Biblia Todo Logo
Bib sou entènèt

- Piblisite -




Ermiyaas 44:4 - NABUWWA KEE MALIKWA

4 Fiiruk geerah inni nabuwway yoo takdumehiyya ken fanah ruubeeh; too nabuwwa, Taham Yalli niqba taama'mmay maabina, 'yaanam axcuk keenih warisak sugte.

Gade chapit la Kopi




Ermiyaas 44:4
24 Referans Kwoze  

sin fan ruuba nabuwway yi farmot tanihiyya siinik intaamah ayti acuya. Mango adda sin fan ken ruubak suge'mmay, siinik iyyeenimih ayti maacanniton. Away siinik axcem ankacise wayteenik,


Sin kaxxa abbobti Masrik eyyeqqa hee ayro akke fanah, nabuwway inni naqoosah liyo mango adda sin fan ruubak suge.


Isin ta axxul le dambit assaanam uble waqdi, fiiruk geerah sin lih yaabeh immay yok tu aabbe cinteenih. Maabina siinik exceh tu yol magacisinniton.


Aham dumî-dabaanal sugte nabuwwal YALLI ruube farmo. Too waktit Yarusalaamal ummat cayit teneeh; Yarusalaam kee tet dariifal ten mandarwal mango ummat dabaaqah ten saakuk ten. Too dabaanal ummat kaadu gabbi-qaxat raqta Yuudâ-baaxo kee ayrô-culmat raqta mango koomaami le baaxol inkih ten.


Atu kaadu ken raat katatteeh; oson abak sugen uma taamat asse. Atu uma taama qimbissem qusba saaku'mmay, keeniy dumaak abak sugehiyyak lafissa hayte.


Adda culeh wagte waqdi, gidaarak bagul Israayil mari yaqbude duyyeh tasaawiriiy, caraamak tan alluwwa kee, kalah kaadu, garbah baaxok bagul gexxa alluwwah tasaawir uble.


Taham keenil akah baahu waam macaay inteenik, yakkeenimik, inni farmot abbixe inni nabuwwal, kulli way keenih ruubak suge farmo cinak sugeeniih, aba keenik axcem duudusak masuginnon. Taway, isin Baabelon rasuy seewah sin elle heenihiyyal yan marak, isin kaadu anu siinik axcem ankacissaanama. Tahat yabtam yoo YALLA› siinik iyya.


Oson aban uma-taama kee dambil namma addah taduure digaalah ken digaaleyyo. Macaay inteenik, baaxol yok umâ-yabulih-tan-duyyey rooci sinnihiyyat wasak aben. Woo duyye yalla axcuk yaqbuden» iyye.


Ken kaxxa abbobtiy oson akak radeenihiyya aqbuduk sugte Dagelti fiiruk geerah nabuwwa keenih ruubak sugeeh; too nabuwwa kulli way keenit takku waytam naharal elle keenih warisak sugte. YALLI too nabuwwa keenih akah ruubak sugem, ken kee isi Qibaadah-Qari baatik cata'gidik ten.


«YALLAY Mulki lehiyya kok iyyaamah: Sara isik kalla hayteh, isi mareytit kee woo Yalli niqba xeet kee cooxuk bicsen duyyey taqbudehiyyah isi xagar teceeh; too xeet kee cooxuk bicsen duyyeh sadgatah isi xaylo qidde.


Tahaysa yoo YALLAAY, Nabaamak Naba Dageltay Israayil doore kinnuk, siinik axcemii, Yuuda kee Yarusalaam magaalah maraw, siinil ruubeyyo exce bala, akah exce'nnah, siinil ruubeyyo. Sin lih yaabeeh; aabbe cinteenih. Siinih seeceeh; maqal yok edde mahannitoonu'mmay, tahaysa bala siinik raq malim ixiga› 'yaanam keenik inxic» yok iyye.


Anu kulli way meqem aba keenik axcuk suge'mmay, tohuh darre yot cabak sugen. Yi yab yaabboonu cineeniih, adabih gacoonu cineenih.


Yoo elle yaqbuden qarih addal, umâ-yabulih tan duyyey Yallih innah yaqbudeenihiyya heeniih, yi Qibaadah-Qari nadaasa aben.


Baqal akak iyyan gabak bicsen duyyey yaqbudeenihiyyah, Hinnom-Golo deqsita aracal, sadgat elle aban arac xiseeniih; tokkel migaaqah Molok yalla akah iyyan duyyey yaqbudeenihiyyah sadgatah isinni xaylo yusguuden. Annah tanim anu keenik aba excem hinna. Annah tanim yi kasal way temeetem hinna. Yuudâ-mari annah taniimiy umâ-yabulih tanihiyyay dambi keenil takkehiyyat aseloonum makkalinniyo» 'yaanam iyye.


Nabuwway yi farmot tanihiyya fiiruk geerah sin adda ruubeeh, too nabuwwa, «Uma-taama cabaay cakkih tan taamah taamita» 'yaanam siinik inte. «Yalli sin kaxxa abbobti kee siinih ikoytah yecee baaxol muquk xintaanam faxxeenik, maabinaay; Yalla cabba hayteenih xeet kee coox maqbudina» 'yaanam siinik mango adda iyyen. Tohuh, ken yab maabbinnitoonuuy, yot baaqid mahanniton.


Ku migaaqal yabte nabuwway ku naqoosah tanihiyya, ni malikwaay ni miracwa kee ni kaxxa abbobtiiy ni ummattah inkih warissem cinneh.


Mango sanootal litoh tan sabrih keenil tisbireeh, nabuwwat hayte isi Roocaaniyyah kabuk garci keenih kalak sugte immay, ku ummatta, tohuh, ayti maleelah innah aabbe waytam celte. Too waqdi ken naqboytiitih gabat radoonay ken inte.


Ni kaxxa abbobtiiy, ni malikwaay ni saqolti kee seeka ku xinto intam abak masuginna. Atu ken elle amrissam kee atu keenih abta garci-kalootut baaqid luk manannon.


A mari Yuudâ-magaalooli kee Yarusalaam magaalah gitittel abaanam keenik matabla inna?


Yol umam baahaana'gidih, urri keenik boco baahaah, ken abbobti woo bocot gira urussa. Agbi keenik qagina arqusa. Too qaginak too giral alaysen gaqambo, Gannat-Malikáy yallah loonuhiyyah dooqah baahan. Tohut mayaadiyaanay, yalla akak iyyan duyyeh sadgatah qinabak bicsen kamri baahan.


Edde tanin uma taamak uduuraay qusba niya kee afqado haysita. Maabinay yi gabat isinni maqidina.


Swiv nou:

Piblisite


Piblisite