6:2

Qaleelaw, baaxo daffeynah elle tan rakiiboy waartahiyyay, YALLI a mari baaheemik edde yaabam oobbeya. YALLI isi marak wayto le. Israayil marak malkitele.

Hosiqa 10:13

«Takkay immay isin yi yab cinna hayteenih umaane tubqureeniih; woo umaaney tubqureenihiyya orbisitten. Isinni diraabat geyten murtik adoobitten. Toh akah tekkem macaay inteenik, isinni qande kee isinni qaskaray kaxxam mangohiyyal kibalsitteenimih sabbata.

Hosiqa 4:6

Yi mari yoo aaxige weenimih sabbatah bayele. Isin kaadu seekak, yooy sin Dagelta kinnihiyya siinih eyyeeqe xinto cinteenih yoo cinteenih. Tohih sabbatah anu kaadu sin cineeh, sin xaylo yi seeka matakka.

Ermiyaas 22:29

Woyyow yi ummatey, woyyow yi ummatey! YALLI siinik iyyam oobbeya.

Ermiyaas 6:10

Too waqdi anu excem, «Yi yab mayaabbaanak, iyyaw axco? Iyya luk yaabah an? Ayti keenik alifit tani'kkal, yab oggola mara hinnon. Atu yok keenih warisa inte farmo keenih warsa waqdi, mafaxan. Woo farmol anqaasah lon.

Ermiyaas 19:15

Keenik excemii, «YALLAY Nabaamak Nabah, Israayil doore Dagelta kinnihiyya siinik iyyam ankacisa. ‹A magaala kee teetil yan maraay tet dariifal tan magaaloolil yan maral, duma siinil oobiseyyo exce balak tu macabay siinil oobiseyyo. Keenil akah oobisu waam, yi yab aabbe waah aba keenik excem abe waa mara yekkeeniih; tohuk gexxaamah, bala siinil ruubeyyo› siinik iyyah yan» keenik exce.

Yasaqya 66:18

«Anu sinam baguh tacsubem kee ken taama digga haa. Taway, baaxol enna 'ta ummatta inkih gaaboysu waa ayro xayih. Oson gaaboowan saaku, yi nabna takke gide ablelon.

Yasaqya 59:7

Tu baahe wee mara sissikuk qiddaanah, bagi siinik xuwaw mali. Umaanek sa tu mamalissaanaah, elle gexinnaan ikkel baaxo abur kee baatî-gadda abteenih cabtan.

1 Samuwel 15:26

Samuwel kaal gacseemih, «Ko'lih maaduura. Atu YALLIH amri cinteeh; YALLI tahaysa Israayil marih amoytiinu kok kaleh» kaak iyye.

1 Samuwel 15:23

Kay amri cinaanam baab-abittol yaamineenimih gide dambik le. Kaxxa-mariinoh, YALLA cabba heenih xeet kee cooxuk bicsen duyyeeya yaqbudeenimih gide dambik le. Tonnal atu YALLA cinteeh, YALLI kaadu Israayil ummatih amoytiinu koh cineh» kaak iyye.

Ermiyaas 4:4

Yooy YALLA kinnihiyya lih liton xagana xagura. Yi qibaadak kalih imit maasina. Taham cinteenik, isin abten umaanek gexxaamah sin anneeqebbeyyo; anu abah an naqbi girah innah ureleeh habugga axcele. Too gira sarra bargusa num mageytima» 'yaanam siinik iyya.

Ermiyaas 4:14

Yarusalaam ummatey, waddintaana'gidih umaane afqadok isinnik kala. Bagut umaane kulli way maay xiinissan?

Ermiyaas 6:18

Wohoysa baadal tan ummatey, ankacisa! Yi marat takku waytam cubbusay raaqa!

Ermiyaas 11:11

Tonna leemiik yooy YALLAH yani taway bala keenil ruubu waam naharal ken aysixxigeh ani'mmay, kudaanam faxaanamah mayasillimaanam yaaxigeenimi. Catoh yol weeqaanamah, keenik maabba.

