Ermiyaas 40:11 - NABUWWA KEE MALIKWA

¹¹ Sarrak Yuudah-ummatay Mooyab kee Qammon kee Edom kee, wohuk kalah tan baaxol sugga 'tehiyya inkih, Baabelon-malik Yuudâ-rasul ummatak tu takkem cabeeh; too marak abbah Acikám-Gedalya keenik heeh cabe 'yaanam yoobben waqdi,

Ermiyaas 40:11 Referans Kwoze

Yasaqya 16:4

Ku baaxol nanay nee inxicaay, nee bayisam faxa marak nee cata» axcelon. Xukko kee baati gaba kaleleeh; baaxooxa baysa mari baaxo cabele.

Yacedkel 35:5

«Isin dumaak Israayil ummatah qaduwwih sugteeniih; Israayil ummat isih bahte dambih digaala keenil temeete saakuy kaxxa gadaamat sugeenihiyya, isinni le kabuuk ken qidaana'gidih absissen.

Yacedkel 25:12

YALLAY Mulki lehiyya iyyaamah, «Edom-mari Yuudâ-maral canê-gacsah umam baaheeh; too umaaney oson canê-gacsah abeenihiyya, Edom maral ken cabe wayta umaane tekke.

Yacedkel 25:8

YALLAY Mulki lehiyya qagseh iyyeemih, «Mooyab kee Edom mari, ‹Yuudâ mari gersi marak edde yayseenimih loonum malon› 'yaanam iyyeeniih; tohih sabbatah,

Yacedkel 25:6

YALLAY Mulki lehiyya qagseh Qammon marak iyyaamah: «Farcatak gexxaamah gaba taagureeniih kaqittaanam ubleh. Israayil rasu uma intit tablen.

Yacedkel 25:2

«Bani-adantow, Qammon marat takku waytam waris.

Yacedkel 5:12

Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.

Yacedkel 5:3

Takkay immay xagooruk dagom raaqisay saroh exxat uxuy.

Ermiyaas 24:9

Baadal enna 'ya mari keenit tekkem yaabbu waa waqdi, kaxxa wariggah wariggitelon. Sinam elle tasuule mara ken abeyyo. Anu ken baadisu waa baaxol, sinam ken migaq xagak gersi mara bursutele. Titta abaara mari, «Woo marat tekkem siinit takkay» axcuk abaaroh ken haysiteloonuh, keenit tekkem missila akkele.

1 Samuwel 12:12

Takkay immay Qammon rasul malikih yen numuy migaaqah Nacas deqsitahiyya sin yabbixu waam tublen waqdi, YALLIH malikannu cinteenih, ‹Nee xiinisa malik neh reedis› yok inten.

1 Samuwel 11:1

Alsak wadiril Qammon-malikiy Nacas deqsitahiyya Gilqad-rasuk Yaabes-deqsitta-magaala yabbixe'gidih gexeeh maro teetit hee. Yaabes-magaala elle tenem, Gilqad deqsitta baaxok ten. Yaabes-mari Nacasak iyyemii, «Amoytiinuh koo oggoleh immay ninni kee ku fanal bica abnaama» kaak iyyen.

Yasaqya 11:14

Oson titta geyya heenih ayrô-culma le kabul tan Filistiin-ummattat qeebi abeloonuuh; ayrô-mawqa le kabul tan ummatta kaadu buubelon. Edom kee Mooyab-ummattak qeebil ayseloonuuh; Qammon-ummatta ken yab oggolelon.

Ermiyaas 41:10

Sarrak Ismaaqil, malikik say-xaylo kee, Mixfâ-magaalal suggu 'ye maray Baabelon qaskar abbay Nabudardan deqsita Gedalya abba akak abeh cabehiyya, seewah gabat hayya heeh, Qammon rasu fan foore.

Ermiyaas 43:5

Tonna leemiik Yocanan kee kalah tan qaskar abbobti, duma qeebi yekke saaku kulli rasul fixixih suge maray away Yuudâ-rasu yuduurehiyyak

Yacedkel 34:6

Yi illi kaxxa koomaami kee qaleelah amol meekot yen. Inkih yan baadal finqiteeniih immay ken gorriseeh ken baahe mari masuginna.

Ermiyaas 43:6

labhaay agabuuy urru kee malikik say-xayloh agantah, gaabossa heenih Masri fan been. Baabelon-qaskarih-abbay Nabudardan deqsitahiyya, Acikám-Gedalyal cabe marak Neeriyyâ-Baaruk kee nabi Ermiyaas agantah, Masri fan been.