Ermiyaas 44:28 - NABUWWA KEE MALIKWA

²⁸ A carbik tasillimu waytaah Yuudâ-baaxo aleelittu waytam, dago mara. Tohuk wadir Yuudâ-marak saaboh raaqe mari, yi yab numma kinnim kee sin yab numma kinnim ablelon.

Ermiyaas 44:28 Referans Kwoze

Ermiyaas 44:14

Yuudâ-maray Masri fan gexehiyyak num raaqe'kal inkih ambaxelon. Yuudâ-rasuy madaarah akah maxhaxak sugeenihiyya ahaysa num keenik mayaduura. Dago maray meysih kudek sah, isi baaxo num siinik mayaduura› 'yaanam keenik inxic» iyye.

Yasaqya 10:19

Dago cooxuy qunxa urri kinni-way loowo akak yaaxigehiyya raaqele.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.

Ermiyaas 44:29

Yoo YALLI a baaxol siinit cabe wayu waam, elle taaxigoonu waytaama: malik Xidkiyay Yuudak malikih yenehiyya kaa niqibuk yen Baabelon malikih gabal elle hayya hee'nnal, a saaku kaadu, Masri malikiy migaaqah Malik Cofraq deqsitahiyya kaak naqboytiitih yan marih gabal heeyyo. Too maray kaa qidam faxahiyyah gabal kaa heeyyo. Sin digaalu waam, too waqdi yok aaxigetton. Toh sarra siinit takku waytaamak garci kaloot siinih akkele›, siinik iyyah yan, YALLI, hay» keenik iyye.

Yasaqya 10:22

Away Israayil mari mangah baddi afih qiddeh gide yakkeemih dago mari aduurele. YALLAY Dagelta kinnih, Nabaamak Nabahiyya inkih tan baaxooxat «Abeyyo» iyye baati elle inxicci 'ye innal abe leemih sabbatah, Israayil-ummattat «Abeyyo» iyye baati bical taniih; a baati keenih elle taguude innal keenit akkele.

Ermiyaas 42:17

Yi yab cinna heeh, Masrik manaadiya iyyu waa maral, carbi kee qulul kee bala keenil ruubeyyooh edde selliimelon; num keenik maraaqa› siinik iyya.

Ermiyaas 44:13

Yarusalaamal suge mara carbi kee qulul kee dalkat akah sele'nnah, a saaku Masril yan Yuudâ-mara too digaalah digaaleyyo.

Ermiyaas 51:50

YALLI isi maray Baabeloonul yanik iyyeemih, «Rabak raaqe maraw, gexay isillima. Akkel maadayina. Isinni baaxok taxxeereenimih niyak yoo makalina. Yarusalaam kaadu mahawweenina.

Yacedkel 6:8

«Seefik dago mari cattiimeleeh; too mari ummat kee mango baaxooxa fanat fixixele.