Ermiyaas 41:9 - NABUWWA KEE MALIKWA

⁹ Ismaaqil qide marih raysa inkih edde qidem, inki birkatak teneeh; too birkat kaxxam naba birkatak ten. Too birkat bicissem, malik Aasa deqsita malikik teneeh; akah bicsem, Baqsa deqsita malikiy Israayil amoytah yenehiyyah qeebi kaat abe saaku, woo qeebik amo edde raaqisa'gidik ten. Ismaaqil too kaxxa birkat too marih raysak kibe.

Ermiyaas 41:9 Referans Kwoze

2 Samuwel 17:9

Away kinni-way gabla akke kee, hinnay kaadu, aracak teenat yombooqoreh yan kaana. Dawud ku mara qeebit yabbaxu waah, keenik dago mara qidu waa waqdi, sahda woo xaagu taabbu wayta waqdi, ku mari gaceh 'yaanam axcelon.

1 Samuwel 13:6

Israayil mari isinni adda yuble waqdi, taysem kinnim waagiseenih; keenik garab gabla kee garbo elle tani'kkeh addat yombooqoren. Raaqe garab kaadu xaluuqâ fanat culeeh, dagen arooca kee qelwah addat yombooqoren.

Makaabon 6:2

Miidiyan mari caylah Israayil marak lafitak yen. Tonna-leemiik Israayil mari qaleeli-amol gabla kee kalah tan aroocay amô-reebu let yombooqoren.

1 Samuwel 24:3

Illi-gasoosat xayi gablay giti qaxal tanihiyya fan yemeeteeh, daaco aba'gidih too gablah adda cule. Dawud kee Dawud mara too gablak iqiyal culteh ten.

1 Samuwel 14:22

Gersi maray kaadu Efrayim qaleelat sasak sugehiyya Filistiin-mari bukeenim yoobbeeniih, tonna-leemik Saawul kee Yonaatan lih gacca 'yeenih, Filistiin-marat qeebi aben.

1 Samuwel 14:11

Sarrak Filistiin-mari ken akah yable innah aben. Too waqdi Filistiin-mari, «Wagga! Qibraan marak tu takkem edde yombooqoreenih sugen boodoodak away yawqeenih yanin» iyyen.

Yasaqya 14:19

koh kabri madagaanaay; ku raysa caxak yirgiqen luddi innal baaxot qideloonuh, teetit ummatta aaqitele. Ku raysih bagul carbit rabte qaskarih raysitte gacele; sitta lih akeerak iqiya fan oobetton.