Ermiyaas 46:12 - NABUWWA KEE MALIKWA

¹² Sin qaybi rasi inkih yoobbeh. Isin abten weeqa aabbe wee mari mayana. Qeebil agiirak yan mari titta cabeh kudelon. Too waqdi titta ankiseloonuuh, asillimi titta mahaan», 'yaanam YALLI iyye.

Ermiyaas 46:12 Referans Kwoze

Ermiyaas 46:6

Kaxxam yarde mari gufa'kke mali. Qaskar tasillime'kke mageyta. Fuurat weeqaytih xaqul qeebi keenil radah able'mmay nasri waanah», 'yaanam YALLI iyya.

Ermiyaas 14:2

«Yuudah ummatta edde tanim rookitiyya; ken magaalooli edde tanim finqi adda. Yarusalaam ummatta gubbik bagul deerih gacca 'yeenih weeqat yanin. Yarusalaam mari catô-fayxih deero aban.

Yasaqya 19:2

YALLI iyyaamah, «Masri addal sahda kee sahda qeebih tittat ruubeyyooh; toobokoyta kee toobokoytaay, cuggaane kee cuggaane qeebih tittat ruubeyyo. Namma magaalah mara qaduwwih tittin amot heeyyo. Doolatwa tittat ruubeyyo.

Xafanya 1:10

YALLI kaadu qagseh iyyeemih, «Too ayro Yarusalaam magaalak Kullum Afa deqsita aracal weeqa marih anay aabbetton. Yarusalaam magaalak qusbih bicsen aroocal boogisa marih anay aabbetton. Qarway taddigilleh anay Yarusalaam koomah amok aabbetton.

Ermiyaas 51:54

Baabeloonul yakke weeqak radda xongolo ankacisay. Mango baatiy teetit tekkehiyyak gexxaamah radda xongolo oobbeya.

Ermiyaas 49:21

Edom mari bayu waa saaku radda xongoloh, Yallih baaxo inkih angayyele. Oson aban weeqih anay Qasa Badal antaabbele.

Ermiyaas 48:34

Cesbon kee Elqaale mari weeqat yan. Oson aban weeqi Yahax magaalal yantaabbe. Doqar magaalal yan mari kaadu yaabbeh. Coronyim kee Eglat-Selisiya fan yantaabbe. Nimrim deqsita buyyi kinni-way a saaku kafeeh lee mali.

Yasaqya 10:4

Carbit ambaxe kee casbit yan marih innah seewah sin bee akkelon. Tohuh, Yallih naqbi maxamcaay, ken edde digaaluh ruube gaba wadir magacsa.

1 Samuwel 5:12

Woo dalkah rabe wee marih agantah a laahi-baxxi biyak luk yeneenih, ken xongolo kee weeqi qaran fan gufe.

Yasaqya 24:11

Qinab kamrih waytih ummat «Woyyow» axcele. Duma akkuk yen farcat amurruqele. Farcat kee ruffa ahaysa addunyal gaba kalele.

Ermiyaas 2:36

Cubbuse wayti kee baaqid sinnak gexxaamah, edde sugten caalat korisseenih. Assuuriyah mari sin akah wacarroyse innah, Masri mari kaadu sin wacarroysele.

Ermiyaas 47:2

Kaak iyyeemih, «Wagit! Weeqi kilbat le kabuk yamaatem. Tama weeqi sarra kaxxa weeqaytu akkele. Too weeqi yamaatu waa wakti, daqaaral tu macabaay gubbil tu macaba. Magaala kee magaalah addal yan marak tu macaba. Ta weeqi edde yamaatu waa wakti, sugu waa mari boogiseleeh, catoh gaba deerih heelon.

Ermiyaas 50:46

Baabelon mara yabbaxoonu waan saaku, aboonu waan deerok gexxaamah, baaxo edde engeyya axcele. Ken weeqi mango baaxoh addal antaabbele» 'yaanam iyye.

Naacum 2:5

Qaskar-abba qaskarah seeco aba. Too seecol enketta 'yeenih, ardah andafoofoluk, magaala maroh edde tan gasoh yamaaten. Gaysê-baxak isinni edde waasan kaxxa mansaf bicsen. Sarrak, culmah afa edde yaggilen gurmudda baahen.