Ermiyaas 6:15 - NABUWWA KEE MALIKWA

¹⁵ A umam-yabuliy edde yaniinihiyyak xagar keenik dagoh gide kinni way mawacarriya. Wacarriy kinnim mayaaxigan. Tonna leemik oson kaadu gersi marak kaxxih bayelon. Ahak wadir keenit abu waa digaalah finqitelon. Tahat yabtam yoo YALLA» 'yaanam yok iyye.

Ermiyaas 6:15 Referans Kwoze

Ermiyaas 8:12

Yi mari abeh yan umâ-yabulih wacarriya mara hinnon. Dirigga akah m'iyyan. Wacarriy kinnim yaaxige mara hinnon. Tohih sabbatah qeebil gersi marat tekkem keenit akkele. Keenit abu waa digaalak maraaqan. Tahat yabtam yoo YALLA› 'yaanam keenik inxic» yok iyye.

Ermiyaas 3:3

Tohuk gexxaamah dabaybah rob baaxol radu cineh. Sugum kaadu maradinnay baaxo kafteh. Caalat siinik xiiqareh-xiinah caalatih bis le'mmay tohuh edde mawacarriytan.

Xafanya 3:5

YALLI Yarusalaamak addal yanih immay, gitah taniimik sa makot tanim aba Dagelta hinna. Maaci maacisek wadir kulli saaku isi ummatah qadaalat lem abaah; tohu'mmay cakki gitak yexxeere mari uma taamah abittok maraaqaanaay, aban umaanek mawacarriyan» iyye.

Miika 7:4

Ken kaxxa mari foyyaay, baaxok bagul yooboke waaqeexik mayaysa. Yalli ummatah dumal elle ken nabuwway ken dacrisak sugteh kabuk keenih elle warse innal, ken edde digaalu waa ayro temeeteh. Too waqdi baditit sugelon.

Miika 3:6

YALLI, hay, too nabuwwak iyyeemih, «Isin toh abta nabuwwak, sin wakti ahaysa xayyooweh. Laqô-bar siinil radele. Ummat yok gitak hoxisseeniih, tohuk gexxaamah tahaysa wacyi siinil mooba. Takku waytam wacyih matablan.

Hosiqa 9:7

«Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.

Yacedkel 24:7

A magaalah addal sahda qidaanam temeggeh tan. Takkay immay qidan marih qabal elle caxitam, ballaaqet elle buuluma arac hinna. Elle caxitam xixxaqak bagu.

Yacedkel 2:4

Deedalak sah yi yab mayaabbaanaay yoo yaynabeenim cabeenih. Tonna'mmay yoo YALLAY Mulki lehiyya iyyem keenih warissa'gidih, away ken fan koo ruubah an.

Ermiyaas 23:12

Oson edde gexan giti, dite kee futuci le gita; aydafoofole ken liyooh too waqdi annikisselon. Digaala keenit abu waa saaku, bala keenil oobiseyyo. Tahat yabtam yoo YALLA kinni.

Ermiyaas 5:29

Tannah yan mara digaale week, maa mara digaalah an? Ken digaaleyyo. Ta marak cane gacseyyo. Tahat yabtam yoo YALLA.

Ermiyaas 5:9

Tannah yan mara digaale week, maa mara digaalah an? Ken digaaleyyo. Ta marak cane gacseyyo. Tahat yabtam yoo YALLA.

Yasaqya 10:4

Carbit ambaxe kee casbit yan marih innah seewah sin bee akkelon. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 3:9

Oson aban qadli-sinna keenit aamele. Sodom magaalah mari wacarriye'kal dambi akah abe innah, a mari kaadu wacarriye'kal dambi leemit asan. Woyyow keenit takku waytaama! Baati isinnih isinnil baahan.

Ermiyaas 8:9

Isin kasloytiitih liton mari qaybit radele. Badit ken abbixeleeh, oflot radelon. Yi qangara cineenim ablehik; amol akak yaniinim, manni'nnah yan kasaay?

Ermiyaas 18:23

YALLAW, yoo qidaana'gidih aban mala atu taaxige. Ta umaaney yot abaanam faxaanahiyya keenit macabin. Aban dambih ken digaal. Isik foocal irimbi selte caxa ken ab. Bagcarritta waqdi, keenih maracmatin» exce.

Ermiyaas 44:10

A saaku fan yoh rammitten saaku manton. Yoo teyneben saaku kaadu manton. Anu siinih oobise xinto kataya mara makkinniton.

Yacedkel 13:14

Isin noora elle hayten gidaar bayseyyooh; gidaarak guba rakiiboh heen xeet qasunuk raqqa 'yam fanah, bututtukku heeyyo. Gidaar rada waqdi, isin addat akak bayetton. Anu YALLA kinniyom too saaku yok aaxigetton.

Xafanya 2:1

Nabi iyyeemih, «Kee wacarriye waa maraw, maabinaay, cissi geyaay, Yallal uduura.

Zakariyya 13:4

Too ayro ‹Anu nabi kinniyooh, wacyi uble› axcuk kaxxiinita mara matablan. Nabî-ceelot gacaah, nabi edde gaca sartanay gibdi dagooruk bicseenit gacca 'yeenih sinam duquurusaanamak raaqelon.

Ermiyaas 14:15

Hay taway ta maray anu ruube weeh isinni amok eyyeqqa heeh, ‹Ahaysa carbih tanim mali; qulul kaadu mayan; toh Yallak noobbe yaaba› axcuk, sin lih yaabahiyyal baahu waam koh warisu waa! Carbi kee qululut ken qideyyo.

Hosiqa 4:5

bar kee laqo adaf sin geeleeh; nabuwwa kaadu sin innah andafoofele. Inâ baaxo siinik bayseyyo.