Ermiyaas 51:6 - NABUWWA KEE MALIKWA

⁶ «Sinaamey, Baabelon rasuk kuda. Baabelon mari baahe dambih, duufut ken lih marabina. Ta saaku cane keenik gacisu waah aniih, keenih taguude digaala keenit abu waah ani'mmay, ummatey, waalih raaqa.

Ermiyaas 51:6 Referans Kwoze

Ermiyaas 50:8

«Hay tahaysa Israayil maraw, Baabelon rasuk kuda. Teetik eweqa. Kulli marak naharat isin eweqa.

Ermiyaas 50:28

Ankacisa! Baabeloonuk kude mari Siyon fanah yamaateh yan! Tokkel, duma Yallih Qibaadah Qaril baaheenimih caneh, YALLAY ni Dageltah yanihiyya Baabeloonul baaheemit yaabeloonuk, ken ankacisa.

Ermiyaas 50:15

Kulli kabuk qeebi teetit aba. Taway tirtira takkeh tan! Gasoosa raddaah diglot tan. Amo xer qarway gibah xiseenihiyya qeebit yaggileenih yanin. Taway Baabelon gaba taceeh! Qeebil gacteh. Tah inkih yi digaalah sabbatah keenit tekkeemi'mmay, isin kaadu cane keenik gacsita. Oson sinaamal baahak suggu 'yeenim keenil baaha.

Ermiyaas 51:45

«Yi ummatey, too saaku Baabeloonuk eweqay, qaxak teenal kuda. Yi naqabuy cayla lehiyyak isinni rooci raaqisaay isillima.

Ermiyaas 25:14

A saaku oson yibbixen baaxooxah mara naqoosah loonu'mmay, oson isinnih, marin naqoosa edde yakkoonu waan ayro tanih. Marin naqoosa ken abeyyo. Oson sinaamal bahha heenim keenil baaheyyo› 'yaanam iyye» keenik iyye.

Ermiyaas 51:50

YALLI isi maray Baabeloonul yanik iyyeemih, «Rabak raaqe maraw, gexay isillima. Akkel maadayina. Isinni baaxok taxxeereenimih niyak yoo makalina. Yarusalaam kaadu mahawweenina.

Ermiyaas 51:11

YALLI Baabelon baysam faxaah, tohuk gexxaamah Meediya deqsitta baaxoh malikwa keenit ruubah yan. Kay Qibaadah-Qarit aben umaaneh sabbatah, keenil obtu wayta bala bical tanik, carbi amrissa qaskar, «Gaysê-baxa arbaqa (samlisa)» inta. «Goobwa haysita» inta.

Ermiyaas 51:9

Allî-maray wokkel yanihiyya iyyu waamah, ‹Baabelon mara cate rarne'mmay, elle cattiiman innal yaniinih mayanin. Ahaysa mariiy isi baaxo fan nek gexaama. YALLI isi kaxxa qandet tet digaaleh yaniih, akak ugte wayta baatih tet bayseh yan› 'yaanam axcelon.

Ermiyaas 50:31

YALLAY Dagelta kinnih, Nabaamak Nabahiyya kaadu qagseh iyyeemih, «Baabelon maraw, isin yol kaxxiinitteenim hinna! Wohoysa a saaku naqboytah siinik maaciseh an. Sin edde digaalu waa wakti xayyooweh.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Ermiyaas 46:10

Immay ta ayro, YALLAY Dagelta kinnih Nabaamak Nabahiyyah ayro kinni. Ta ayro YALLI cane edde gacisa ayro. Ta ayro YALLI isi naqboyta edde digaala ayro. Kay seef saabo cabba haanam fanah ken selele. Ken qabalak cayya 'yam fanah ken selele. Macaay inteenik, YALLAY Dagelta kinnih Nabaamak Nabahiyya, kilbatak Fuurat weeqaytih xaqul tan baaxol sadgatah ken qidele.

Ermiyaas 27:7

Kay dardaarinni edde baya ayro fanah, kulli doolat kaa kee kay xaylo kee kay xayloh-xayloh naqoosa akkelon. Tohuk lakal miduh kay mari gersi doolatay qande lehiyyah naqoosa akkelon.

Ermiyaas 25:16

Yaaquboonu waan waqdi lagaq axceloonuuh cissit maraaqan. Cissit akah raaqe waanam, anu keenit ruubu waa maray carbi keenit abu waahiyyah sabbata» yok iyye.

Yasaqya 63:4

Macaay inteenik, yi marih naqboytit edde digaaleh meqe ayro temeeteh 'yaanamal gaba kaleeh; anu wade marih wakti yemeeteh yan.

Ermiyaas 48:6

‹Kuday! Isillima! Bakarroytah tan baaxol tooboke caxah innah yassamme mara tika› 'yaanam axcelon.

Ermiyaas 51:36

Tonnal YALLI Yarusalaam marak iyyemii, «Yarusalaam maraw, siinil baaheenimih adda anu innih wagteyyo. Sin naqboytit siinil bahtem, anu keenil gacseyyo. Baabelon leek raceyna kafseyyo. Ken weeqaytu lee cabsiiseyyo.

Ermiyaas 51:56

Naqboyti Baabelon baysa'gidih yamaateh yan. Kay qaskar Baabelon-qaskar abbixeleeh; gaysê-baxa keenik aggilelon. YALLI, atu bahteemih koo digaala Dagelta. Cane keenik gacseleeh; ken digaalele.