Ermiyaas 40:7 - NABUWWA KEE MALIKWA

⁷ Yuudâ-doolatak qaskar abbobtih yen tu yakke maray Baabelon malikil gaba acee'kal raaqehiyya yen. Too mari Baabelon malik-Nabkadnessar, Acikám-Gedalya deqsita num inkih yan Yuudâ-rasu kee seewak raqte tu-maleelak abbah hee, 'yaanam yoobben.

Ermiyaas 40:7 Referans Kwoze

Ermiyaas 39:10

Takkay immay takmem sinni masaakiina mabennay elle cabe. Qinab xala coox kee buqre elle aban baaxo keenih yecee.

Yacedkel 45:16

«Baaxol enna 'ta Israayil-ummat, ta sadgat, abbah yan numul baahoonay.

Ermiyaas 39:4

Xidkiya kee inkih tan kay qaskar magaala tibbixsimem yublen waqdi, magaalak barat edde yewqeenih gexen. Malik bustaan elle yen aracak gitah gaceeniih, magaala akak yawqen afah kabuuk namma gasok fan-fan gacca 'yeenih Ordon weeqaytu fanah haysiten.

2 Malikwa 25:4

Too waqdi magaalat maroh yan gidaar boohayseenih. Baabelon-mari magaala marot abbaxuk yene'mmay, tohuh, Yuudâ-malik kee qaskar inkih barat edde kudde. Kuden waqdi gitah malik buxah bustaan elle yen aracak namma gidaarak fan-fan gacca 'yeenih Ordon weeqaytu fan gexen.

2 Malikwa 25:12

Takkay immay Yuudâ-rasul kaxxam masaakiinah yan mara qinab-cooxih-taama kee baqurê-taamah cabe.

Ermiyaas 41:11

Kareyyác-Yocanan kee kaa'lih sugte qaskar abbobti, Ismaaqil baahe umaane inkih yoobbeenih.

Ermiyaas 43:6

labhaay agabuuy urru kee malikik say-xayloh agantah, gaabossa heenih Masri fan been. Baabelon-qaskarih-abbay Nabudardan deqsitahiyya, Acikám-Gedalyal cabe marak Neeriyyâ-Baaruk kee nabi Ermiyaas agantah, Masri fan been.

Ermiyaas 52:16

Takkay immay Yuudâ-rasul, kaxxam masaakiinah yan maray tu sinnihiyya qinab-cooxih-taama kee baqurê-taamah cabe.

Ermiyaas 39:9

Sarrak Nabudardan deqsita numuy Baabelon qaskarak inkih abbah yenehiyya, magaalah addal raaqe mara kee kaal yemeete maray gaba kaal yeceehiyya inkih, gaabossa heeh Baabelon fan seewah bee.

Ermiyaas 39:14

Ermiyaas edde suge malik-qarih-daaratak kaa bahsiisen. Sarrak Acikám-Gedalya deqsita numih gabal kaa heen. Sarra «Ta num xabba haay kay buxa fan kaa guddus» iyyen. Acikám-Gedalya, Safanya deqsita numuk baxi-baxak ten. Too num Ermiyaas beyya heeh, kay buxal kaa hayya hee. Tonnal Ermiyaas isi ummattah addal gace.

Ermiyaas 41:1

Woo sanatak malcinhaytoh alsat, Alisamáq-Natanyáh-Ismaaqiliy Yuudâ-malikik nasab luk yeneeh duma kaadu malikik gubal yan numuk yenehiyya, Gedalyat boysita'gidih tabna num is lih wakalih hayya heeh; Mixfa fanah gexe. Ken kee Gedalya kee kay mari inki aracal maaqo xagak sugen waqdi,

Ermiyaas 41:10

Sarrak Ismaaqil, malikik say-xaylo kee, Mixfâ-magaalal suggu 'ye maray Baabelon qaskar abbay Nabudardan deqsita Gedalya abba akak abeh cabehiyya, seewah gabat hayya heeh, Qammon rasu fan foore.