Ermiyaas 44:21 - NABUWWA KEE MALIKWA

²¹ «Sin kee sin kaxxa abbobtiiy, sin malikwa kee siinik saqoltih yan mara kee, wohuk kalah tan ummata, Yuudâ-magaalooli kee Yarusalaam-gititteh addal abak sugen sadgat YALLI mahawweeninna'mmay, hawweenem makkalina. YALLI isin woh abak sugteenim aaxige waak yenem makkalina.

Ermiyaas 44:21 Referans Kwoze

Ermiyaas 44:17

Ninnih abnam faxak sugnem abenno. Duma nee kee ni kaxxa abbobtiiy ni malikwa kee nek saqoltih yan mari, Yuudâ-magaalooli kee Yarusalaam gitittel, gannat-malikáh faaroh qinabak bicsen kamri baahak sugeeniih, teetih sadgat elle abak sugen innal, nanu ta saaku uxih tonnal abenno. Toh abak nen saaku gaddaloolah sugneeh, buxa nek niqmatah sugte. Waynaah akak ceyinnam luk masuginnino.

Ermiyaas 44:9

‹Sin kaxxa abbobtiiy Yuudâ-malikwa kee ken agabuuy; sin kee sin agabu Yuudâ-rasitte kee Yarusalaam-magaalal abak tenen dambi hawwenteenii?

Ermiyaas 14:10

YALLI tohuk a maral gacseemih: «Yok kudaanaah umaaneh abittok isinni nabsiyya maraaqisan. Tonna leemiik ken inqibeeh, aben umaane keenit macabay, ken akah digaaleyyo» 'yaanam iyye.

Ermiyaas 11:13

Yuudâ-mari yalla 'yeenih yaqbuden duyyek mangah ken magaalooli tikki 'tah gide lon. Yarusalaam mari kaadu umâ-yabulih taniimiy Baqal akak iyyaanahiyyah sadgat elle abaana'gidih bicsen arooca, mangah ken magaalah gititte takkeh gide takke.

Yasaqya 64:9

YALLAW, kaxxam nee manqabinaay ni dambil faxe way nee makatayin. Nakkeemik ku ummatta kinninok, neh racmat.

Qaamus 8:7

«Tohuk gexxaamah, YALLAY Yaqkuubuk-rade-mari-yassakaxxehiyya isi migaaqal xiibiteeh, iyyemii, ‹Sin taama aaxigeeh, mahawweena.

Hosiqa 7:2

Anu oson abba heen umaane aaxigem mayaaxigan. Oson abba heen dambi marot ken yabbixe. Oson aban taama yok maqellitta» iyye.

Yacedkel 16:24

kulli gitih xaqul too duyye elle taqbude arooca hayya hayteeh;

1 Malikwa 17:18

Too waqdi is Eliyyasak intemii, «Yallih numow, annah tanim macah yok abte? Akke akah temeetem, anu abeh an dambi Yalla kassisseh baxa yok qidsissa'gidii?» kaak inte.

1 Samuwel 15:3

gexay qeebit ken ibbixaay, elli haanam keenik bayis. Labha kee agabuuy, urru kee salaadah yan qunxa urru inkih sella keenik hay. Laa kee illiiy, gaala kee danoonak tu macabinay keenik qid› kok iyya» kaak iyye.

Ermiyaas 32:32

Tohut akah emeetem, Israayil kee Yuudâ maraay, ken malikwa kee keenik saqoltih yan maraay, ken seeka kee oson nabuwwah lon mara kee, Yarusalaam magaalah mari abah yan umaane.

Ermiyaas 44:20

Too waqdi tokkel sugga 'te labha kee agabuy tah kaak iyyel, Ermiyaas gacsemii,