Ermiyaas 48:37 - NABUWWA KEE MALIKWA

³⁷ Yakkeenimik amo kee deben isinnik mooleenih, xagar kaadu isinnik toobiyeeniih, sartanah *qabuudut gacen.

Ermiyaas 48:37 Referans Kwoze

Ermiyaas 47:5

Gaadâ-mari kaxxa rookah amo isinnik moolah able. Askalon mari kaxxa tibba abah able. Filistiin marak rabak raaqe mari rookah xagar isik qanxisah able.

Ermiyaas 41:5

Seekem kee Siilo kee Samaariya deqsitta magaaloolik bacra-tabanih num yemeete. Too mari deben isik mollaay, tonnah kaadu, sara isinnik qanxissa heenih yemeeten. Xagar kaadu isinnik toobiyeenih yemeeten. Yemeeten waqdi, Yarusalaamal YALLIH Qibaadah-Qaril sadgatah xayyoosoonu waan daro kee qaydarus gabat luk yemeeten.

Ermiyaas 16:6

Gaddali kee baacoyti keenik inkih, ta rasul elle rabeleeh, num keenih marookitaay, num ken mayaaguqa. Ken rabih rookah isi xagar num masalliyaay amo isik num mamoola.

Yasaqya 20:2

Sidiica sanatak naharat, YALLI, Amóx-Yasaqyak, «Ibat lito kabel kee ama xagaral lito *qabudda isik kal» 'yaanam kaak iyyeh suge. Too saaku usuk Yalli kaak iyyem oggoleeh, xagaral saro maleh ib-qassih gexak suge.

Miika 1:16

Yuudâ maraw, kicinuk tenen xayloh rookah amo isinnik moola. Xaylo siinik seewah beeloonu'mmay, ken rookah gaali-gumah amoh innah moyya isinnik muxcah aba.

Qaamus 8:10

Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.

Yacedkel 27:31

Kot tekkeemih rookah, amo isinnik molla heenih sartanah qabudda haysiten. Kot tekkeemih kaxxam koh qaadelon.

Yacedkel 7:18

Sartanah *qabuudut gaceloonuuh; inkih yan xagar meysih keenik axaxitele. Amo keenik mooleloonuuh; yakkeenimik inkih qawratak radelon.

Yasaqya 37:1

Malik-Ciskiyyaahu a yab akah yoobbe innaak, sara isik qanxiseeh sartanah *qabuddat gacca 'yeh YALLIH Qibaadah-Qari gexe.

Yasaqya 3:24

Qatri suruy ruubak elle yenen ikkel, xagar keenik abcele. Bagul luk yenen caleytih aftok, qax-umaane le akoota bagul heelon. Qax-meqe amô-xagooruy luk yeneenik, moolah raaqelon. Xagaral luk yenen qax-meqe sarih aftok, *qabuudut gacelon. Luk sugen qax-maqaaneh aftok, qax-umaaneh wacarriyelon.

2 Malikwa 6:30

Malik ah yoobbe waqdi, niya kaak tiddigilleh sara isik qanxiseh. Magaalat maroh tan gasoh garil yan mari malik xagaral le sartanak guba *qabudda haah kaa yublen.

1 Malikwa 21:27

Eliyyas yaabak gaba kale waqdi, Acab sara isik qanxiseh baaxot qideeh, sartanah *qabuddat gace. Maaqo cineeh xiinih qabuddal gace. Tohuk wadir fooci kaak dattowwa 'yeh cisabbootak gexe.

1 Malikwa 18:28

Usuk toh keenik iyye waqdi, woo ken qibaadah abitto elle inta innal, qabal keenik caxitam fanah gileela kee balaadit isinnik qanxis, qanxis heen.

Ermiyaas 49:3

Qaay baateh tanik, Cesbon maraw, boogisa! Rabba deqsitta magaalah agabow, rookita! *Qabuudut gacaay rookita. Meekitay *emreereya. Macaay inteenik, isin yallah liton Milkom kee kay seeka kee kay makaabon inkih seewah siinik beelon.

Yacedkel 29:18

«Bani-adantow, Baabelon malikih yan Nabkadnessar Suur-magaalal qeebih gaba qideh yan. Isi qaskar amo xagortak muxcah raqqaay sunku keenik dalletta 'tam fanah, quukat yabbixe. Takkay immay a gid yakke cawalay edde yaniinihiyyah kaa kee kay qaskarak galto num mageya.

1 Aydaad 19:4

Cannun too yab yoobbe waqdi, Malik Dawud ruube marak deben mollaay sartanay edde sugeenihiyya xiiqarel keenik qanxissa heeh ken xiiriye.