Ermiyaas 47:2 - NABUWWA KEE MALIKWA

² Kaak iyyeemih, «Wagit! Weeqi kilbat le kabuk yamaatem. Tama weeqi sarra kaxxa weeqaytu akkele. Too weeqi yamaatu waa wakti, daqaaral tu macabaay gubbil tu macaba. Magaala kee magaalah addal yan marak tu macaba. Ta weeqi edde yamaatu waa wakti, sugu waa mari boogiseleeh, catoh gaba deerih heelon.

Ermiyaas 47:2 Referans Kwoze

Ermiyaas 46:20

Masri xagar meqe sagah bis luk yene'mmay, kilbat le kabuk yemeete gadqanti tet yokme.

Ermiyaas 8:16

Neh qeebih yamaate mari Daan deqsitta magaala gufeh yan. Ken faaris abah yan xongolo nel radda. Oson edde yanin faaris abah yan xongoloh, inkih tan baaxo axaxittah tan. A mari akah yamaatem, ni baaxo kee tet addal enna 'tam baysa'gidiiy ni magaala kee tet addal yan mara sela'gidi» 'yaanam iyyan.

Ermiyaas 1:14

Too waqdi YALLI yok iyyeemih, ‹Umaane kilbat le kabuk a baaxol yan maral facak amaatele.

Naacum 1:8

Isi naqboytit kaxxa weeqih duufut ruuba. Kaa niqba mara inkitanuuk bayisah.

Daaniyel 11:22

Naqboytiitih kaak tan qaskarat qeebi abeleeh baysele. Too qaskar dibuk hinna'mmay, kaxxa seekih agantah baysele.

Ermiyaas 48:39

Mooyab mari finqiteeh, bala ken tibbixeh. Edde yaniinim, booge! Qaybi ken yibbixeh. Sahda elle anqassa mara yekken. Keenil xayi baaxoh mari ken yable way, kaxxa wariggah wariggitaanaah, anqaasah keenil raban. Tahat yabtam yoo YALLA» iyye.

Ermiyaas 46:13

Baabelon-malik Masrit qeebi aba'gidih yemeete saaku, YALLIH qangara Ermiyaasal obteeh; kaak iyyemii,

Yasaqya 59:19

Tonnal ayrô-mawqaay ayrô-culmal kulli num kaak meysitele; kay nabnak meysitelon. Haruurugutak ooba weeqih innah amaateleeh, kullim duufut beya caacayih innal amaatele.

Yasaqya 28:17

A magaala edde massowtu waytam, qadaalata. Sekexih gexxaamak cakki kee qadaalat tet sooliseyyo. Diraabay isin elle taamineenihiyya bayseyyo. Isin uqurah liton arac weeqi duufut beele.

Yasaqya 22:1

Yalli, Sirri-goloh giddinaamak ruube farmo ah teeti. Sugay isin inkih qarwah amo akah tawqeenim macaay?

Yasaqya 15:8

Mooyab-cuduud guffa haa aroocal deero aba marih xongolo radda. Eglaayim kee Beer-Eelim magaalal deero aba marih xongolo radda.

Yasaqya 14:31

Gasoosa maroh edde tan magaalooliy, boogisaay cato esserita! Filistiin maraw, takkeenimiik meysita. Kilbat le kabuk qamburre celta siisah innah tanim tamaate. Tohum, qaskaray bexxi addat akak ane waa.

Ermiyaas 6:22

YALLIH qangara yol obteeh yok iyyemii: «Kilbat le kabuk xer baaxok qeebih tamaatu wayta agirwa gitat tan.

Ermiyaas 46:12

Sin qaybi rasi inkih yoobbeh. Isin abten weeqa aabbe wee mari mayana. Qeebil agiirak yan mari titta cabeh kudelon. Too waqdi titta ankiseloonuuh, asillimi titta mahaan», 'yaanam YALLI iyye.

Ermiyaas 46:24

Masri mari qaybit radele. Kilbat le kabuk yemeete mari qeebil keenik aysele. Tahat yabtam yoo YALLA kinni» 'yaanam iyye.