Ermiyaas 48:33 - NABUWWA KEE MALIKWA

³³ Mooyab rasuy niqmatak yanihiyyal, Mooyab mari abak suge farcat kee raacat gaba kaleh. A saaku anu kamri-bicsiyyak ken kaleh; qinabak kamri bicsaah, farcatah gad abak yen mari mayanaay; gad elle abak sugen ikkel, rookat yanin.

Ermiyaas 48:33 Referans Kwoze

Caggay 2:16

siinit tekkem maay able waytan? Woo orbissen daro elle kobxissen arac gexxen saaku, too daro namma boolih kiilo akkelem elle akkaluk sugten ikkel, inki boolih kiilo akkuk siinih sugte. Qinab elle yaxmuumen aracal bool litri takke qinabay yuxmuumeenihiyya dagaak morootom litri akkuk siinih suge.

Yasaqya 5:10

*Madmadat nammay nammayah yoxeen labaatanni awurut ayrol yubquren baaxo, qinabak labaatanni litrik fula mabahta. Dariyyuk bool kiilo qideenik, darok tabna kiilok fula mabahta.

Ayyuqel 1:16

Nubqure daro kee maaqo nek baatam nable. Yallih Qibaadah-Qaril akkuk yen farcat gaba kaleh.

Ayyuqel 1:5

Hay sakaaray, ugutay weeqa. Qinabak bicsen kamrit yiskire maraw, takkeenimiik boogisa. Qusba kamri akak bicissan qinab xaylo bayteeh finqitteh.

Yasaqya 9:3

YALLAW, ken teyderreh mango mara ken abetto. Kaxxam ruffu ken heetto. Sahda buqrek daro orbissa waqdi kee dannabah orbiseenim kurrasitan waqdi elle wallitan gurral, ku foocal wallitelon.

Yasaqya 7:23

«Toh takku wayta saaku, qinab buqreh cooxuk alfi caxay kulli caxa garsi akak baahak sugtehiyya elle sugte aracal, eqeb kee sibaasib aabukele.

Qaamus 5:17

Qinab elle aysubukuk yenen baaxol ummat weeqat sugele. Ah siinit akah takkem, anu sin digaala'gidih sin adda gace waqdi. Toh intem YALLA» keenik iyye.