Ermiyaas 47:7 - NABUWWA KEE MALIKWA

⁷ Takkay immay YALLI tet akah amriseemih sabbatah, a seef qidimik mataadiya. Ama seef Askalon marat qeebi abeleeh; baddi afal yan marat kaadu qeebi abe'kal mataadiya» 'yaanam YALLI iyye.

Ermiyaas 47:7 Referans Kwoze

Miika 6:9

Yallak meysita mari, kas gee mara. YALLI iyyeemih: «A magaalah mara kee a meelah maraw, axcem ankacisa.

Yacedkel 14:17

«Hinnay kaadu, too baaxol carbi ruubeh, saq kee ummat akah tambaxe innah, kullim duufut beya silac ruube yoo tekkek, too saaku

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Qaamus 3:6

Carbi yaniimih warsah kaayisan baanta magaalah addal kaayisan waqdi, ah yaabbeh meysite waa num maay yan? Mayan. Yallih amri maleh magaalat umam takkem bictaa? Mabicta.

Yacedkel 25:16

Tonna-leemiik Filistiin marat qeebi abeyyooh ken bayseyyo. Filistiin booxal raqqa iyyu waa mara suge weeh innah heeyyo.

Yasaqya 37:26

«Anu aham takku waytaamal dumaak maliseh sugem maabbito inna? Away woh absissem yoo. Woo gasoosa maroh edde tan magaalooli riira edde abte qande koh teceem yoo.

Yasaqya 13:3

Anu innih, yi bagcarra yaybulleeni'gidih, celeemah tan yi qaskaray yi taamah doorehiyyah seece. Oson yi iisa yafrice mara kinnon» iyye.

1 Samuwel 15:3

gexay qeebit ken ibbixaay, elli haanam keenik bayis. Labha kee agabuuy, urru kee salaadah yan qunxa urru inkih sella keenik hay. Laa kee illiiy, gaala kee danoonak tu macabinay keenik qid› kok iyya» kaak iyye.

Ermiyaas 48:10

YALLI aba iyyem baguuk abe waa num abbarsimay. Seef siibe waah qide waa num, Yallih abaaro guftay.

Yacedkel 21:30

Seef le sibah gacisa. Elle tooboken baaxol siinil ackumeyyo.

Yacedkel 21:9

«Bani-adantow, takku waytaamat yab. Yoo YALLAY Mulki lehiyya kok axceemit yab. Af leh yan siibot yan seefi arbaqeeniih samliseenih.

Yacedkel 21:14

«Bani-adantow, gaba uguraay takku waytaamat yab. Seef sahdat fiiruk geerah radele. A seef, sahda qidu waa seefiy mango kabuk keenit amaatuk ken yarciidu waahiyya.