Ermiyaas 44:23 - NABUWWA KEE MALIKWA

²³ Away qusbih siinil obte bala siinil akah obtem, taqbuden duyyeh sadgat abteeniih, YALLAL dambi bahten. Usuk iyyem moggolinnitoonuuy, kay xinto kee kay amri cinteenih. Tohuh, siinil obte bala kinnim kaadu ixiga» 'yaanam keenik iyye.

Ermiyaas 44:23 Referans Kwoze

1 Malikwa 9:9

Too waqdi tokkel suge mari, ‹Ama marat ah akah tekkem, YALLAY ken kaxxa abbobti Masrik yeyyeeqehiyya cabba heenih gabak bicsen duyyeeya qibaadat gaceenih. Tohih sabbatah YALLI tama-umaane keenil oobise› 'yaanam axcelon» kaak iyye.

Nacmiya 13:18

Yalli duma isi magaala akah bayseeh, nee kaxxam akah digaalem, hununuh sin abbobti isin taway abtan taamah innah tanim abeenimih sabbata. Uxih kaadu isin sabti ayro taahirik ane sinni taamah taamittaanaah, Yallih naqabu nel oobissaanam faxxaanam maay tablen?» keenik exce.

Ermiyaas 44:21

«Sin kee sin kaxxa abbobtiiy, sin malikwa kee siinik saqoltih yan mara kee, wohuk kalah tan ummata, Yuudâ-magaalooli kee Yarusalaam-gititteh addal abak sugen sadgat YALLI mahawweeninna'mmay, hawweenem makkalina. YALLI isin woh abak sugteenim aaxige waak yenem makkalina.

Ermiyaas 44:18

Gannat-malikáh abak nen sadgat neyseedeeh, qinabak bicsen kamriy faaroh baahak sugnehiyya neyseedeek lakal, barkat nek yeerreeh; carbi kee qululut nembexe» iyyen.

Ermiyaas 44:8

Ama Masri rasuy elle taniinihiyyal, gabak bicissen duyye akah taqbudeeniih, sadgat too duyyeh migaaqal akah abtaanam macaay?› keenik inxicey. ‹Ta duyyeh abtan sadgatat, isinni nabsi akah bayissaanaah, ilaaqaanaah ces akak iyyan mara akah takkeenim macaay?› keenik inxicey.

Ermiyaas 40:3

Amah kaana; away too-abeyyo-inxicca-'yem inkih abeh. Tah inkih siinit akah tekkem, sin mari YALLAL dambi lem baaheeh, usuk keenik aba iyyem cineenimih siinit tekke.

2 Aydaad 36:16

Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

Ermiyaas 26:4

Kol ruuba farmo ah teeti. Keenik intamaa, ‹YALLI siinik iyyamaa: Yi yab ankacisaay anu ahak dumaak siinil oobise kitaabay yi xinto elle tanihiyya intam abaay;

Ermiyaas 44:2

«Keenik intaamah, ‹Yoo YALLAY Nabaamak Nabah, Israayil doore Dagelta kinnihiyya, Yarusalaam-magaalal oobise bala kee, raqqa 'te Yuudâ-magaaloolil ruube bala isinnih tubleenih. A saaku woo arac num kee lac sinni abuuruh yan.

Ermiyaas 44:3

Toh akah tekkem, tokkel suge mari abak suge uma-taamah sabbata. Yot naqabu culuseeniih, xeet kee cooxuk bicsen duyyeh qibaadah sadgat abittot gacen. Too duyyey oson aqbuduk sugeenihiyya, sin kee sin kaxxa abbobtik num yubleeh yaaxige duyye hinna.

Ermiyaas 44:10

A saaku fan yoh rammitten saaku manton. Yoo teyneben saaku kaadu manton. Anu siinih oobise xinto kataya mara makkinniton.

2 Malikwa 17:15

Tu xiqe sinni xeet kee cooxuy gabak bicseenihiyya yaqbudeeniih, isinnih kaadu tu xiqe sinni mara yekken. YALLI keenih kale aylahut baaqid luk manannoonuy; usuk keenil oobise amri cineeniih, ken kaxxa abbobti lih hee bica xaguroonu cineenih. Toh cabba heenih ken dariifal tan baaxooxah maray YALLI «Oson abeenim maabina» keenik akak iyyehiyya abaanam baahen. YALLI aba iyyem cineenih.

Daaniyel 9:13

Muusa baahe xintol warissa hayte digaalah nee digaalte. Takkay immay YALLAW, ni Dageltaw, nanu uxih nummâ gita katayakaay, edde sugne dambik uduurra 'neh, koo ruffa mahannino.