Ermiyaas 48:2 - NABUWWA KEE MALIKWA

² Mooyab mari luk yen migaq-gexxo gaba kalele. Cesbon-mari Mooyab mara edde bayisu waa malat yanin. ‹Amay a doolat bayisnay› 'yaanam tittak iyyan. Madmeen-magaala deqsitta magaalal yan marat qeebi abta qaskar ruubeloonuh, tibba ken heelon.

Ermiyaas 48:2 Referans Kwoze

Ermiyaas 31:36

YALLI, «A addunya tanim fanah Israayil mari yi garil doolatah anele. Yi intit doolatah anele» iyye.

Yasaqya 16:14

Awayah tu gactek, YALLI iyyaamah, «Mooyab marih kaxxa nabna hununuh sidiica sanatih addat bayele. Mooyab maray manguk yenehiyyak dago mari raaqeleeh; woo mari boola le mara akkele» 'yaanam iyyah yan.

Ermiyaas 49:3

Qaay baateh tanik, Cesbon maraw, boogisa! Rabba deqsitta magaalah agabow, rookita! *Qabuudut gacaay rookita. Meekitay *emreereya. Macaay inteenik, isin yallah liton Milkom kee kay seeka kee kay makaabon inkih seewah siinik beelon.

Ermiyaas 48:45

«Dabbô-maray taqbehiyya Cesbon magaalay duma malik Sicon malikih elle sugehiyyat reebu gorrisak yemeeten. Takkay immay ta saaku habuubugutta gira, woo magaalak qimbisak, baaxo inkih dudde. Mooyab maray qeebi kicinuk yenehiyyah cuduud kee qaleelah amot gira gexxeeh sellinteh.

Ermiyaas 48:42

Mooyab mari yot missoowaanam faxak suge'mmay, ahaysa doolat mayakkan.

Ermiyaas 48:17

Mooyab rasu aaxaguk yeneeh teetik cuggaaneh yen maraw, teetih rookita! Mooyab duma luk sugte migaq-gexxo yaaxige maraw, teetih weeqa! ‹Mooyab rasul ten cayla le xinto a saaku matan. Tet nabna kee qande gaba kalteh› teetik inxicay teetih boogisa.

Ermiyaas 46:28

Anu sin lih ani'mmay mameysitina. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ermiyaas 33:24

‹Ermiyaasow, Israayil kee Yuudâ marak sinam intam maay toobbe? A namma maray anu innih doorehiyyak, ‹Yalli Israayil kee Yuudah ummatay duma dooreh sugehiyya a saaku cineh› 'yaanam iyyan. Wohut mayaadiyaanay, woh iyya mari isih ken burutaah, doolat caddot ken mayablan.

Ermiyaas 25:17

Too kobbaaya YALLIH gabak beeh, usuk «Fan bey» akak iyye marah fan beeh; ken akak efqeh.

Ermiyaas 25:15

Ermiyaas qagissa heeh iyyeemih, YALLAY Israayil doore Dagelta kinnihiyya, «Ermiyaasow! Ayka, a kobbaaya beyay anu koo elle ruuba maral ucuy. Ama kobbaaya kibuk akak tanim yi naqabu'mmay, tama naqabuk ken afqetto.

Yasaqya 25:10

Macaay inteenik, YALLI Siyon-Qale amaanah xiinisele. Takkay immay Mooyab marat laahi robbi addat suge caffat akah yaaqiten innah aaqitelon.

Yasaqya 15:5

Mooyab-marah afqado yok danantah. Macaay inteenik, yasillimem faxa mari Xooqar kee Qeglat-Selisiya fan kuda. Marak teeni weeqak Lucit fan beya gita gexan. Marak teeni anay fayya haak boogisak Coronyim fanah kudan.

Yasaqya 15:1

Mooyab marih giddinaamak ruuben farmo ah teeti. Qaar kee Kiir magaalooli inki barih addat baateh! Too magaaloolil kaxxa haan yekke.

Ermiyaas 49:37

Ken naqboytiitiy ken qidam faxahiyyak cunxita mara ken abeyyo. Bala keenil ruubeyyo. Yi bagcarra keenil oobele. Saabo cabba haanam fanah carbit ken selu waa mara keenit ruubeyyo.