Ermiyaas 44:2 - NABUWWA KEE MALIKWA

² «Keenik intaamah, ‹Yoo YALLAY Nabaamak Nabah, Israayil doore Dagelta kinnihiyya, Yarusalaam-magaalal oobise bala kee, raqqa 'te Yuudâ-magaaloolil ruube bala isinnih tubleenih. A saaku woo arac num kee lac sinni abuuruh yan.

Ermiyaas 44:2 Referans Kwoze

Ermiyaas 34:22

Yarusalaamat nammayhaytô qeebi abaana'gidih, uduura keenik axceyyooh; too waqdi aduureloonuuh, qeebi teetit abelon. Qeebit tet abbixeloonuuh, tet carriselon. Yuudâ-magaalooli bacarih tan baaxoy num sinniih lac sinni abeyyo. Tahat yabtam yoo YALLA› 'yaanam keenik inxic» iyye.

Ermiyaas 9:11

YALLI yok iyyemii, «Yarusalaam yiddigille abur abeyyo. Wakri dabaq tet abeyyo. Yuudâ-magaalooli abuuruy num sinniih lac sinnihiyya abeyyo» 'yaanam iyye.

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Miika 3:12

Sin sabbatah Siyon-qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele» iyye.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.

Ermiyaas 44:22

A saaku sin baaxo abuuruh raqteeh num teetil mayanam matablaanaa? A saaku tet yable mari akak nadaamitah inna le. Titta abaara mari, ‹Woo magaaloolit tekkem siinit takkay› iyyaanaah, abaaroh tet haysiten. Toh akah tekkem maca siinit celtaah? Isin abak sugten makri kee uma-taamay YALLI xiqe waahiyya, tohuh, siinit tekkem ixiga.

Ermiyaas 25:11

Inkih yan rasu abuuruy sahda elle deedalta abeyyo. Baabelon-malikih gabat iysibixe baaxooxa, malcina-tabanih sanat Baabelon xintoh gubat gacele.

Ermiyaas 7:34

Baaxo hunah raaqeleeh; duma Yuudâ-magaalooli kee Yarusalaam-gitittel aabbuk yenen qilila kee farci antaabbuk maraaqa. Digibil farcatah abak yenen digir gaba kalele› 'yaanam keenik inxic» yok iyye.

Yasaqya 24:12

Magaala abuuruh raaqeleeh, akak culan afa bututtukkay riira tet abelon.

2 Malikwa 21:13

Samaariya kee Israayil-malikih yen Acab kee kay buxah mara akah digaale innah, anu sin kaadu digaaleyyo. Yarusalaam-magaala, teetil suge marak foyyah tet cabba heeyyo. Bagul sugtem akak duugeeniih deeriik afah korsen sacnih innah, foyyah tet cabba heeyyo.

Yoosuwa 23:3

YALLAY sin Dagelta kinnihiyya sin taagah a baaxo akak tibbixen marak inkih abem tubleenih. YALLI sin taagah a marat qeebi abem tubleenih.

Ermiyaas 44:23

Away qusbih siinil obte bala siinil akah obtem, taqbuden duyyeh sadgat abteeniih, YALLAL dambi bahten. Usuk iyyem moggolinnitoonuuy, kay xinto kee kay amri cinteenih. Tohuh, siinil obte bala kinnim kaadu ixiga» 'yaanam keenik iyye.

Daaniyel 9:12

Nee kee ni abbobtik abeyyo intem abteh. Yarusalaam magaala a addunyah bagul enna 'ta magaaloolik inkih digaalah lafteh.

Ermiyaas 8:3

Too saaku ta uma-marih addak rabak raaqe maray anu ken elle fixixise baaxooxal yanihiyya, elle yanin baaxol, manok raba laftelon. Tahat yabtam yoo YALLA» 'yaanam iyyah yan.