Ermiyaas 50:16 - NABUWWA KEE MALIKWA

¹⁶ Ken baaxol daro qide kala. Tooboke daro orbe kala. Allî-baaxoh maray ken addal yanihiyya keenit tekkem yabalu waa waqdi, meysih isi baaxo aduurele» iyye.

Ermiyaas 50:16 Referans Kwoze

Yasaqya 13:14

«Loyna sinni illi elle fixixe'nnal, fixixelon. Admoh yemeete marak sageeri elle kudda innal, kulli num isi baaxo fan kudeleeh, isi mara fan gacele.

Ermiyaas 51:9

Allî-maray wokkel yanihiyya iyyu waamah, ‹Baabelon mara cate rarne'mmay, elle cattiiman innal yaniinih mayanin. Ahaysa mariiy isi baaxo fan nek gexaama. YALLI isi kaxxa qandet tet digaaleh yaniih, akak ugte wayta baatih tet bayseh yan› 'yaanam axcelon.

Ermiyaas 46:16

Sin qaskar abte kudmah salafak titta tuydofoofoleeh tittin bagul raden. ‹Ahaysa ninni baaxo naduuray ninni mara fan gacnay. Naqboytit le seefwak kudnay› 'yaanam qaskar tittak inte.

Ayyuqel 1:11

Buqre aba maraw, boogisa. Qinab xala coox aysubukuk yen maraw, rookita. Macaay inteenik, kamadi kee gabru deqsitta darooy, wohuk kalah tan daro inkih bayte.

Qaamus 5:16

«Tohih giddinaamak, YALLAY Nabaamak Naba Dagelta kinnihiyya iyyam siinih warisu waa. Gititteh addal sahda abta weeqa kee booge antaabbele. ‹Woyyow! Boogeew!› axcelon. Rookah aban weeqal yimixxige marah seecelon. Buqre abta buqre-abeenitih kinni way, rookat gaba yassagalleeni'gidih seecelon.

Ermiyaas 51:23

Illi kee illi duwat yan mara edde qidsiisak sugem, sin gaba. Buqre-abe mara kee buqre edde aban faaris edde selak sugem kaadu sin gaba. Xintoh abbobti kee ken doolatak saqoltih yan mara edde bayisak sugem sin gaba.

Ermiyaas 25:38

YALLI, qansarite lubaakay gablah addak yewqeh innah, ken baaxot dadho abe. Kay bagcarra kee carbi baaxo abuuruy lac sinniih num sinni abte.