Ermiyaas 50:15 - NABUWWA KEE MALIKWA

¹⁵ Kulli kabuk qeebi teetit aba. Taway tirtira takkeh tan! Gasoosa raddaah diglot tan. Amo xer qarway gibah xiseenihiyya qeebit yaggileenih yanin. Taway Baabelon gaba taceeh! Qeebil gacteh. Tah inkih yi digaalah sabbatah keenit tekkeemi'mmay, isin kaadu cane keenik gacsita. Oson sinaamal baahak suggu 'yeenim keenil baaha.

Ermiyaas 50:15 Referans Kwoze

Ermiyaas 51:58

YALLAY Nabaamak Nabahiyya iyyemii, «Baabelon magaalat maroh tan kaxxa gasoosa addigillele. Baabelon magaala akak culan kaxxa afoofit gira ruubelon. Tonna leemiik ummatta edde taqabba 'tem foyya akkele. Edde cawalak bicissa heenim, girâ-gadda keenik akkele» iyye.

Ermiyaas 51:6

«Sinaamey, Baabelon rasuk kuda. Baabelon mari baahe dambih, duufut ken lih marabina. Ta saaku cane keenik gacisu waah aniih, keenih taguude digaala keenit abu waah ani'mmay, ummatey, waalih raaqa.

Ermiyaas 46:10

Immay ta ayro, YALLAY Dagelta kinnih Nabaamak Nabahiyyah ayro kinni. Ta ayro YALLI cane edde gacisa ayro. Ta ayro YALLI isi naqboyta edde digaala ayro. Kay seef saabo cabba haanam fanah ken selele. Ken qabalak cayya 'yam fanah ken selele. Macaay inteenik, YALLAY Dagelta kinnih Nabaamak Nabahiyya, kilbatak Fuurat weeqaytih xaqul tan baaxol sadgatah ken qidele.

Ermiyaas 51:44

Yalli iyyemii: «Baabelon mari yallah le Beel deqsitta duyye bayseyyo. Yunxuqem alliyoh kaak gacseyyo. Tohuk wadir ummat kaa aqbuduk maraqta. Baabelon gasoosa addigillele.

Ermiyaas 51:14

YALLAY Nabaamak Nabahiyya isi migaaqal xiibiteeh, iyyemii, «Baabelon rasow, mangah qanayti innah ixxima akak amixxige waa mara baaxot siinik ruubeyyo. Too mari qanayti innah inkih yan Baabelon rasu bulla heele; Baabelon ken gubat gacteemih qililiselon» 'yaanam iyye.

Ermiyaas 51:11

YALLI Baabelon baysam faxaah, tohuk gexxaamah Meediya deqsitta baaxoh malikwa keenit ruubah yan. Kay Qibaadah-Qarit aben umaaneh sabbatah, keenil obtu wayta bala bical tanik, carbi amrissa qaskar, «Gaysê-baxa arbaqa (samlisa)» inta. «Goobwa haysita» inta.

2 Aydaad 30:8

Oson akah sugen innal, aabbe cina mara makkinay; YALLIH amri oggola. Away Yarusalaamal yan Qibaadah-Qariy YALLI kulli way taahir abehiyyal ama. YALLIH bagcarrak cattintaana'gidih, kaay sin Dagelta kinnihiyya uqbuda.

1 Aydaad 29:24

Doolat abbobti kee qaskar kee kay toobokoh agantah, «Malik Suleeman nek aba axcinnaanim abennooh, kaal mamakna» 'yaanam axcuk xiibiten.

Naacum 1:2

YALLI isit massoowan faxa mara maqansiisa. Kaa niqbaah, kay yab cina maral cane gacsah. Kay naqabuk tamaate bala keenil obta.

Yacedkel 21:22

Migdi gabat Yarusalaam 'yaanamih asta elle tan gaysê-baxa heele. Too waqdi, ‹Tet gidaarwa edde taggalu wayta gutqeyna bicisaay, qeebil tirtirisu waa mara bical hayisa. Culmeyna edde taggalu wayta gutqeyna xayyoosa. Ballaaqe tittak bagul hayisak eded bicisa. Megdebih edde gacan boodo bicisa› 'yaanam axcele.

Yacedkel 17:18

Abe xiiba kee Yalla-kee-xaganay heehiyya makeemih sabbatah, rike asillimi kaa mahaanay kaa qidelon» iyye.

