Biblia Todo Logo
Bib sou entènèt

- Piblisite -




Ermiyaas 46:19 - NABUWWA KEE MALIKWA

19 Masri maraw, seewah sin beeloonu'mmay gexoh bical gaca. Moof magaala abuuruh raaqele; num kee lac elle deedala abur akkele.

Gade chapit la Kopi




Ermiyaas 46:19
14 Referans Kwoze  

Assuuriyah malik woo namma rasuk carbit yibbixe mara qasunuk beele. Qunxaamaay kaxxam inkih gambi qassih, iba qassih, deega qassih beeloonuuh, Masri mari qaybit radele.


«Mooyab rasu bayisu waa num yemeeteh yan. Gaso maroh edde tan magaalooli bayse. Tonna kinnuk Diboonul yan maraw, ama elle tanton kaxxa aracak ugutay. Annah amay guddaafak bagul daffeya.


YALLAY Mulki lehiyya iyyeemih, «Moof deqsitta magaalal tan gabat bicsen duyyey yaqbudeenihiyya kee, yalla axcuk elle yaaminem keenik bayseyyo. Masri ahaysa abba mageya. Inkih yan rasut cunxo ruubeyyo.


Yuudah yooboke maray Masril Migdol kee Tacfanhis kee Moof deqsitta magaaloolil yani kee, Masrik gabbi-qaxat raaqa maray Yuudah aabakuk yenehiyyah giddinaamak, Ermiyaasal YALLIH qangara obte. YALLI kaak iyyeemih,


*Filistiin-maray baddi afal yanihiyyaw, bayteenim isinnik ixiga! YALLI cokmih baati siinil ruubeeh; too baatih bayettoonuuh, num siinik maraaqa.


Yarusalaamat nammayhaytô qeebi abaana'gidih, uduura keenik axceyyooh; too waqdi aduureloonuuh, qeebi teetit abelon. Qeebit tet abbixeloonuuh, tet carriselon. Yuudâ-magaalooli bacarih tan baaxoy num sinniih lac sinni abeyyo. Tahat yabtam yoo YALLA› 'yaanam keenik inxic» iyye.


YALLI, ‹A Qibaadah-Qarik Siilok abem abeyyo› iyyeeh, ‹A magaala num dabaaqah elle gace waa abur abeyyo› iyye; akah intem macaay?» axcuk, yakkeenimiik kaa dadhen.


Xooqan kee Mooful tan abbobti, duquurusen duquura. Sinam baaxo miraacisu waa mara ken tekkeleh sugte. Takkay immay oson too baaxoh mara makot been.


«Malik Nabkadnessar yamaatem Masri marah warisa. Migdol kee Moof kee Tacfanhis magaaloolil yan mara iysixxiga. Keenik intaanamah: ‹Sin xaqul yan mara edde selan seef sin kaadu macaba'mmay edde koysittoonu duddeenik, bical gaca› keenik inxica.


Num sinniih lac sinni abuuruh cabeyyo. Morootom sanatah lac elle wessa m'iyya; sahdayti elle mayangayya.


Masri baaxo kulli baaxok lafitta 'ya bacari abeyyo. Masri magaalooli morootom sanatah abur abeyyo. Kulli magaalak abuuruh laffa tet heeyyo. Masri mara marin baaxo aysaarreyyooh, tokkel dabboh gacelon. Marin marih addal gacelon» iyye.


Ken baaxo bayisu waa saaku, yasillimu waa mari Masri baaxol gexeleeh, magaqah Moofu deqsita aracal ken aaguqelon. Oson duma yedderen qado-lakqo elle luk sugen arooca kee, dabaaqah edde sugen buxaaxi elle ten aroocal, keenik waaqex kee sissib aabukele.


Swiv nou:

Piblisite


Piblisite