Ermiyaas 46:11 - NABUWWA KEE MALIKWA

¹¹ «Boolaateh yan Masri maraw, Gilqad fanah gexay dayla goransita. Mango dayla gabbattaanamah tu siinih maxiqta.

Ermiyaas 46:11 Referans Kwoze

Ermiyaas 8:22

Gilqad deqsita rasul dayli mayana innaa? Daylaaba wokkel ane maay wayta? Dayla aba mari yenek, yi mari dayla akah gee waam macak tan teetiiy?

Miika 1:9

Samaariyah mara yabbaxu waa biyak, caba biyak hinna. Yuudâ mara kaadu too bis le biyak abbixele. Baati yi mari elle yan Yarusalaamak culma gufele» iyye.

Yasaqya 47:1

YALLI iyyemii: «Baabelon magaalay, elle tan dardaarinni-korsik oobay baaxol bullaaqê-bagul gac. Dumah yan saaku, qeebil num akak ayse weeh, gabah xage ween bikirit tan baxuwwah gidek sugte. Ahak wadir luk ten saytunan kee qax-maqaane gaba kok kalteh.

Naacum 3:19

Kot yekke mudum, dayla le mudum hinna. Akak urta mudum hinna. Atu abak sugte umaane kee racmatta sinnak yisillime mari maay yan? Mayana. Tonna leemik, ku baati yaabbu waa mari farcatah gaba aagurele.

Ermiyaas 14:17

Kaadu qagseh iyyemii, «Keenik intaamah, ‹Yi maraw, isin uma mudumuh muddumtoonu waytaanaah, kaxxam biyaakittoonu waytaanam ableeh; tohuk gexxaamah, bar kee loqoh intik ximo yok caxittaah, kulli way siinih abah an weeqat an› keenik inxic.

Yacedkel 27:17

Yuuda kee Israayil maray badaaqat abahiyya kaadu, kok beyan duyyet milaaguh, Minnit deqsita rakaakayak baahen kamadi kee malabaay saliid (zeyti) kee dayla koh edde acayuk sugen.

Ermiyaas 51:8

Baabelon-rasi cube'kal uma niksoh annikisseleeh, akak bayele. Sahda teetih weqtaama. Edde tan madaluk qaffottam takkehik, dayla teetih gorrisa.

Ermiyaas 31:4

Kiciyyo Israayil maraw, ahak sarra sin xiseyyo; ahak sarra karambo xabqet hayya hayteenih farcatah digiretton.

Ermiyaas 31:21

Akak gexxen gital asta haay caba. Woo gita cubbusay raaqa. Taduuren saaku, too astal, akak temeeten gita kassa heetton. Israayil maray kiciyyohiyyaw, isinni magaalooliy cabteenihiyyah uduura.