Ermiyaas 44:16 - NABUWWA KEE MALIKWA

¹⁶ «YALLI yoh warse akak inta yaabay taway neh warisak sugtehiyya kok cinneh!

Ermiyaas 44:16 Referans Kwoze

Daaniyel 3:15

Taway meqek, a gadah yaaguren duyyeh anay taabben waqdi, gommoh raday, ama ceelo uqbuda. Gommoh rade wayteenik, urta muufeh addat sin qideloonu'mmay, yi gabak kalah sin cata yalli mayana» keenik iyye.

Ermiyaas 38:4

Sarrak doolatak saqoltih yan mari malikik iyyeemih, «A num edde yaaba yab qaskar kee ummatak inkih niya yaggile yaaba. Ummatah umam akke waytek, keenih maqaane faxa numuk tanih matan. Ah iyyeemih rabi kaal yamaate» iyyen.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Ermiyaas 11:10

Ken kaxxa abbobtiy yi amri cintehiyya abak ten dambi, oson kaadu aban. Yalla akke sinni duyyey gabak bicseenihiyya yaqbuden. Israayil kee Yuudah ummat, anu duma ken kaxxa abbobti lih heeh suge qahdi yol makeenih.

Ermiyaas 11:8

Takkay immay yi yab cineeniih baaqid edde mahaysitinnon. Kulli num keenik ken afqado keenil tecee uma taamat asen. Titta lih haysinne qahdih giddinaamak, ‹Siinik excem duudusa›, keenik exceh ene'mmay, woh cineenih. Tohuk gexxaamah a qahdi duuduse wayteenik, abeyyo-exce-digaala keenil abe» yok iyye.

Ermiyaas 8:12

Yi mari abeh yan umâ-yabulih wacarriya mara hinnon. Dirigga akah m'iyyan. Wacarriy kinnim yaaxige mara hinnon. Tohih sabbatah qeebil gersi marat tekkem keenit akkele. Keenit abu waa digaalak maraaqan. Tahat yabtam yoo YALLA› 'yaanam keenik inxic» yok iyye.

Ermiyaas 8:6

Intaanam siinik aabbeh immay, nummat mayabtan. Abe umaaneh nadaamita num siinit mayan. «Labhay, umaaneh baahem macaay?» iyyeh essera num siinit mayan. Kulli num siinik qeebi booxa fan xoxbisan farasih innal isi faxa gitat xoxoba.

Yasaqya 3:9

Oson aban qadli-sinna keenit aamele. Sodom magaalah mari wacarriye'kal dambi akah abe innah, a mari kaadu wacarriye'kal dambi leemit asan. Woyyow keenit takku waytaama! Baati isinnih isinnil baahan.

1 Samuwel 8:19

Ummatta Samuwel ken lih yaabe yaabat maqal mahaysitinnoonuuy, «Aleeyyah! Woh tu hinna. Nanu malik fanxa bas» iyyen.

Ermiyaas 13:10

Oson umeynitiiy, amri yok cineenih. Yi yab aabbe waa maray isinnih faxam aba yekken. Sinam Yallih aftok taqbude tumamme, too marak kaxxih, yaqbude mara yekkeeni'mmay, tahak wadir tama saroh innah, hebeltô-tu'xiq-sinni-maray baaxot radehiyya ken abeyyo.

Ermiyaas 42:13

«Tonna hinna'mmay, ‹A baaxol manaadiya› axcuk, YALLAY sin Dageltah yanihiyyah yab oggole wayteenih

Ermiyaas 43:2

Too waqdi Hosaqyâ-Qadarya kee Kareyyác-Yocanan kee, wohuk kalah tan labhay anaani luk tenehiyya kaak inteemih, «Away atu edde yabtam diraaba'kkal, YALLAY ni Dageltah yani kok inxicca iyyem hinna. YALLI, ‹Masri fan magexinaay dabaaqah wokkel magacina› 'yaanam nek m'iyya.

Ermiyaas 44:24

Tohuk gaba kale waqdi, Ermiyaas agabu kee wokkel suggu 'ye marak inkih iyyeemih, «Masril yan Yuudâ-maraw, YALLI siinik iyyem siinih warisu waak ankacisay.

Ermiyaas 6:16

YALLI isi marak iyyeemih, «Giti elle yangale maglallal solla inxicay baaxo wagitay! Dumî dabaanal sugte gititte cubbusa. Yayse gitay siinih yascassoonu waanahiyyat gexa. Too gitat gexxeenik, amaan geetton» iyye. Takkay immay toh keenih warse waqdi kaal gacseenimih, «Aleeyyah yayse gitat magenna» iyyen.

Ermiyaas 44:25

YALLAY Nabaamak Nabah, Israayil doore Dagelta kinnihiyya siinik iyyaamah, ‹Nanu gannat-malikáh sadgat abennooh; qinabak bicsen kamri faaroh teetih baahenno 'yaanam inten. Meqehiiy akah inten innah aba. Abenno inteenimik maraaqina. Culten nadri duudusa.