Ermiyaas 46:18 - NABUWWA KEE MALIKWA

¹⁸ «Malik akak 'yaanam, yoo YALLAY Nabaamak Nabahiyya. Waara Yalli yoo immay siinik axcemii: Taabor qale qaleelak xeeruk elle raqtaah, Karmel qale kaadu badak fayya luk elle raqta'nnah, siinit carbi aba numih qande kulsah too bis luk siinik raaqele.

Ermiyaas 46:18 Referans Kwoze

Ermiyaas 48:15

Mooyab kee Mooyab magaalooli finqitele. Qax-meqe furrayna keenik qeebit rabele. Tahat yabtam yoo Malikiy Nabaamak Naba YALLA kinnihiyya» 'yaanam iyye.

Makaabon 4:6

Ayrok teena Abinqám-Barak deqsita numuy Naftaali deqsitta baaxol tan Kedes deqsitta magaalal guubuh yenehiyyah farmo rubte. Farmoh kaak inteemih, «YALLAY Israayil doore Dagelta kinnihiyya amri kol oobiseh kok iyyeemih, ‹Naftaali kee Dablonuk tabna alfi yakke mara baahay Taabor qale fan ken bey.

Yoosuwa 19:22

Kilbat le kabul cuduud keenik Taabor deqsitta qalek Sacsiima kee Beet-Semes deqsitta magaalak tabba 'yeh ayrô-mawqa le kabul Ordon weeqaytut idiyya axcuk yen. A marih magaala tittat taban kee lica magaala akkuk ten. Toh lih kaadu woo magaaloolih dariifal tan gaandoodi edde anuk keenih yeceen.

Malaaki 1:14

Yi sadgatah yaguude nagay yan lac allih, ‹Too lac sadgatah aceeyyo› axcuk, xagana yoh culek sarra, ayma le saq baahaah yoo duquurusam yakkale numul yi abaaro oobele. Addunyâ-malik yooy; baadal tan ummat inkih yok meysitta. Tah intam yoo YALLAY Nabaamak Nabahiyya» iyye.

Yasaqya 48:2

Tonna'mmay afak, ‹*Kudduusuk tan magaalah mara kinnino› 'yaanamat kaxxam takkalen. ‹Yalli nek, Israayil doore Dageltaay; kay migaq YALLAY Nabaamak Nabahiyya. Kibaal kaal lino› 'yaanam intan. Away siinik axcem ankacisay yok oobbeya.

Yasaqya 47:4

Ni wadeeni, YALLAY Nabaamak Nabahiyyah yaniih, Israayil doore Dageltay *kudduusuk yanihiyyah yan.

Ermiyaas 51:17

Tah inkih abalih sahda xangi maleelay tut rade wayta tekke. Yalla axcuk yaqbuden duyye dahabak bicsa mari wohut wacarriyele. Oson bicsan yalla akak iyyan duyye anqaasah elle rabaanam ikkal, rooci leeh ufuy lem hinna.

Ermiyaas 44:26

Duudusa'mmay, Masril yan Yuudâ-maraw, toh abteenik, anu siinik abeyyom siinih warisu waa. Masri addal enna 'ya Yuudâ-marak tahak wadir, Waara YALLAY Mulki lehiyya, axcuk yol xiibita num cabe waamah, inni migaaqay nabahiyyal siinih xiibita.

Ermiyaas 10:10

Takkay immay YALLI numma Dagelta kinni. Waara Dagelti kaa; ambaxe sinni reeda le Malik kaa. Usuk bagcarrita saaku baaxo axaxittah. Kay naqabut koysita mari mayana.

Yoosuwa 12:22

Kedes deqsitta magaalal yen malikiiy, Karmel deqsita aracih xaqul tan magaalay migaaqah Yoknaqam deqsittahiyyal yen malikiiy,

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Makaabon 4:12

Sisra, Barak Taabor-qale yewqem yoobbe waqdi,

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Ermiyaas 4:13

Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Ermiyaas 10:16

Yaqkuub doore Dagelti woo duyyeh bis le Dagelta hinna. Kullim gintem kaa; Israayil ummat ikoytah lem kaa; Kay migaq YALLAY Nabaamak Nabahiyya.

Qaamus 4:13

Qaleela tuklukeeh, silaytu gintem, YALLAY Nabaamak Naba Dagelta kinnihiyya. Sahdayti rooci ginteeh; abu waam sahdaytuh warissam kaa. Ayrô-diifuk ditel korissam kaa. Baadal inkih mulki lem kaa. YALLAY Nabaamak Naba Dagelta kinni abam cubbusa!