Ermiyaas 5:21 - NABUWWA KEE MALIKWA

²¹ Kee, hawri-maleelay, xangi-maleelay, oobbeya. Inti litoonuh immay matablan; ayti litoonuh immay mataabban.

Ermiyaas 5:21 Referans Kwoze

Yacedkel 12:2

«Atu fanat akak tanim, yabti cina le maraay; makoleela kinnoonumih sabbatah, abalih mayablaanay aabbih mayaabban.

Ermiyaas 4:22

«YALLI iyyam aabbeh an. Iyyaamah, ‹Yi mari duquuraay; yoo mayaaxigan. Kas sinni qunxa urrih gide ikkal, tut maradan. Uma-taamah abittol ken aleltam matana'mmay meqe taamah waqdi boola lon› 'yaanam axcih aabbe.

Ermiyaas 8:7

Koxxali kinni way isi aracah edde yaduure wakti yaaxigeh. Kukkurru kee kalah yan kimbir safarah gersi rasu fan edde gexa wakti isik yaaxigeh. Yi maraw, siinih tu gactek, anu sin elle xiinisa xinto mataaxigan.

Ermiyaas 5:4

Tah keenik ubleeh, too waqdi inni bagul ucsubeemih: «A mari masaakiinay tu aaxige waytahiyyak tanih tan» 'yaanam ucsube. «Ken Dagelti keenik faxam yaaxigeenih mayanin; duquurak tanih tan. YALLI aba keenik iyyem kinnim yaaxigeenih mayanin» 'yaanam inni bagul exce.

Yasaqya 44:18

Tannah tanim aba mari, xangi cabe maray abam isik aaxige waahiyya kinnon. Namma inti baaxo tableemik alifit keenik taniih, tu cubbusaamak misinkaca keenik alifit tan.

Yasaqya 27:11

A cooxuk ludwa kafta saaku, butukka 'teh taddigille way, agbi girâ-bocoh haysita. Tut radaah geya mara hinna. Ken Kaalik keenih maracmata; ken Dageltay ken yukluke aysa maqaane keenih maaba» 'yaanam qadarah axcetton.

Hosiqa 7:11

Israayil mari hawri cabeeh, kimbir innah meekita. Way catoh Masri mara fan yardeeniih, way kaadu Assuuriyah mara fan yarden.

Ermiyaas 10:8

Yakkeenimik inkih duquuraay; hawri akak gexe mara kinnon. Cooxuk bicsen duyyey yaqbudeenihiyya tu ken barissu madudda.

Yasaqya 43:8

YALLI isi mara cokmi-qari fan baahe. Intiita loonumuh mayablan; aytiita loonumuh mayaabban.

Ermiyaas 5:20

YALLI iyyeemih, «Isin, Yaqkuubuk rade maray Yuuda deqsitahiyyak, annah inxica:

Ermiyaas 6:10

Too waqdi anu excem, «Yi yab mayaabbaanak, iyyaw axco? Iyya luk yaabah an? Ayti keenik alifit tani'kkal, yab oggola mara hinnon. Atu yok keenih warisa inte farmo keenih warsa waqdi, mafaxan. Woo farmol anqaasah lon.

Zakariyya 7:11

«Takkay immay yi mari yi yab cineeh, darre yot cabba haak misinkaca isinnik alfeenih.

Ermiyaas 7:13

Isin ta axxul le dambit assaanam uble waqdi, fiiruk geerah sin lih yaabeh immay yok tu aabbe cinteenih. Maabina siinik exceh tu yol magacisinniton.