Ermiyaas 48:26 - NABUWWA KEE MALIKWA

²⁶ YALLI kaadu iyyeemih, «Mooyab mari yot missoowaanam faxak suge'mmay askireloonuuh, isinnih aben alliyot amboroorokelon. Sinam keenil anqaasah rabele.

Ermiyaas 48:26 Referans Kwoze

Ermiyaas 51:39

Kaxxam satqitan waqdi rikeek tan afxago keenih aceeyyo. Too afxagot askireloonuuh, kaxxam asuuleloonu'mmay, tohuk lakal sarrah-akak-ugte-waan-xiinih xiinelon.

Ermiyaas 48:42

Mooyab mari yot missoowaanam faxak suge'mmay, ahaysa doolat mayakkan.

Yasaqya 29:9

Ama tekken xangi-maleelay akah taniinihiyya tika. Akah tanin inti maleela tika. Qinabak bicsen kamri aaqube'kal lagaggaq intan. Gambiik gambil lagaq intaana'mmay, toh kamri maqubih sabbatah abtaanam hinna.

Yasaqya 19:14

YALLAY Nabaamak Nabahiyya sahda badsa fayu yecee mara ken abe. Tohuk gexxaamah Masri mari baditit yaniih, yiskire numuy isi alliyoh bagul xiinah innah lagaq iyyen.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Ermiyaas 51:7

Baabelon yi gabat tan dahab kobbaayah bis luk ten. Inkih tan addunyal yan mara too kobbaayal yan kamrik tefqeeh, too marat moyya gexxe.

Ermiyaas 48:39

Mooyab mari finqiteeh, bala ken tibbixeh. Edde yaniinim, booge! Qaybi ken yibbixeh. Sahda elle anqassa mara yekken. Keenil xayi baaxoh mari ken yable way, kaxxa wariggah wariggitaanaah, anqaasah keenil raban. Tahat yabtam yoo YALLA» iyye.

Cabakkuk 2:16

Migaq elle luk sugten baaxol qaybi sin abbixele. Isin kaadu kamrit iskirra 'teenih qawrat siinik ambulleele. YALLAK migdi gabat tan digaalah kobbaayak aaqubetton. Too waqdi, a saaku liton migaq-gexxoh aftok qaybi sin abbixele.

Naacum 3:11

Nanawê-maraw, isin kaadu yiskire marih innah lagaggaq edde intaanaah, naqboytiitik sasseenih edde tambooqoren aracih goranah, tardoonu waytan saaki amaatele.

Daaniyel 11:36

« ‹Suuriyah malik isih faxxa heem abak sugele. Yallitte akak inxicci 'yaanamak nabiyoh axcuk tirtirisele. Yallittek naba Dagelta kinni way, uma'nnal xaafele. Yalli kaa digaalla haam fan toh abak sugele'mmay, Yalli hununuh abeyyo inxicca 'yem abele.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Yasaqya 63:6

Bagcarrite waqdi inkih tan doolatwat eeqeteh ken askirise. Qabala keenik baaxok bagul caxe» iyye.

Yasaqya 51:17

Yarusalaamey, ugut! Ugutay bical gac. YALLI bagcarrite saaku, kay bagcarrah kobbaayak tooqobe. Woo kobbaayak tooqobeeh lagaq koo hayte.

Yasaqya 10:15

Takkay immay godma gabat tet le numuk nabiyoh intam bictaa? Miisar tet gabat le numuy duyye teetit yargiqehiyyak maay yayse? Gabâ-caxxi num mayakkuqa; num gabâ-caxxa yakkuqe ikkal.

Yasaqya 28:8

Maaqô-mingilwa alliyot baysen. Abcise'kah cabeenim matan.

Daaniyel 8:10

Qaraanal tan qaskar kee cutuukat qeebi edde aba qande baahe. Cutuukak tu takkem baaxol qideeh amot taqqa akak iyye.

Ermiyaas 50:29

YALLI iyyemii, «Gaysê-baxi qalaamal yaaxigen marak, ‹Ugutay, Baabelon marat qeebi aba› inxica. Magaala keenik marot haay num keenik awqe kala. Oson sinaamal bahha heenim keenil baaha. Oson sahda edde abbaxuk sugen xintot ken haa. Toh keenik aba akah axcem, yoo YALLA aaxaguk masuginnoonuuy, kaxxiina xagarat hayya heenih, anu faxe waam abak sugen. Anu YALLAY *kudduusuk yaniih Israayil ummat doore Dagelta kinniyo.