Ermiyaas 40:5 - NABUWWA KEE MALIKWA

⁵ Too waqdi Ermiyaas tu kaal magacisinnaay tibba 'ye. Toh yuble waqdi Nabudardan kaak iyyeemih, «Acikám-Gedalya fan gex. Baabelon malik, Yuudal tan magaaloolik inkih xintoh abba kaa abe. Kay garil gacettooh, ummat addal ummat lih gacetto. Faxxek, kaadu isih loowitte rasu fan gexetto» kaak iyye. Sarrak mattacoh duyye kaah yeceeh, sakayih kaadu giti maaqo kaah yecee.

Ermiyaas 40:5 Referans Kwoze

Ermiyaas 39:14

Ermiyaas edde suge malik-qarih-daaratak kaa bahsiisen. Sarrak Acikám-Gedalya deqsita numih gabal kaa heen. Sarra «Ta num xabba haay kay buxa fan kaa guddus» iyyen. Acikám-Gedalya, Safanya deqsita numuk baxi-baxak ten. Too num Ermiyaas beyya heeh, kay buxal kaa hayya hee. Tonnal Ermiyaas isi ummattah addal gace.

Ermiyaas 41:2

Ismaaqil kee a tabna num seef sibba hayteh Gedalya qidde. Tonnal Baabelon-malik baaxoh-abba hee num qiden.

Ermiyaas 40:4

Ku tiyah tu gactek, gabal kok yan silsilat kok kaleyyo. Tohuk wadir isih faxxe ikke gexetto. Yo'lih Baabelon fan gexxam faxxek, ugutay nee bey, meqe wagittoh amo kok wagteyyo. Gexxam faxe waytek, kaadu koo dirkissam matan. Inkih tan baaxok isih faxxe ikke dooritay gex» kaak iyye.

Ermiyaas 26:24

Takkay immay Ermiyaasah tu gactek, Safán-Acikam deqsita num maroh amol yaabal kaa cateeh, tonna leemiik rabak cattiimeh.

Ermiyaas 15:11

YALLI yok iyyemii, ‹Meqem koh abuh koo cateyyo. Naqboytit gibdaabina kee boola ken tabbixe waqdi, kallacih elle tamaate num koo abeyyo. Taham koh abeyyom koh diggoysa.

Nacmiya 1:11

Yooy ku naqasuh yani kee ku naqoosay ku migaq taynabehiyya abta dooqa nek macinin. A saaku faxam yoh aba'gidih, malik bagu yoh xabbacos» 'yaanam exce. Too saaku taamah luk enem, malikih qinab elle yaaqube kobbaaya xayyoosa marak abbah en.

Qedra 7:27

Qedra too warkatal tanim yuble waqdi iyyeemih, «YALLAY ni kaxxa abbobti elle aamanuk sugte Dagelta kinnihiyya fayla taafay. Yarusalaamal yan kay Qibaadah-Qari malik akah yassakaxxe innah abtem YALLA.

Qedra 7:6

Qedra YALLAY Israayil doore Dagelta kinnihiyya Muusal oobise kitaabih addal tunkuttubem digga luk yaaxige numuk ten. Qedra YALLAY kay Dagelta kinnihiyyak barkat gee numuk teneemih sabbatah, malik esserra heem inkih kaah abeh. Artacsasta edde dardaareemih malcinhaytô-sanatat, Qedra, Baabelon rasuk Yarusalaam magaala fan yuduure. Seeka kee Leewih yooboke mara kee, Yallih Qibaadah-Qaril saare aba mara kee, Yallih Qibaadah-Qarit dacayrih yan mara kee edde taamita mara kee, kalah yan Israayilih yooboke mari kaa'lih yuduure.

2 Aydaad 34:20

Sarrak ahaak gubal yan amri, Cilkiyya deqsita numuy seekih yenehiyyaay, Safan baxa Acikam kee, tonnah kaadu, Miikayhu baxa Qabdonuuy, malik buxal kutbe-abeh suge Safan deqsita num kee malik buxal malik kaadintuh yen Qasaaya deqsita numul yecee.

2 Malikwa 22:14

Cilkiyya kee Acikam kee Qakboruuy, Safan kee Qasaaya tikka 'yeenih, Culda deqsitta barray nabih tenehiyyay, Yarusalaam magaalak qusbih xisen exxal buxa luk tenehiyya fan gexeeniih, fayu esseren. Tet baqli Sallum deqsitak yeneeh; kay abbak migaaqah Tikwa axcuk yenen. Kay abbah abba Carcas deqsitak yen. Sallum Yallih Qibaadah-Qaril edde gacan sartanak amo wagitak yen. Too mari ta-nabih-tan-barra fan yemeeteeh; malik keenil ruube farmo teetih warsen.

2 Malikwa 22:12

Sarrak Cilkiyya deqsita numuy seekih yeneey, Safan baxa Acikamaay, Miikayhu baxa Qakboruuy, malik buxal kutbe-abeh suge Safan kee, malik buxal malik faxaamih taamat yen Qasaaya deqsita numul amri oobise.

Ermiyaas 41:1

Woo sanatak malcinhaytoh alsat, Alisamáq-Natanyáh-Ismaaqiliy Yuudâ-malikik nasab luk yeneeh duma kaadu malikik gubal yan numuk yenehiyya, Gedalyat boysita'gidih tabna num is lih wakalih hayya heeh; Mixfa fanah gexe. Ken kee Gedalya kee kay mari inki aracal maaqo xagak sugen waqdi,