Ermiyaas 42:11 - NABUWWA KEE MALIKWA

¹¹ Ahaysa akak meysitak sugtan Baabelon-malikik mameysitina. Anu sin lih ani'kkal siinil baaham mali› siinik iyyeeh;

Ermiyaas 42:11 Referans Kwoze

Ermiyaas 1:8

Anu koo cata'gidih ko'lih aniih; num kot baaham mali. Tah intam yoo YALLA'mmay, keenik mameysitin› 'yaanam yok iyye.

Yasaqya 43:5

Qagseh iyyemii; «Anu sin lih ani'mmay mameysitina. Ayrô-mawqa le kabul tan sin xaylo siinih gacseyyo; ayrô-culmak bahha sin heeh, sin baaxol tittal sin gacseyyo.

Yasaqya 43:2

Kaxxa weeqaytih adda tabtaanamah, anu sin lih ani'kkal, akak cunxittaanam manton. Weeqi siinit yamaateemih, anu sin lih ani'kkal, duufut sin mabeya. Urta girak adda gactaanamah gira sin matakma. Anu sin lih ani'kkal, girâ-huuri sin macararisa.

Ermiyaas 27:17

Rabak cattintaanam faxxeenik, Baabelon malik fillal siinik hayu waa *madmad raabitay xiina. Magaala siinik num sinniih lac sinni abur maabina.

Ermiyaas 15:20

Nacaasak bicsen birtay xaggiime waa keenil akketto. Qeebi kot abe loonu'mmay, kok mayaysan. Anu innih ko'lih gaceyyo. Koo xagtu waytam matan.

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

Yoosuwa 1:5

Tonna'mmay Yoosuwaw, atu addunyal tanim fan qeebil num kok mayaysaay; anu kaadu Muusa lih akah suge innah ko'lih aneyyo. Kok mabaxsimaay way koo macaba.

Ermiyaas 27:12

Woo farmo woo marah warse waqdi, Yuudâ-malikih yen Xidkiyah kaadu too farmo warseeh; kaak excemii, «Baabelon malik fillal kok hayu waa madmad macinin. Kaa kee kay marih yab macininay kok iyyaanam ab. Tonnal rabak cattimetto.

2 Malikwa 25:26

Toh yuble mari, qunxa num kee kaxxa numu axce'kal qaskar abbobtih agantah, Baabelon marih meysih Masri fan kuden.

Ermiyaas 27:11

Takkay immay faxe baaxoh mari, Baabelon malik keenil yabbixe *madmad cine waanaah usuk keenik aba iyyam abeenik, tonnal isinni baaxol elle yanoonay ken axceyyo. Isi buqre yabqureeh isi baaxol yan mara ken abeyyo. Baaxok ken masgayya. Tahamat yabtam yoo YALLA› keenik inxic» yok iyye.