Ermiyaas 51:49 - NABUWWA KEE MALIKWA

⁴⁹ Baabelon mari duma mango mara qideeh; takkay immay a saaku, Israayil marat aben qidiyyah baati keenit akkele. Tahat yabtam yoo YALLA» iyye.

Ermiyaas 51:49 Referans Kwoze

Ermiyaas 51:24

«Tonna'mmay Israayil maraw, isinni namma intih abalih, Baabelon-mari Siyoonul baahe umaanek gexxaamah, ken digaaleyyo. Tahat yabtam yoo YALLA» iyye.

Ermiyaas 50:29

YALLI iyyemii, «Gaysê-baxi qalaamal yaaxigen marak, ‹Ugutay, Baabelon marat qeebi aba› inxica. Magaala keenik marot haay num keenik awqe kala. Oson sinaamal bahha heenim keenil baaha. Oson sahda edde abbaxuk sugen xintot ken haa. Toh keenik aba akah axcem, yoo YALLA aaxaguk masuginnoonuuy, kaxxiina xagarat hayya heenih, anu faxe waam abak sugen. Anu YALLAY *kudduusuk yaniih Israayil ummat doore Dagelta kinniyo.

Ermiyaas 51:35

Tohuk gexxaamah nek faxxintamaa: duma net tikka 'tem Baabelon marak waynam nel tan» iyyen.

Ermiyaas 50:11

YALLI kaadu iyyemii, «Baabelon maraw, yi mara wararteeniih; toh siinit temqeh. Ruffu edde inten. Qaysok cayya iyyeh xobbaaqa gaalih innah xobbaqten. Canak cayye mooyuh innah kaqitten.

Makaabon 1:7

Sarrak Adoonibedek iyyeemih, «Malcina tabanih malikiy iba kee gabak kaxxa-gili akak kalehiyya anu maaqo elle akme miizih gubal yok radda maaqoh buluula onkoysak akamuk yeneeni'mmay; anu keenil baahem a saaku Yalli yok gacseh yan» 'yaanam iyye. Sarrak woo num Yarusalaam magaala fan beeniih; tokkel rabe.