Ermiyaas 4:18 - NABUWWA KEE MALIKWA

¹⁸ Hay Yuudah-ummatey, aham isin isinnih isinnil bahteenimiiy, sin qamalah siinit tekkeemi. Taham sin dambih siinit tekkeemi'mmay, salfa siinil matallay siinit qeerootele. Gilet muden afqadoh innah, siinik dananele.

Ermiyaas 4:18 Referans Kwoze

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 2:17

Israayil xayloy ta axxul le umaane siinit akah tekkem, yooy sin Dageltah yaniih gita sin beyak sugehiyya cabteenimih sabbata. Tamah isinnih isinnil bahten umaane.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Ermiyaas 6:19

Addunyal tan ummatey, yoh oobbeya! Oson abba heenimih digaalah, a maral bala ruubeyyo. Oson baaheenimih ken digaalah an. Anu keenih ruube xinto cineeniih yi qangarah ayti yacoonu cineenih.

Ermiyaas 26:19

Malik Ciskiyyaahu kee Yuudâ-mari, Miika toh iyyeemih kaa maqidinnon. Malik Ciskiyyaahu YALLAK meysita numuk teneeh, a magaala YALLI bayse waa'gidih YALLA kallace. Too waqdi YALLI kaadu keenil oobise raare bala keenik raaqiseh. Taway nanu kaadu too malikik kaxxih, kaa qide waynaama. Kaa qidnek, umaane ninnih ninnil bahnem deqsitele. Tonna-leemik ta num cabnaama» iyyen.

Ermiyaas 5:19

‹A axxul le umaane nel akah baaham faxam macaay?› kok iyyoonu waan waqdi, Ermiyaasow, atu keenik intu waytaamah, ‹YALLI, isin yoo cinna hayteenih mari aqbuduk suge duyye isinni baaxoh addal taqbudeeniih, tonna'mmay isin kaadu sin baaxo akke sinni marin baaxol marin naqoosa akketton, yok iyye› keenik axcetto» iyyah yan.

Ermiyaas 5:25

Isin abtan dambi kee umaane, ta maqaane sin gee kalteh.

Yacedkel 39:24

Darre keenit cabeeh, oson aben umaane kee dambik gexxaamah ken celta digaala keenit abe» iyye.

Hosiqa 7:2

Anu oson abba heen umaane aaxigem mayaaxigan. Oson abba heen dambi marot ken yabbixe. Oson aban taama yok maqellitta» iyye.

Ermiyaas 14:16

Oson toh akak iyyan mari kaadu, too qulul kee carbit ambaxele. Raysa keenik Yarusalaam magaalah gititteh xaqul qidelon. Lafa keenik yaaguqe mara mageyan. Taham kaadu, keenik kalah, ken agabu kee ken xaylot takku waytaama. Edde yanin umaanek keenih taguude digaala keenit abeyyo» 'yaanam yok iyye.