Ermiyaas 44:22 - NABUWWA KEE MALIKWA

²² A saaku sin baaxo abuuruh raqteeh num teetil mayanam matablaanaa? A saaku tet yable mari akak nadaamitah inna le. Titta abaara mari, ‹Woo magaaloolit tekkem siinit takkay› iyyaanaah, abaaroh tet haysiten. Toh akah tekkem maca siinit celtaah? Isin abak sugten makri kee uma-taamay YALLI xiqe waahiyya, tohuh, siinit tekkem ixiga.

Ermiyaas 44:22 Referans Kwoze

Ermiyaas 25:18

Naharak, Yarusalaam kee Yuudâ-magaaloolil suggu 'ye mara kee, ken malikwa kee makaabon inkih too kobbaayat taniimik efqe. Toh akah abem, a saaku akah yanin innal, a magaalooliy oson elle sugeenihiyya num sinniih lac sinni abur takke'gidiiy; keenit tekkem yubleeh yoobbe mari, ‹Woo marat tekkem siinit takkay› axcuk sinam titta abaarinnaan waqdi, kulli way ceelalloh haan mara yakkeeni'gidi. Tonnah kaadu sinam buruttaah ilaqta mara yakkeeni'gidik ten.

Malaaki 2:17

Qagseh kaadu keenik iyyeemih, «Yabtan yaabat YALLA taqbisseenih. «Too waqdi ‹Afak nanu YALLA mannal taqbisneeh?› intan. « ‹YALLI umeynit meqe mara yakkaleeh; keenit ruffu iyya› intan. Waqdik teena kaadu, ‹Yallay qadaalat leh akak iyyaanahiyya ankel yani?› intan» iyye.

Ermiyaas 44:12

Yuudâ-marak isi rasul raaqeeh, sarrak Masri fan gexe maraw, too gexo baatih siinik orbelem ixiga. Nabam kee qunxam siinik Masril rabele. Qulul kee carbit ambaxetton. Yuble mari akak wariggitu waa embexih ambaxetton. Ummat ilaqtaah ces akak inta mara akketton.

Ermiyaas 25:38

YALLI, qansarite lubaakay gablah addak yewqeh innah, ken baaxot dadho abe. Kay bagcarra kee carbi baaxo abuuruy lac sinniih num sinni abte.

Ermiyaas 25:11

Inkih yan rasu abuuruy sahda elle deedalta abeyyo. Baabelon-malikih gabat iysibixe baaxooxa, malcina-tabanih sanat Baabelon xintoh gubat gacele.

Ermiyaas 18:16

A baaxo akak meysitan baaxo akkele. Teetit tekkem yabalu waa mari ken sabbatah tet burtele. Gitah teetik xaqu gaceh gexu waa mari ah yable waqdi wariggitele. Ahamal qagabsiteloonuuh, namma xabanal gaba hayya heenih ‹A baaxot tekkem, gibdiimik tanih tan!› axcelon.

Yasaqya 43:24

Yi sabbatah, sadgat rubtaana'gidih qaydarus xaamah sin maballiyo; saqa yi sadgatah maqiditinnitoonuuy, xayti-qeerisan-suruyuk yoo ruffa mahanniton. Toh hinna'mmay isin abtaanah-tanin-dambi yol quuka yekke. Qellatay edde taniini yol taqabi yekke.

Yasaqya 7:13

Tohuk gexxaamah Yasaqya kaak iyyeemih, «Malik Dawuduk rade maraw, yok oobbeya! Labhâ-sabri waysissaanam meqem maay takkalen? Hay yi Dageltih sabri waysissaanam maay faxxan?

Qaamus 2:13

Tonna leemiik siinit aaqiteyyo. Yi digaalah, qari elle qilsa faras-gaari innah, araadaqisetton.

Daaniyel 9:12

Nee kee ni abbobtik abeyyo intem abteh. Yarusalaam magaala a addunyah bagul enna 'ta magaaloolik inkih digaalah lafteh.

Yacedkel 5:13

«Siinil beyah an digaalak cayya axcem fanah, siinih abeh an naqabuh bala siinil oobisak sugeyyo. Tah siinit takku wayta saaku, yooy YALLAH yani yol bahten makoh sin inqibeeh yaabem aaxigetton.

Ermiyaas 44:6

Tonna leemiik kaxxa naqbi yot heeh; too naqbi Yuudâ-magaalooli kee Yarusalaam bayseeh; ta saaku akah tablen innah, num sinniih lac sinni abuuruh raqte› keenik inxic.

Ermiyaas 44:2

«Keenik intaamah, ‹Yoo YALLAY Nabaamak Nabah, Israayil doore Dagelta kinnihiyya, Yarusalaam-magaalal oobise bala kee, raqqa 'te Yuudâ-magaaloolil ruube bala isinnih tubleenih. A saaku woo arac num kee lac sinni abuuruh yan.

Ermiyaas 29:19

Taham keenil akah baahu waam macaay inteenik, yakkeenimik, inni farmot abbixe inni nabuwwal, kulli way keenih ruubak suge farmo cinak sugeeniih, aba keenik axcem duudusak masuginnon. Taway, isin Baabelon rasuy seewah sin elle heenihiyyal yan marak, isin kaadu anu siinik axcem ankacissaanama. Tahat yabtam yoo YALLA› siinik iyya.