Ermiyaas 15:6

Yoo cinteeniih; isinni uma taamat wadir tuduuren. Tonna leemiik gaba siinil qideh sin bayseyyo. Wadirih siinih xuwaawam maaba.

Ermiyaas 19:3

‹Yuudâ-malikwa kee Yarusalaamal yan maraw, YALLI siinik iyyam oobbeya. YALLAY Nabaamak Nabah, Israayil doore Dagelta kinnihiyya a baaxol ibaak gibdi balay yaabbe marih xagarak xoq qiddahiyya siinil ruubeyyo.

Ermiyaas 29:19

Taham keenil akah baahu waam macaay inteenik, yakkeenimik, inni farmot abbixe inni nabuwwal, kulli way keenih ruubak suge farmo cinak sugeeniih, aba keenik axcem duudusak masuginnon. Taway, isin Baabelon rasuy seewah sin elle heenihiyyal yan marak, isin kaadu anu siinik axcem ankacissaanama. Tahat yabtam yoo YALLA› siinik iyya.

Ermiyaas 49:37

Ken naqboytiitiy ken qidam faxahiyyak cunxita mara ken abeyyo. Bala keenil ruubeyyo. Yi bagcarra keenil oobele. Saabo cabba haanam fanah carbit ken selu waa mara keenit ruubeyyo.

Qaamus 2:4

Kaadu qagissa heeh iyyemii, «Aham YALLI iyyaama. Yuudah yooboke mari fiiruk geerah dambi le taama abeenih; tohuk gexxaamah ken digaaleyyom digga le. Yoo YALLI, aba keenik exceemit maqal haysite cineeniih, yi amriy aba keenik excehiyyal anqaasah haysiten. Oson akak raden ken kaxxa abbobti aqbuduk sugte duyyey xeet kee cooxuk bicseenihiyyah qibaadat gacen. Tohuk gexxaamah makot gexa mara yekken.

Miika 1:2

Ayyuntaw, ta yab oobbeya. Inkih yan baadal geytintam, ta yab taabbay, ankacissay. YALLAY Mulki le qaraanak sumaaqah siinil radele. Taahirik yan isi qarik YALLI sin lih yaabah yanik, usuk iyyam ankacisa.

Yasaqya 5:24

Tonna leemiik caffa kee qayso elle kafta innal kafettoonuuh, girat cararetton. Ragid siinik soxkele. Qobor siinik kafeh caacay beele. Toh siinit akah takku waytam, YALLAY Nabaamak Nabahiyya isi xintol siinih warsem cinteeniih, Israayil doore Dageltay *kudduusuk yanihiyya aba nek iyyem cinteenimih sabbata. Kay barittot maqal mahaysitinniton.

Ermiyaas 4:16

Baaxoh ummatak inkih, «Naqboytit xer baaxok tamaateh tan» inxica. Yarusalaam-marak, «Yamaatu waa naqboytit tirtirisak amaateloonuuh Yuudâ-magaaloolit inkih maro heelon» inxica.

Ermiyaas 8:5

Hay yi maraw, yok texxeereenim ublehik, yol macah aduure waytan? Isinni gabak abten xeet kee cooxuk bicissen duyyeh qibaadat gacteeniih, yol taduureenim cinteenih.

Ermiyaas 21:14

Bahte umaaneh koo digaaleyyo. Malik qariy ku addal yanit gira ruubeyyo. Too gira kulli'kket gexeleeh, kullim gomboduh gacissa heele. Tahat yabtam yoo YALLA› 'yaanam yok iyye» iyye.

Daaniyel 9:11

Israayil mari inkih gitah taniimiy atu nee tuybulleehiyya maaqileh ku xinto intam abu cineeh ku yab cineh. Nanu dambi lem kol bahne. Tonna leemiik atu ku xintoy Muusay ku naqasuh yanihiyya baahel tunkuttube abaaro nel oobisse.