Ermiyaas 48:46 - NABUWWA KEE MALIKWA

⁴⁶ Mooyab maraw, sinim tekkeh! Kamos deqsittaamak yalla iyya maray too duyye aqbuduk sugehiyyah ikke tekkeh. Say-xaylo kee lab-xaylo inkih seewah siinik been.

Ermiyaas 48:46 Referans Kwoze

Ermiyaas 48:13

Duma Israayil, elle aaminuk yen Beetalat wacarriyya akah iyyen innah, Mooyab mari kaadu ah keenit takku wayta saaku, Kamos akak 'yaanamay yallah loonuhiyyah abak sugen qibaadat wacarriyelon.

Ermiyaas 48:7

Mooyab maraw, isinni taama kee gaddaliinot kaxxam tekkeleeni'mmay, a saaku wohim siinih xiqtam maliiy; qeebil gacetton. Kamos akak intaanamay yallah litoonuhiyya kee, kay seeka kee kay makaabon inkih seewah orbiselon.

1 Malikwa 11:7

Yarusalaamak ayrô-mawqa le kabu raqta qalel, Kamos deqsitta umâ-yabulih tan duyyey Mooyab mari Yallih aftok aqbuduk sugehiyya elle yaqbudeeni'gidih arac keenih bicse. Tonnah kaadu, Qammon mari yallah le Milkom deqsittaamay umâ-yabulih tanihiyya elle yaqbudeeni'gidih arac keenih bicse.

Makaabon 11:24

Isin yallah liton Kamos siinih yeceemil elle isbira. Nanu kaadu YALLAY ni Dagelta kinnihiyya neh yecee baaxol dabaaqah sugenno.

2 Malikwa 23:13

Tonnah kaadu, Malik-Suleeman duma Yarusalaam magaalak ayrô-mawqal, Umaane-le-qale deqsitta qalek gabbi-qaxat raqta'kkel, ableh-uma duyyeeyah-qibaadah, axcihiiy, Sayda-marak-say-yallay Qastarot deqsitta kee, Mooyab-marih-yallay Kamos deqsita kee, Qammon-marih-yallay Milkom akak iyyaanah qibaadah heeh suge mansafitte foyya abe.

Yasaqya 16:2

Qarwak xiiriyen qunxa-kimbiirih innah, Mooyab say-mari, Arnon weeqaytih-tabeenak xaqul, koboxut yan.