Ermiyaas 26:6

ama qariy yi qibaadah xiseenihiyya Siiloh innah hayya heeyyo. A magaala foyya abba heeh; sarra teetit tekkem yubleeh yoobbe mari itta abaara waqdi, «Woo magaalat tekkem siinit takkay» axcuk, abaaroh tet haysitelon› 'yaanam keenik inxic» yok iyye.

Ermiyaas 24:9

Baadal enna 'ya mari keenit tekkem yaabbu waa waqdi, kaxxa wariggah wariggitelon. Sinam elle tasuule mara ken abeyyo. Anu ken baadisu waa baaxol, sinam ken migaq xagak gersi mara bursutele. Titta abaara mari, «Woo marat tekkem siinit takkay» axcuk abaaroh ken haysiteloonuh, keenit tekkem missila akkele.

Ermiyaas 15:6

Yoo cinteeniih; isinni uma taamat wadir tuduuren. Tonna leemiik gaba siinil qideh sin bayseyyo. Wadirih siinih xuwaawam maaba.

Yasaqya 1:24

Tonna'mmay YALLAY Nabaamak Nabahiyya, Israayil doore Dageltay Mulki le kinni. Kaay Goytah yani iyyam leh, «Yi naqboytiitey, ahaysa cane siinil gacseyyooh; tahak wadir taqabi yol matakkan.

Ermiyaas 4:4

Yooy YALLA kinnihiyya lih liton xagana xagura. Yi qibaadak kalih imit maasina. Taham cinteenik, isin abten umaanek gexxaamah sin anneeqebbeyyo; anu abah an naqbi girah innah ureleeh habugga axcele. Too gira sarra bargusa num mageytima» 'yaanam siinik iyya.

Ermiyaas 23:2

Yoo YALLAY Israayil doore Dagelta kinnihiyya inni mara dacrisa akak exce marak axceemih, ‹Yi mara madacrisinniton. Fixixih ken rubteeniih baaxok ken baadisseenih. Ta saaku ta umaaney abteenihiyyah sin digaaleyyo› siinik axce.

Ermiyaas 29:18

Carbi kee qulul kee dalkat qayyaawissa ken heeyyo. Kulli doolatay keenit tekkem tabalu waytahiyya inkih, taham waagissa heele. Fixixih ken elle abbixe baaxoy innih ken ruubehiyyal, taham akkih yable mari kaxxa wariggah wariggitele. Bursutan maray ilaq le ken abeyyo. Woo-marat tekkem siinit takkay axcuk, sinam abaaroh haysitan mara ken abeyyo.

Ermiyaas 30:14

Naqboytat aban atka siinit abe; siinit tekke digaala, gibdi digaala. Toh siinik akah abem, dambi siinik manguk sugeeh; edde sugteenim kaxxa umaane kinniimih sabbata. Tonna leemiik qalla-sin-lih-luk-suge-mari sin hawweenih; siinit waanam malon.

Ermiyaas 34:22

Yarusalaamat nammayhaytô qeebi abaana'gidih, uduura keenik axceyyooh; too waqdi aduureloonuuh, qeebi teetit abelon. Qeebit tet abbixeloonuuh, tet carriselon. Yuudâ-magaalooli bacarih tan baaxoy num sinniih lac sinni abeyyo. Tahat yabtam yoo YALLA› 'yaanam keenik inxic» iyye.

Ermiyaas 42:18

«YALLAY Nabaamak Nabah, Israayil doore Dagelta kinnihiyya iyyaamah: ‹Yi naqbi Yarusalaam maral akah oobe'nnah, uxih kaadu yi yab cinna heeh Masri gexu waa maral oobele. Woo marat tekkem net akke waytay akak iyyan mara akketton. Sinam titta abaarta waqdi, Woo marat tekkem siinit takkay akak iyyan mara akketton. Sahda bursutta mara akketton. A rasu ahak wadir matablan› siinik iyyeeh, YALLI tamah siinil gacseemi» keenik iyye.

Ermiyaas 48:9

«Mooyab rasi xayi saakut bayele'mmay edde haadaana'gidih galwa keenit haa. Mooyab magaalooli abuuruh raaqele; num sinniih lac sinni booxah raaqele» 'yaanam iyye.

Yacedkel 39:23

Israayil mara seewah marin baaxo akah beenim, ken umaane kee yol baahen ceele wayto kinnim, gersi baaxoh ummat inkih aaxigele. Anu too waqdi darre keenit cabeeh, ken naqboytit carbil keenik akah tayse'nnah abe. Qeebit raben.

2 Malikwa 17:15

Tu xiqe sinni xeet kee cooxuy gabak bicseenihiyya yaqbudeeniih, isinnih kaadu tu xiqe sinni mara yekken. YALLI keenih kale aylahut baaqid luk manannoonuy; usuk keenil oobise amri cineeniih, ken kaxxa abbobti lih hee bica xaguroonu cineenih. Toh cabba heenih ken dariifal tan baaxooxah maray YALLI «Oson abeenim maabina» keenik akak iyyehiyya abaanam baahen. YALLI aba iyyem cineenih.

Ermiyaas 5:9

Tannah yan mara digaale week, maa mara digaalah an? Ken digaaleyyo. Ta marak cane gacseyyo. Tahat yabtam yoo YALLA.

Daaniyel 9:11

Israayil mari inkih gitah taniimiy atu nee tuybulleehiyya maaqileh ku xinto intam abu cineeh ku yab cineh. Nanu dambi lem kol bahne. Tonna leemiik atu ku xintoy Muusay ku naqasuh yanihiyya baahel tunkuttube abaaro nel oobisse.