Ermiyaas 48:20 - NABUWWA KEE MALIKWA

²⁰ Tekkem too waqdi siinih warselon. ‹Mooyab ikke tekkeh! Qawrat tet yibbixeh; teetih weeqaay boogisa› siinik axcelon. Arnon weeqaytih xaqul gacca 'xicay Mooyab baatem sinaamah warisa.

Ermiyaas 48:20 Referans Kwoze

Yasaqya 16:2

Qarwak xiiriyen qunxa-kimbiirih innah, Mooyab say-mari, Arnon weeqaytih-tabeenak xaqul, koboxut yan.

Yasaqya 15:8

Mooyab-cuduud guffa haa aroocal deero aba marih xongolo radda. Eglaayim kee Beer-Eelim magaalal deero aba marih xongolo radda.

Makaabon 11:18

Sarrak woo bacarih tan baaxook gacca 'yeenih, Edom kee Mooyab baaxok deraafit makitak, Mooyabak ayrô-mawqa le kabut raaqa rakaakay gufen. Woo arac Arnon weeqaytuk gersi qaxat raaqa araca. Tokkel elle yinfiddigeeni'kkal, Arnoonuk bisoh matatrinnon. Woh akah abeenim, wohuk biso Mooyab marih cuduuduk ten.

Yoosuwa 13:9

Cuduud keenik Qarooqer magaalay Arnon golok amol tanihiyya fanah gufak yen. Woo golok gudet tan magaala kee Medaba kee Dibon deqsitta mandarwak fanal tan booxah tan baaxo inkih ken baaxo tekke.