Ermiyaas 46:10 - NABUWWA KEE MALIKWA

¹⁰ Immay ta ayro, YALLAY Dagelta kinnih Nabaamak Nabahiyyah ayro kinni. Ta ayro YALLI cane edde gacisa ayro. Ta ayro YALLI isi naqboyta edde digaala ayro. Kay seef saabo cabba haanam fanah ken selele. Ken qabalak cayya 'yam fanah ken selele. Macaay inteenik, YALLAY Dagelta kinnih Nabaamak Nabahiyya, kilbatak Fuurat weeqaytih xaqul tan baaxol sadgatah ken qidele.

Ermiyaas 46:10 Referans Kwoze

Ayyuqel 1:15

YALLIH cokmih-ayro xayiih; woyyow, woo ayrot takku wayta baati! Nabna le Dagelti too saaku bala ruubele.

Ermiyaas 46:2

Yoosiyaahû-Yahoyaakim Yuudâ-malik edde yekke fereyhaytô sanat, Furaat weeqaytih xaqul Karkamis deqsita aracal, Baabelon-malikiy Nabkadnessar deqsitahiyya, Masri-malikiy migaaqah Nako deqsitahiyya le qaskarat qeebi abeeh, qeebil keenik yeyse. Too saaku YALLI, Masri giddinaamak Ermiyaasak iyyeh sugem ah teeti:

Ermiyaas 46:6

Kaxxam yarde mari gufa'kke mali. Qaskar tasillime'kke mageyta. Fuurat weeqaytih xaqul qeebi keenil radah able'mmay nasri waanah», 'yaanam YALLI iyya.

Ayyuqel 2:1

Baanta ugura. Taahirik tan Siyon Qaleh amook turumba kaayisa. Israayil ummatey, YALLIH cokmih-ayro xayih immay cunxita.

Ermiyaas 51:6

«Sinaamey, Baabelon rasuk kuda. Baabelon mari baahe dambih, duufut ken lih marabina. Ta saaku cane keenik gacisu waah aniih, keenih taguude digaala keenit abu waah ani'mmay, ummatey, waalih raaqa.

Ermiyaas 50:15

Kulli kabuk qeebi teetit aba. Taway tirtira takkeh tan! Gasoosa raddaah diglot tan. Amo xer qarway gibah xiseenihiyya qeebit yaggileenih yanin. Taway Baabelon gaba taceeh! Qeebil gacteh. Tah inkih yi digaalah sabbatah keenit tekkeemi'mmay, isin kaadu cane keenik gacsita. Oson sinaamal baahak suggu 'yeenim keenil baaha.

Yasaqya 63:4

Macaay inteenik, yi marih naqboytit edde digaaleh meqe ayro temeeteh 'yaanamal gaba kaleeh; anu wade marih wakti yemeeteh yan.

Yasaqya 13:6

YALLIH ayro amaatelek, boogisa! Qande le Dagelti baati edde baahu waa ayro xayih.

2 Malikwa 24:7

Baabelon-malik, kaak dumal Masri-milkih gubat ten baaxok, Fuurat-weeqaytuk xabba haanamaay Masri cuduudul yan daqaarih amma 'yaanam takke baaxo yibbixeeh; tohih sabbatah Masri malik kee kay qaskar Masrik gaaduh magexinnon.

Yasaqya 61:2

YALLI, isi mara edde wadu waa wakti kee, isi naqboytit edde digaalu waa ayro temeetem warsa'gidih, yoo ruube. Rookat yan mara aytikumusa'gidiiy

Yasaqya 31:8

«Assuuriyah mari seefit ambaxele'mmay, toh sahdayti bicse seef hinna. Ken mari too seefik kudele. Ken furrayna naqoosay dirkih tamsiisaana akkele.

Ermiyaas 12:12

Baaxo inkitanuuk bayisu waa mara ruubeyyo. Carbi keenit abu waa mara keenit ruubeyyo. Sinam buubu waa mari, gitah bakarroytah tan fayya le aroocaak gacak, wararah keenit amaatelon. Ahaysa amaan mageyan.

Ermiyaas 46:14

«Malik Nabkadnessar yamaatem Masri marah warisa. Migdol kee Moof kee Tacfanhis magaaloolil yan mara iysixxiga. Keenik intaanamah: ‹Sin xaqul yan mara edde selan seef sin kaadu macaba'mmay edde koysittoonu duddeenik, bical gaca› keenik inxica.

Ermiyaas 50:18

Tohuk gexxaamah, yoo YALLAY Nabaamak Nabah, Israayil doore Dagelta kinnihiyya Malik Nabkadnessar digaaleyyooh, kay baaxoh mara kaadu digaaleyyo. Duma Assuuriyah malikil bahha heem kaa kee kay baaxol baaheyyo.

Yacedkel 21:28

«Bani-adantow, takku waytaamat yab. Ama Israayil mara xaafa Qammon marak, yoo YALLAY Mulki lehiyya axcem, keenih waris. ‹Baysa seef bical yan! Qiduuy cankaxi innah bixiq iyyuh, kaa duugeenih yanin.

Zakariyya 6:6

Woo data faaris beyta gaari kilbat fan gexxaah; qado faaris beyta gaari ayrô-culma fan gexxa. Gayrin faaris beyta gaari gabbi-qaxat raqta baaxo fanah gexxa» yok iyye.

Yasaqya 2:12

Macaay inteenik, YALLAY Nabaamak Nabahiyya ayro le. Too ayrot qande leemiiy kaxxiina kee qubbuy intam inkih wacarroysele.