Ermiyaas 5:27 - NABUWWA KEE MALIKWA

²⁷ Kimbir admot yan num, kimbir-edde-haan-qari kimbiirik elle kiba'nnal, too mari kaadu sinaamak buuben duyyek isinni buxaaxi kiben. Kaxxa qande kee gaddaliino akah loonum tohu.

Ermiyaas 5:27 Referans Kwoze

Miika 1:12

YALLI Yarusalaamal bala oobisu waa saaki yoofeh yan. Tohuk gexxaamah Maarot magaalal yan mari maqaaneh raksitaana'mmay waaga kee cisaabat yanin.

Ermiyaas 8:5

Hay yi maraw, yok texxeereenim ublehik, yol macah aduure waytan? Isinni gabak abten xeet kee cooxuk bicissen duyyeh qibaadat gacteeniih, yol taduureenim cinteenih.

Ermiyaas 12:1

Inni Dagelta lih yaabeeh excemii: «YALLAW, qadaalat le Dagelta kinnito. Yi Dageltaw, yot tekkem ku amol haysitu waa; qadaalat le cokmi yoh abettom aaxigeeh, mawaagisa'mmay, atu qadaalat elle abta'nnak uxih cede weemiy koo esseram faxa liyo. Uma-qamal-leela gaddaloola akah tekkem macaay? Aamanti sinni maral kullim akah bictam macaay?

Xafanya 1:9

Yalla maleela taqbude duyyeeya keenik kaxxih yaqbude mara digaaleyyooh; too maray gita maliinot sahdak geyya haa duyyet isinni dageltih qari bilqisahiyya digaaleyyo» iyye.

Yasaqya 3:14

YALLI isi marak idoola kee abbobtih yan maral cokmi abele. Keenik iyyu waamah: «Yi baaxoy qinab xala coox elle aabakuk sugehiyya bayissen. Buxaaxi siinik masaakiinak beyten duyyek kibut tan.

Hosiqa 12:9

Takkay immay yoo, YALLAY Masrik sin yeyyeeqehiyya, uxih sin Dagelta kinniyo. Ahak sarra bacarih tan baaxol sugten saaku edde sugten siraaqah sin gacseyyo.