Ermiyaas 4:13 - NABUWWA KEE MALIKWA

¹³ Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Ermiyaas 4:13 Referans Kwoze

Yasaqya 19:1

Masri giddinaamak ruuben farmo ah teeti. YALLI qamburreh addat sissikuk Masri fan yamaate. Masri addal yalla 'yeenih aqbuduk sugen coox kee xeetik bicsen duyyeeya kay foocal axaxitele. Masri marak niya addigillele.

Yasaqya 66:15

Macaay inteenik, YALLI girah innal amaatele. Kay gaariira qaana fuluk haak tamaate. Niqba mara kaxxa bagcarrat edde digaala'gidih, YALLI gira gabat luk amaatele.

Cabakkuk 1:8

Ken faaris sissikaaneh kabqik laftele. Satqitte suulak aban cunxok fuli cunxo keenik abelon. Faariisa keenik kaqoh fayxih inki aracal mataseehedaay, xukcunoh baaxo dub heele. Qawi tu bukkusam faxa waqdi sissikuk elle yamaate innal, a mari kaadu xer baaxok marin baaxo yabbixe'gidih, faaris xoxbisak amaatelon.

Yasaqya 5:28

Gayse kee gaysê-xaylo qeebi edde aboonuh bical tan. Gaysê-xaylo keenik af le. Ken faariisih ibitte gibdah qado-xeetih inna le. Ken faariisa beyta gaariira qaana fuluk haak tamaate.

Naacum 1:3

YALLI giffa 'ta qande le'mmay, tohuh dagoomut mabagcarrita. Takkay immay umaane aba mara digaale'kal macaba. Isih elle gexa kabul caacay kee caaco ugusa. Siisa sahdah ibat elle ugutta'nnal, qamburre kay ibih gubat ugutta.

Yasaqya 13:5

Inkih yan baad baysaana'gidih, YALLA kee, isi bagcarra gabat le qaskar baad edde yaadiye xer baaxok yamaaten.

Ermiyaas 4:31

Lacaw edde yemeete barrah xongoloh innah tanim yol radda. Naharsi-baxa xalta barra abta xongoloh bis le xongolo yol radda. Toh Yarusalaam mari abah yan weqweqsinto. Gaba deerih loonuuh, ‹Baati net tekkeh, bayneh nan! Nee selu waa mari mamaatat yan› iyyan».

Hosiqa 8:1

YALLI kaadu qagseh iyyeemih, «Baanta nagay kaayisa. Qawi qaraanak raarisak elle yamaate'nnal, naqboytit baaxol raarisak yi marat tamaate. Yi ummat anu ken lih hee bica yol makteeh, anu aba keenik exceemit darre cabte.

Daaniyel 7:4

«Naharsi ali lubak ceelak yen. Takkay immay gabilleemah innah galwa luk yen. Woo ala wagitak suge waqdi, galwa kaak kalen. Sarrak woo ala xinkiyya heeniih, too waqdi sinam innah salafti namma ibah soole. Tohuk lakal sahdayti-le-kas kaat heen.

Ermiyaas 10:19

Yarusalaam-ummatta too waqdi weqteeh: «Woyyow ni nabsow! Uma mudumuh muddunneh nan. Nanu abnem akak uran mudum hinna» iyyen. Takkay immay bagul, «Ni biyaakal nasbirem nel tan.

2 Samuwel 1:23

«Nanu Saawul kee baxi tiyat yabba innek, addunyal anuk maqaane luk sugeenih; addunyal anuk sahda ken kicinuk ten. Rabal kaadu titta lih waklisak raben. Sissikaaneh tikoh inna luk sugeeniih; maqarah kaadu lubak inna luk yenen.

Yasaqya 3:8

Hay tonnal Yarusalaam baatih lagaq intaah, Yuudâ-rasi finqah gexam faxa. Abba haanam kee inxicca 'yaanam inkih, Yallal saduh taniimi. YALLA qaduk xaafan.

Ermiyaas 4:12

A caacay akak yamaatu waam yoo kinnuk, kaxxa caacaya. A saaku anu inni ummattal innih ackumeyyo» keenik axcele.

Ermiyaas 9:19

Ankacca haay! Siyoonul booge tantaabbeh tan. «Bayneeh; qaybit radneh nan. Magaala cabneh genxam nek faxximta; ahaysa buxaaxi nek abur tekkeh tan» 'yaanam iyyen.

Ermiyaas 49:22

Bosrâ-magaalal yan marat ken naqboytit, qawi galwa fakka hayteh tamaate way sahdak gital duyye elle qawta'nnal, ken qawelon. Too saaku Edom qaskar meysih lacawat tan barrah innah gacelon» 'yaanam Yalli iyye.

Yacedkel 26:10

Ken faroosa mangak gexxaamah, faarisih gexot tawqeh tan siisa sin buulele. Faaris-gaariira kee faras amok qeebi abta labha edde tan faariisa, tiddigille magaala cultu wayta waqdi, radah yan anayat gidaarwa engeyya axcele.

Yacedkel 38:9

Koo kee ku qaskar kee, wohuk kalah, mango baaxok yemeete mari sin lih gacca 'yeh, caacoh innal, ken wararetton. Inkih tan baaxo qamburreh innah buuletton» iyye.

Daaniyel 11:40

« ‹Ellecabô-wakti xayyoowa waqdi, Masri malik qeebi kaat abeleeh, too waqdi Suuriyah malik gaariira kee faariisa kee mango maraakib haysitta heeh kaa'lih aamele. Mango baaxo weeqi'nnah duufut beyak wararele.

Miika 2:4

Woo ayro siinit takkem yabalu waa mari qadar siinil abele. Iyyoonu waanamah, ‹Gaba kalleh, foyya nekkeh nan! YALLI baaxo nee waysiiseh yan; qaduwwi nek yan marah yecee› iyyaanam anqaasah siinik axcelon» 'yaanam iyye.

Ermiyaas 6:23

Too mari gayse kee gaysê-xaylooy macaxwa gabat lon. Racmatta kee xuwaawak tu le mara hinnon. Faariisat gexan waqdi, baddi haffoh xongolo lon. Yarusalaamey, kot qeebi abaana'gidih roorut gacca 'yeenih yamaaten» 'yaanam iyye.

Ermiyaas 46:18

«Malik akak 'yaanam, yoo YALLAY Nabaamak Nabahiyya. Waara Yalli yoo immay siinik axcemii: Taabor qale qaleelak xeeruk elle raqtaah, Karmel qale kaadu badak fayya luk elle raqta'nnah, siinit carbi aba numih qande kulsah too bis luk siinik raaqele.

Ermiyaas 48:40

YALLI iyyeemih, «Qawi qawtam faxxa waqdi raarisak elle tamaate'nnal, Mooyab marat buuba abu waa mari raarisak yamaate.

Zakariyya 6:1

Tohuk lakal kaadu gersi wacyi yoh yumbulle. Namma qaley nacaasak bicseenihiyyak fan fan, affara faras-gaariy tamaatehiyya uble.