Ermiyaas 51:64

Too waqdi, ‹Baabelon, YALLI teetil baahu waa umaaneh, too warkatih innah, suteleeh, wadiriik muugutta› 'yaanam inxic» kaak iyye. (Sinam isih is taqbissa.) Ermiyaas yab tama ikket yaade.

Ermiyaas 51:36

Tonnal YALLI Yarusalaam marak iyyemii, «Yarusalaam maraw, siinil baaheenimih adda anu innih wagteyyo. Sin naqboytit siinil bahtem, anu keenil gacseyyo. Baabelon leek raceyna kafseyyo. Ken weeqaytu lee cabsiiseyyo.

Ermiyaas 51:25

Qagseh iyyemii, «Baabelon maraw, qalê-gideh gacca 'teenih inkih tan ummat bayisseenih immay a saakuk wadir sin naqboyta kinniyom yok ixiga. Tahak wadir gaba siinil heeyyooh qalê-gidey akah sugteenik foyyah cabba sin heeyyo. Gomboduh gacissa sin heeyyo.

Ermiyaas 50:14

«Baabelon marat qeebi abu waa maraw, qeebih bical gaca. Maro keenit haa. Gaysê-baxak elli haytaanamak tu macabinay Baabelon mara edde qida. Baabelon umam yol bahtek, gaysê-baxa teetit haa. Yoo YALLAL umam bahte.

Yasaqya 63:4

Macaay inteenik, yi marih naqboytit edde digaaleh meqe ayro temeeteh 'yaanamal gaba kaleeh; anu wade marih wakti yemeeteh yan.

Yasaqya 61:2

YALLI, isi mara edde wadu waa wakti kee, isi naqboytit edde digaalu waa ayro temeetem warsa'gidih, yoo ruube. Rookat yan mara aytikumusa'gidiiy

Yasaqya 59:17

YALLI, qadaalat alil-dacayrî-birtih innah sarteeh, wadu birti-kalabtah innah haysiteeh, canê-gacsa sartan innah sarteeh, bagcarra raraytoh innah haysite.

1 Samuwel 15:33

Kaa baahen waqdi Samuwel kaak iyyemii, «Ku seef mango inonti xaylo maleh akah cabe'nnah, ku ina a saaku kaadu baxa maleh raaqele» kaak iyye. Sarrak YALLA elle yaqbuden aracay Gilgalal yanik foocal exxa-exxah kaa kure.

Yoosuwa 6:20

Sarrak seeka baanta toogoreeh; too waqdi raqqa 'ye mari too baantah anay akah yoobbe innaak kaxxa xongoloh xongolen. Too waqdi magaalat maroh tan gasoosa tiddigilleh. Sarrak qaskar takkeemik woo magaala elle tan kooma fan yewqeeniih magaala yibbixen.

Yoosuwa 6:5

Sarrak baanta ayseede'kal waqla fan meqe gide xongolisaanama. Too anay taabben waqdi aki mari yakkeemiik xongolaama. Too waqdi woo magaalah gasoosa inkih addah addigillele. Tohuk lakal qaskar elle sugte'kkek takkeemiik magaala cultaama» kaak iyye.

Ermiyaas 50:25

Yi silac daanat elle yan qarik afa fakeeh, abeh an bagcarrah woo silac eyyeeqeh. Akah eyyeeqem, yoo YALLAY Mulki leeh Nabaamak Nabahiyya, a saaku Baabelon rasul abam faxam liyoomih sabbata.

Ermiyaas 50:44

Yalli qagseh iyyemii, «Ordon garboh addak garciik yewqe lubak lac elle gilisa'nnal, Baabelon-mara giliseyyo. Ken magaalak ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.

Ermiyaas 51:24

«Tonna'mmay Israayil maraw, isinni namma intih abalih, Baabelon-mari Siyoonul baahe umaanek gexxaamah, ken digaaleyyo. Tahat yabtam yoo YALLA» iyye.

Ermiyaas 51:30

Baabelon qaskaray agiirah tenehiyya qeebih gaba marubta. Isi megdebil elle soolak raaqele. Niya keenik addigilleleeh, agbi innah qeebik soolak raaqelon. Cayli keenik boolaatele. Baabelon magaalah culmay birtak bicseeni addigillele. Qarwat gira ruubelon.

Yasaqya 59:18

Kullim cakki-gitah gacseleeh, sahdal baahen umaaneh sahda digaalele. Kay naqboytit abba heen umaaneh digaalele; xer baaxol yan mara kinni way digaalele.