Ermiyaas 6:1 - NABUWWA KEE MALIKWA

¹ Benyam maraw, isillimaay amaan elle yan ikke gexa! Yarusalaam magaala cabay gexa. Kilbat le kabuk umaane temeeteeh; baati xayyowtek! Takooqâ-magaalal yan maraw, *baanta ugura. Asta siinih takke'gidih, Beet-Hakkarem deqsita aracal gira urusa.

Ermiyaas 6:1 Referans Kwoze

Nacmiya 3:14

Rekáb-Malkiya deqsita numuy Beet-Cakkarem deqsita aracih abbah yenehiyya Guddaafâ-Qidim deqsitta afa bicse. Sarrak too culmah alifih edde haan coox kee woo alifik adda le kabuk tabtabbih haan coox kee birta akah bicsen.

Ermiyaas 6:22

YALLIH qangara yol obteeh yok iyyemii: «Kilbat le kabuk xer baaxok qeebih tamaatu wayta agirwa gitat tan.

2 Aydaad 11:6

Gaso maroh edde heemii, Beetlacam kee Qetam kee Takooqa kee

2 Samuwel 14:2

kaxxam bagi cubbi le barray dabqah Takooqa deqsitta magaalal tenehiyya kaa fan ruube. Woo barrak iyyemii, «Dawud fan gex. Gexxa way rookat sugte barra ceelay, qatri mahaysitinay, mango udduruh rookitak sugte barra ceelay kaal gex. Sarrak kaa fan tamaate waqdi, anu taway kok elle inxicca axce'nnal kaak axcetto» teetik iyyeeh, intu waytam warissa teetih heeh tet ruube.

Makaabon 1:21

Benyam marah tu gactek, Yabuusah yooboke maray Yarusalaam addal sugehiyya woo magaala yibbixen saaku mayyaaqinnon. Tonna-leemiik Yabuusâ-mari, Benyam-mara lih too magaalal elle raaqen.

Qaamus 1:1

Ah Qaamus maxco. Qaamus Takooqa deqsitta magaalal yan saqi marih fanat suge numu. Yalli, Israayilih takku waytam elle warse wacyi kaal oobisem, woo baaxol baaxoh angoyyi yakkeemik naharat namma sanatak ten. Too dabaanal Quddiyya Yuudâ-rasul malikih sugeeh; Israayil rasul kaadu Yahoqás-Yarobqam malikih suge.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 10:22

Toh too tiya'mmay, away xaagi yemeeteh yanik oobbeyay! Kilbat le kabuk kaxxa waxxaqa kee deero aba mari yamaate iyyaana'mmay too mari yamaatu waa waqdi, Yuudâ-magaalooli bacarih gacissa heelon. Oson elle sugen arac wakri guub akkele» 'yaanam keenik exce.

Ermiyaas 4:29

Qeebih faras amot yan mara kee gaysê-xaylo gabat le mari abah yan mamaatah xongolo yaabboonu waan waqdi, magaalal sugu waa mari kudele. Marak garab garbo elle tani'kke fan kudeleeh, garab booloh amot yan xeetih gubat culelon. Magaalooli inkih abur akkeleeh, num addal akak maraaqa.

Yoosuwa 15:63

Tonna'mmay Yuudah yooboke mari Yarusalaam addal yen Yabuusa deqsita mara woo magaalah addak yayyaaqoonu maduudinnon. A saaku fanah woo mari woo magaalal ken lih dabaaqah yanin.

Qaamus 3:6

Carbi yaniimih warsah kaayisan baanta magaalah addal kaayisan waqdi, ah yaabbeh meysite waa num maay yan? Mayan. Yallih amri maleh magaalat umam takkem bictaa? Mabicta.

Zakariyya 6:6

Woo data faaris beyta gaari kilbat fan gexxaah; qado faaris beyta gaari ayrô-culma fan gexxa. Gayrin faaris beyta gaari gabbi-qaxat raqta baaxo fanah gexxa» yok iyye.

Nacmiya 3:5

Takooqa deqsitta magaalak yemeete mari kaadu ciggilta exxa akak bicsen. Takkay immay woo magaalak abbobtih yen mari, ken akah amrisen quukat axawah raqta taama cineenih.