Ermiyaas 49:37 - NABUWWA KEE MALIKWA

³⁷ Ken naqboytiitiy ken qidam faxahiyyak cunxita mara ken abeyyo. Bala keenil ruubeyyo. Yi bagcarra keenil oobele. Saabo cabba haanam fanah carbit ken selu waa mara keenit ruubeyyo.

Ermiyaas 49:37 Referans Kwoze

Ermiyaas 9:16

Duma ken kee ken kaxxa abbobti able wayteeh aabbe wayte baaxoy oson kaadu ahaydumah aabbe weeniih able weenihiyya fanah ken ruubeyyo. Tokkel aaxige waan marih addal ken fixiixiseyyo. Saabo cabba haanam fanah, ken seltu wayta qaskar keenit ruubeyyo» iyye.

Ermiyaas 48:2

Mooyab mari luk yen migaq-gexxo gaba kalele. Cesbon-mari Mooyab mara edde bayisu waa malat yanin. ‹Amay a doolat bayisnay› 'yaanam tittak iyyan. Madmeen-magaala deqsitta magaalal yan marat qeebi abta qaskar ruubeloonuh, tibba ken heelon.

Yacedkel 32:23

Ken kabaara elle tanim, akeerak adda le araca. Woo qaskarih kabri teetit maroh yen. Keeniy ta saaku tonnal yanihiyya, addunyal sahda akak meysitta marah sugen.

Yacedkel 12:14

Kay taamak abbobtih yen maraay, kaat dacayrih yan mara kee, kay qaskar kulli ikke fixixih ruubeyyo. Ken qidu waa mara kaadu lakat keenik ruubeyyo.

Yacedkel 5:12

Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.

Yacedkel 5:2

Sidooca exxak, exxak teena magaala edde abbaxuk sugen marok caban saaku, magaalah addal gira edde rub. Nammeyhaytoh af magaalak addal elle gexamgexxaamal seefit irgiggiqay qid. Sidochaytoh af caacayat rub. Tonnal anu seef haysitta heeh woo marah ayraddeyyo.

Ermiyaas 50:36

Oson ginnili kee kalluwalleh lon marat qeebi aba! Too waqdi kaxxa duquurah sugeenim aaxigelon. Ken qaskarat qeebi aba! Ahak sarra kaxxa cunxo keenit radele.

Ermiyaas 49:29

Siraqwa kee illi keenik dannabah orbisa. Siraq addal lon reebuh haan sara keenik beya. Siraq addal elle haanamak tu macabinay dannabah keenik beya. Gaala kaadu keenik buuba. Too waqdi ‹Kulli ikkel cunxo net qidan!› 'yaanam axcelon.

Ermiyaas 49:24

Damaskoh mari boolaateeh; abeh yan meysih kudam faxa. Lacawat tan barrah innah, edde yaniinim, uma biyaaka.

Ermiyaas 49:22

Bosrâ-magaalal yan marat ken naqboytit, qawi galwa fakka hayteh tamaate way sahdak gital duyye elle qawta'nnal, ken qawelon. Too saaku Edom qaskar meysih lacawat tan barrah innah gacelon» 'yaanam Yalli iyye.

Ermiyaas 49:5

Yoo YALLAY Dagelta kinnih, Nabaamak Nabahiyya siinik iyyaamah: Kulli kabuk umaane siinit ruubeyyo. Too waqdi kulli num siinik kudmah hayya heeleeh; baaxo cabetton. Kulli num siinik isi roocih megloh kudele. Sarrak luk sugten qaskar gaabossa heeh titta fanah baaha num mageytan.

Ermiyaas 48:39

Mooyab mari finqiteeh, bala ken tibbixeh. Edde yaniinim, booge! Qaybi ken yibbixeh. Sahda elle anqassa mara yekken. Keenil xayi baaxoh mari ken yable way, kaxxa wariggah wariggitaanaah, anqaasah keenil raban. Tahat yabtam yoo YALLA» iyye.

Ermiyaas 6:19

Addunyal tan ummatey, yoh oobbeya! Oson abba heenimih digaalah, a maral bala ruubeyyo. Oson baaheenimih ken digaalah an. Anu keenih ruube xinto cineeniih yi qangarah ayti yacoonu cineenih.

Ermiyaas 49:38

Qeelamal yan ken malik kee makaabon qidda heeh, inni dardaarinnih korsi elle daabiseyyo.

Ermiyaas 9:15

Tonna leemiik yoo YALLAY Nabaamak Nabah, Israayil doore Dagelta kinnihiyya ta marak abu waam koh warisu waa. Qeero le maaqo ken askameyyo. Summik tan lee ken afqeyyo.