Ermiyaas 51:25 - NABUWWA KEE MALIKWA

²⁵ Qagseh iyyemii, «Baabelon maraw, qalê-gideh gacca 'teenih inkih tan ummat bayisseenih immay a saakuk wadir sin naqboyta kinniyom yok ixiga. Tahak wadir gaba siinil heeyyooh qalê-gidey akah sugteenik foyyah cabba sin heeyyo. Gomboduh gacissa sin heeyyo.

Ermiyaas 51:25 Referans Kwoze

Zakariyya 4:7

Qaleh innah kaxxaamay gibdaabina lehiyya kol xabbacooseyyo. Yi Qibaadah Qari atu xisetto. Qari xisnek gaba kaltuh ellecabô-xaa haytu wayta saaku, ummat anay fayya haak farcatah, ‹YALLIH maqaane a qaril tanay!› axcelon, 'yaanam kaak inxic» yok iyye.

Ermiyaas 50:31

YALLAY Dagelta kinnih, Nabaamak Nabahiyya kaadu qagseh iyyeemih, «Baabelon maraw, isin yol kaxxiinitteenim hinna! Wohoysa a saaku naqboytah siinik maaciseh an. Sin edde digaalu waa wakti xayyooweh.

Ermiyaas 51:58

YALLAY Nabaamak Nabahiyya iyyemii, «Baabelon magaalat maroh tan kaxxa gasoosa addigillele. Baabelon magaala akak culan kaxxa afoofit gira ruubelon. Tonna leemiik ummatta edde taqabba 'tem foyya akkele. Edde cawalak bicissa heenim, girâ-gadda keenik akkele» iyye.

Ermiyaas 51:53

Baabelon mari qaran yawqeemih, wokkel qande le megdeb xisaanamah, tohim keenik bayisu waa mara keenit ruubeyyo. Tahat yabtam yoo YALLA» keenik iyye.

Yasaqya 13:2

YALLI iyyeemih, «Tu elle aabuke wayta qaleh amol, qeebi yanim elle yaaxigen qalaamat hayisa. Makaabon elle tani'kkel gaaboowaana'gidih, qeebi abtu wayta qaskarah amri ucuya. Qeebi aboonu waanamih astah gaba ken fan fayya hayisa.

Daaniyel 4:30

iyyeemih, «Baabelon magaala manxu nabaah! Anu inaytâ-magaalah tet akah xisem, inni qande kee inni caylaay; inni nabna kee inni hayba elle aybulle'gidi»

Ermiyaas 51:7

Baabelon yi gabat tan dahab kobbaayah bis luk ten. Inkih tan addunyal yan mara too kobbaayal yan kamrik tefqeeh, too marat moyya gexxe.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 50:25

Yi silac daanat elle yan qarik afa fakeeh, abeh an bagcarrah woo silac eyyeeqeh. Akah eyyeeqem, yoo YALLAY Mulki leeh Nabaamak Nabahiyya, a saaku Baabelon rasul abam faxam liyoomih sabbata.

Ermiyaas 25:12

« ‹Too malcina-tabanih sanat gaba kalla haa saaku, Baabelon malik kee kay baaxoh mara kee, Baabeloonuh yooboke marih rasuy tikka iyyahiyya inkih bayseyyo. Tonnah tanim keenil akah baahu waam, ken umaane. Tohuk wadir ken baaxo abuuruy num sinniih lac sinnihiyya akkeleeh, daayiman abuuruh raaqele.