Ermiyaas 49:35 - NABUWWA KEE MALIKWA

³⁵ Kaak iyyemii, «Qeelam-rasul cayla-leelah yan maray gaysê-xayloh qidimil yimixxigehiyya seleyyo.

Ermiyaas 49:35 Referans Kwoze

Yasaqya 22:6

Qeelam-rasih-qaskar, faras amol anuk, gayse kee gaysê-baxa luk tamaateeh, faaris-gaariira luk tamaate. Kiir qaskar gooba luk tamaate.

Ermiyaas 51:56

Naqboyti Baabelon baysa'gidih yamaateh yan. Kay qaskar Baabelon-qaskar abbixeleeh; gaysê-baxa keenik aggilelon. YALLI, atu bahteemih koo digaala Dagelta. Cane keenik gacseleeh; ken digaalele.

Ermiyaas 50:29

YALLI iyyemii, «Gaysê-baxi qalaamal yaaxigen marak, ‹Ugutay, Baabelon marat qeebi aba› inxica. Magaala keenik marot haay num keenik awqe kala. Oson sinaamal bahha heenim keenil baaha. Oson sahda edde abbaxuk sugen xintot ken haa. Toh keenik aba akah axcem, yoo YALLA aaxaguk masuginnoonuuy, kaxxiina xagarat hayya heenih, anu faxe waam abak sugen. Anu YALLAY *kudduusuk yaniih Israayil ummat doore Dagelta kinniyo.

Ermiyaas 50:14

«Baabelon marat qeebi abu waa maraw, qeebih bical gaca. Maro keenit haa. Gaysê-baxak elli haytaanamak tu macabinay Baabelon mara edde qida. Baabelon umam yol bahtek, gaysê-baxa teetit haa. Yoo YALLAL umam bahte.

Hosiqa 1:5

Yidraqel-Daqarih addal Israayil qaskar le qande selsiiseyyo» iyye.

Yasaqya 21:2

Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.